Zakaria 9 - Ṅmãle̱ Kroṅkroṅ Le̱

¹ Iehowa wiemo̱ le̱ mli kodšomo̱ be gbale̱ ye̱ Habrak šikpoṅ le̱ hewo̱, ni eeyakã *Damasko no̱; edšake̱ Iehowa hĩṅme̱ii dſere gbomei ke̱ Israel akutšei le̱ fẽ no̱; *Ies. 17,1.

² ke̱ Hamat hũ ni ke̱le̱ dše hũsũ le̱, ke̱ *Tiro ke̱ Zidon hũ, edšake̱ ame̱le nii tšṍ. *Ies. 23. Ier 47,4. Ezek. 26-28.

³ Ni Tiro etſa gbogbo ewo ehe, ni ebua dſie̱te̱i nā tamo̱ mlu ke̱ šika kro̱ṅṅ hũ tamo̱ blohũiaṅ ṅmiamo̱.

⁴ Na, Nuṅtšo̱ ke̱ aaṅõle̱, ni eetſa ehewale̱ le̱ nõ ye̱ ṅšo̱ mli, ni le̱dientše̱ le̱, aašãle̱ ke̱ la.

⁵ *Aškeion aana, ni eeše gbeyei, ke̱ Gaza hũ, ni ehe aakpokpo naakpa, ke̱ Ekron o̱ edšake̱ ehĩeno̱kãmo̱ ke̱ hĩe aagbo, ni maṅtše̱ le̱ aalādšo̱ ye̱ Gaza, ni Aškelon hũ ahĩṅ mli boṅṅ. *Ier. 47.

⁶ Ni adſamaṅbii aahĩ ši ye̱ Ašdod, ni mafo Filistibii ahewō le̱ se̱.

⁷ Ni madšie elá le̱ ye̱ edāṅ, ke̱ eni-hĩnii le̱ hũ ye̱ enyãnyõdši ateṅ, ni le̱ hũ eetšṍ ſē̱nõ ehã wo̱-Nyoṅmo̱ le, ni eetšṍ tamo̱ asafoiatše̱ ye̱ Iuda, ni Ekronnyo hũ aatamo̱ Iebusnyo.

⁸ Ni *mabo̱ nsra mabu miwe le̱ he maši mei ní bafoo̱ṅ ke̱-hoo̱ ke̱ mei ni kũo̱ ame̱se̱ ke̱-baä le̱, ni haolo̱ ko tšṍṅ ame̱teṅ ke̱-hoṅ doṅṅ; edšake̱ agbe̱ne̱ mīkwe̱ ke̱ mihĩṅmeii. *2,3.

⁹ *Omli aflio pī, Zion biyō! Bo̱ oše, Ierusalem biyō! Na, omaṅtše̱ le̱ mība oṅō: dšalo̱ ke̱ yiwalaherelo̱ dšile̱; ebaä ehe ši, ni etá tedši no̱, ke̱ tedši oblanyo ní dši tedšiyō bi ko no̱. *Zef. 3,14. Mat. 21,5.

¹⁰ Ni makpãtã ſīlii ahĩe ke̱-adše̱ Efraim ke̱ okpo̱ṅo̱i hũ ke̱-adše̱ Ierusalem, ni aakpãtã tawū gãi le̱ hũ hĩe; ni eewie hedšo̱le̱ wiemo̱ etšõ dseṅmãdši le̱, ni eno̱yeli le̱ aadše̱ ṅšo̱ nā ke̱-yaši ṅšo̱ nā, ni eedše̱ fā le̱ nā ke̱-yaši šikpoṅ, nāgbēhei le̱ tō̃. Mika 6,9.

¹¹ Bo hũ okpăṅmo̱ *lá le̱ hewo̱ le̱ madšie ogbokle̱foi le̱ ke̱-adše̱ bu ní nu be̱ṅ le̱ mli. *2 Mose 24,3.

¹² Nyekũa nyese̱ ke̱-baä mō̃ ni wa le̱ṅ, nye gbokle̱foi ni nyeyo̱ hĩeno̱kãmo̱! Ṅme̱ne̱ gbĩ ne̱ hũ mīdšadše mītšõ ake̱: Matoö nãdšiaṅ *toi enyo̱! *Ies. 61,7.

¹³ Edšake̱ mido̱ Iuda tamo̱ gãitšo mihã mihe, ni mike̱ Efraim ewo mli, ni matē bo, Zion, obihĩĩ le̱ aši mawo bo, *Hela, obihĩĩ le̱, ni maṅõo mafe tamo̱ nū kãkãlo̱ klante. *Dan. 8,21. 22.

¹⁴ Ni Iehowa aadšie ehe kpo ye̱ ame̱yiteṅ, ni egãimlibi le̱ aafã kpo tamo̱ srawa; ni Nuṅtšo̱ Iehowa aakpã te̱tre̱mantre̱, ni eke̱ wuoyigbe̱ lasũogbĕlei le̱ aanyie.

¹⁵ Iehowa Zebaot aabu ame̱he, ni ame̱aye nii, ni ame̱anānā akromia te̱i le̱ ano̱, ni ame̱anu noko, ni ame̱afe hō tamo̱ noni amenu wein, ni ame̱ayimo̱ obõbõ tamo̱ kà ko lo tamo̱ afo̱lešãlate̱ le̱ kódši le̱.

¹⁶ Ni Iehowa, ame̱-Nyoṅmo̱ le̱, aahere ame̱yiwala ye̱ nakai gbĩ le̱ no̱ tamo̱ emaṅ le̱ tōiku le̱; edsake̱ ame̱atamo̱ akekre he te̱i ni kple̱o̱ ye̱ ešikpoṅ le̱ no̱.

¹⁷ Ši kwe̱ bo̱ni edale̱ ke̱ bo̱ni ehefe̱o le̱ fá hã! ṅmā̃ aahã oblahĩĩ afro̱ke, ni wein hẽ hũ aahã oblayei afro̱ke.