Zakaria 7 - Ṅmãle̱ Kroṅkroṅ Le̱

¹ Ni eba mli ake̱ maṅtše̱ Dario yino̱ afi ní dši edſe̱ le̱ no̱ le̱ Iehowa wiemo̱ ba Zakaria ṅõ ye̱ nyõṅ ní dši ne̱hũ ní dši Kislev le̱ no̱ gbĩ ní dši gbĩ edſe̱ le̱ no̱;

² beni Betelbii tšũ Šarezer ke̱ Regem-Melek ke̱ eme̱i le̱ ke̱-ba ní ame̱bakpa Iehowa fai,

³ ni ame̱babi oso̱foi le̱ ní yo̱ Iehowa Zebaot we le̱, ke̱ gbalo̱i le̱ ake̱: Ani mifó ye̱ nyõṅ ní dši *enumo̱ le̱ hũ no̱, ni mitšĩ mihe nā, take̱ bo̱ni mife afii abo̱ lo? le̱. *8,19. Ier. 52,12.

⁴ Ke̱ke̱ ni Iehowa Zebaot wiemo̱ ba miṅõ ake̱:

⁵ Kē̱mo̱ šikpoṅ le̱ no̱ maṅ le̱ fẽ le̱ oso̱foi le̱ ake̱: Ni *nyehĩ ṅmā̃ ni nyeye ṅko̱mo̱ ye̱ nyõṅ ní dši enumo̱ le̱ ke̱ noni dši kpawo le̱ no, ye̱ afii nyoṅmai-kpawo ne̱ mli le̱, ani mi nyehĩ ṅmā̃ le̱ nyehã lo? *8,19. Ies. 58,5.

⁶ Ni asaṅ ké̱ nyeye nii ni nyenu noko le̱, ani dšee nyedientše̱ nyehe nyeyeo̱ ni nyenuo̱ nyehãa lo?

⁷ Ani esaa moṅ ake̱ nyeyeo̱ Iehowa wiemo̱i le̱ ano̱ noni etšṍ ekle̱ṅkle̱ṅ gbalo̱i le̱ ano̱ ešie̱, heni mei yo̱ Ierusalem ni eke̱ emãdši ni bo̱le ehe ke̱-kpe le̱ ſereo̱, ni mei yo̱ wuoyigbe̱ ke̱ ṅãno̱ šikpoṅ le̱ no̱ le̱ lo?

⁸ Ni Iehowa wiemo̱ ba Zakaria ṅõ ake̱:

⁹ Noni Iehowa Zebaot kē̱ ne̱: *Nyekodšoa ano̱kwa kodšomo̱, ni mofẽmo adšie mobo̱nale ke̱ mũsũṅtšõla kpo atšõ enyemi! *Mika 6,8.

¹⁰ Ni *nyekawaä okũlafo lo awusã, gbo̱ ko ohĩafo yi, ni mokomoko akasusu enyemi he efõṅ ye̱ etšuiṅ! *2 Mose 22,21. 22.

¹¹ Ši ame̱kplēē toibō, ni ame̱w̌i ame̱kõṅ hũ, ni ame̱tšĩmo̱ ame̱toii, koni ame̱kanu;

¹² ni ame̱fe ame̱tšui *tamo̱ diamentete̱, koni ame̱kanu mla le̱ ke̱ wiemo̱i ke̱ ni Iehowa Zebaot tšṍ Emumo̱ le̱ no̱ eke̱tšũ kleṅkleṅ gbalo̱i le̱; nohewo̱ ni mlifũ kpeteṅkple dše̱ Iehowa Zebaot ṅõ be ke̱. *Ies. 48,4.

¹³ Ni eba mli ake̱, bo̱ni eblo̱ ni ame̱-boo toi le̱, nakai ame̱blo̱, ni mi hũ miboo toi, Iehowa Zebaot kē̱.

¹⁴ Ši mike̱ lasũogbĕle gbe̱ame̱ ſã dšeṅmãdši fẽ ní ame̱lee le̱ mli, ni šikpoṅ le̱ tšṍ amaṅfõ ye̱ ame̱se̱, ni mokomoko tšṍṍ no̱ ke̱-hoo lo ní eekũ ese̱; ni ame̱hā šikpoṅ fe̱fe̱o le̱ tšṍ amaṅfõ.