Zakaria 4 - Ṅmãle̱ Kroṅkroṅ Le̱

¹ Ni bo̱fo le̱ ní ke̱mi wieo̱ le̱ ba ekoṅ, ni ebatšĩemi, tamo̱ atšīeo mo ke̱-dše̱o̱ ewo̱ mli,

² ni ekē̱mi ake̱: *Meni onaä ne̱? Ni mikē̱: Mikwe̱, ni na †kanetšo ní šika so̱ṅṅ ake̱-fe, ni emũto̱ mã eyiteṅ, ni ekanei kpawo le̱ ye̱ ehe, ni be̱dši kpawo ye̱ hã kanei kpawo le̱ ni yo̱ yiteṅ. *Ier. 1,11. 15. Amos 8,2. †2 Mose 25,31-40.

³ ni mũtšei enyo̱ mãmo̱ emase̱i, ekome ye̱ mũto̱ le̱ ninedšũrõgbe̱, ni ekome hũ ye̱ ebe̱kugbe̱.

⁴ Ke̱ke̱ ni mihere no̱ ni mikē̱ bo̱fo le̱ ni ke̱mi wieo̱ le̱ ake̱: Meni dši ene̱mei, minuṅtšo̱?

⁵ Ni bo̱fo le̱ ní ke̱mi wieo̱ le̱ here no̱ ni ekē̱mi ake̱: Ani olee noni dši ene̱mei? Ni mikē̱: Dabi, minuṅtšo̱!

⁶ Ke̱ke̱ ni ehere no̱ ni ekē̱mi ake̱: Ene̱ dši Iehowa wiemo̱ ní ba Zerubabel ṅõ ake̱: Dšee nyẽmo̱ nā le̱, dšee hewale̱ nā, ši Mimumo̱ le̱ nā! Iehowa Zebaot kē̱.

⁷ Namo dšio ye̱ Zerubabel hĩe, bo goṅ kpeteṅkple? ootšṍ ṅã kplanā! ni eke̱ yi-teṅ te̱ le̱ aadše kpo ke̱-aba ke̱ *oše̱bō̱i ake̱: Dromo̱, dromo̱ ahãle̱! *Lal. 122,6.

⁸ Ni Iehowa wiemo̱ sā ba mĩṅõ ake̱:

⁹ *Zerubabel nidši to šĩa ne̱ šiši, ni enidši noṅṅ bagbe nā; ni †ooná ole ake̱ Iehowa Zebaot tšũmi nyeṅõ le̱. *Ezra 3,8; 6,14-16. †Zak. 2,13. 15.

¹⁰ Ši namo gbeo̱ *nibii bibii agbĩ le̱ he guo̱? Edšake̱ †kpawo ne̱, ní dši Iehowa hĩṅme̱ii ní kpaä šikpoṅ mū le fẽ no̱ le̱, aana kũlomŭlo le̱ ye̱ Zerubabel deṅ, ni ame̱anyã́. *Hag. 2,8. †Zak. 8,3.

¹¹ Ni mihere no̱ ni mikē̱le̱ ake̱: Meni dši ne̱ke̱ mũtšei enyo̱ ne̱ ni yo̱ kanetšo le̱ ninedšũrõ ke̱ ebe̱ku ne̱?

¹² Ni misā mihere no̱ ni mikē̱le̱ ake̱: Meni dši ne̱ke̱ mũtšei aniṅšl enyo̱ ne̱ ní yo̱ šika be̱dši enyo̱ le̱ ní fo̱seo̱ šika mũ le̱ ke̱-dše̱o̱ ame̱mli le̱ amase̱i ne̱?

¹³ Ni ekē̱mi ake̱: Aso olee noṅi dši ene̱mei lo? Ni mikē̱: Dabi, minuṅtšo̱!

¹⁴ Ke̱ke̱ ni ekē̱: Ene̱mei dši mũbihĩĩ enyo̱ ní damo̱ šikpoṅ mū le̱ fẽ nuṅtšo̱ le̱ mase̱i le̱. Kpods. 11,5.