Yoshua 9 - Ṅmãle̱ Kroṅkroṅ Le̱

¹ Ni eba mli ake̱, beni maṅtše̱mei fẽ ní yo̱ Iordan se̱gbe̱ ye̱ godši le̱ ateṅ ke̱ dšō̱i le̱ amli ke̱ ṅšo̱ kpeteṅkple le̱ nā fẽ, ye̱ Lebanon ṅe̱le̱no̱, ní dši Hitbii ke̱ Amorbii ke̱ Kanaanbii ke̱ Perizbii ke̱ Hivbii ke̱ Iebusbii le̱, nu le̱,

² ame̱bua ame̱he nā ní ame̱fe ekome, koni ame̱ke̱ Iošua ke̱ Israel abawu.

³ Ši beni Gibeonbii le̱ hũ nu noni Iošua fe *Ieriko ke̱ †Ai le̱, *8,20. 21. †8,26. 28.

⁴ ame̱ hũ ame̱to ṅā, ni ame̱te ni ame̱fe ame̱he tamo̱ bo̱foi ni atšũame̱, ni ame̱ṅõ flo̱to̱i memedši ame̱tẽre ame̱tedšii, ke̱ woloto̱i memedši ní egblagblai ní atratrai hũ,

⁵ ni ame̱wo tokotai memedši ni atšratšrai ke̱ atadei memedši hũ, ni ame̱gbe̱-nyiemo̱ aboloi le̱ fẽ egbi ni efufūi.

⁶ Ni ame̱yiṅ ame̱te Iošua ṅõ ye̱ nsra le̱ṅ ye̱ Gilgal, ni ame̱kē̱le̱ ke̱ Israel hĩĩ le̱ ake̱: Wo̱dše̱ maṅse̱ šoṅṅ, hewo̱ le̱ agbe̱ne̱ nyeke̱wo̱ akpãṅa!

⁷ Ni Israel hĩĩ le̱ kē̱ *Hivbii le̱ ake̱: Akakwe̱ ni wo̱te ne̱ṅ nyeyo̱, ni té aafe tẽṅ ni mike̱nye †aakpãṅ hũ. *11,19. †2 Mose 23,32.

⁸ Ni ame̱kē̱ Iošua ake̱: Otšũdši dšiwo̱. Ni Iošua kē̱ame̱ ake̱: Namei dšinye, ní nẽgbe̱ nyedše̱?

⁹ Ni ame̱kē̱le̱ ake̱: Maṅse̱ šoṅṅ otšũdsi dše̱ ni ame̱ba ye̱ Iehowa, o-Nyoṅmo̱ le̱, gbe̱i ahewo̱; edšake̱ wo̱nu ehe sane le̱ ke̱ nibii fẽ ni efe ye̱ Mizraim,

¹⁰ ke̱ nibii fẽ ni efe Amorbii amaṅtše̱mei enyo̱ le̱, ní yo̱ Iordan se̱ le̱, Hešbon maṅtše̱ Sihon ke̱ Bašan maṅtše̱ Og ni yo̱ Aštarot le̱. 4 Mose 21,21-35.

¹¹ Nohewo̱ le̱ wo̱nukpai ke̱ wo̱šikpoṅ le̱ no̱ bii le̱ fẽ kē̱wo̱ ake̱: Nyeṅõa gbe̱no̱ niyenii ni nyeyaä ní nyeke̱ame̱ ayakpea, ni nyekē̱aame̱ ake̱: Nyetšũdši dšiwo̱, hewo̱ le̱ agbe̱ne̱ nyeke̱wo̱ aakpãṅa!

¹² Wo̱boloi ne̱, gbĩ ni wo̱yiṅ ake̱ wo̱miba nyeṅõ le̱, klakla wo̱ṅõ ke̱-dše̱ wo̱šĩai, koni wo̱baye ye̱ gbe̱ le̱ no̱, ni agbe̱ne̱, na, egbĩ ni efufūi.

¹³ Ni ne̱ke̱ woloto̱i ne̱ ni wo̱woame̱ mli wein obõbõ le̱ ehēi ni, ni na, ame̱gblagblai; ni wo̱tadei ke̱ wo̱tokotai ne̱ esū ye̱ gbe̱ le̱ ni dšeke̱ tšṍ le̱ hewo̱.

¹⁴ Ni ame̱here hĩĩ le̱ ye̱ ame̱gbe̱no̱ niyenii le̱ anā, ši ame̱bii *Iehowa dāṅgbē. *4 Mose 27,21.

¹⁵ Ni Iošua ke̱ame̱ ye omanye sane, ni eke̱ame̱ kpãṅ ake̱ agbeṅame̱. Ni asafo le̱ no̱ lume̱i le̱ kãmo̱ame̱ kitãi. K. 7.

¹⁶ Ni eba mli ake̱, beni ame̱ke̱ame̱ ekpãṅ le̱ se̱ gbĩĩ etẽ le̱, ame̱nu ake̱ ame̱ke̱ame̱ dšeke̱e̱ ni ame̱teṅ ame̱yo̱.

¹⁷ Ni Israelbii le̱ fã, ni gbĩ ni dši gbĩ etẽ le̱ ame̱yanina ame̱mãdši le̱; ni ame̱mãdši le̱ dši Gibeon ke̱ Kefira ke̱ Beerot ke̱ Kiriat-Yearim.

¹⁸ Ni Israelbii le̱ egbeeame̱; edšake̱ asafo le̱ no̱ lume̱i le̱ ena Iehowa, Israel Nyoṅmo̱ le̱, ame̱ke̱kãmo̱ame̱ kitãi; ši asafo mū le̱ fẽ wie hũhū̃hũ ame̱ši lume̱i le̱.

¹⁹ Ni lume̱i le̱ fẽ kē̱ asafo mũ le̱ fẽ ake̱: Wo̱na Iehowa, Israel Nyoṅmo̱ le̱, wo̱ke̱kãmo̱ame̱ kitãi, nohewo̱ le̱ wo̱nyẽṅ ame̱he wo̱ta.

²⁰ Nõ moṅ ní wo̱o̱feame̱ ne̱, ni wohã ame̱yi aná wala, koni mlifũ akaba wo̱no̱ ye̱ kitãi ni wo̱kãmo̱ame̱ le̱ hewo̱. 2 Sam. 21,1. 2.

²¹ Ni lume̱i le̱ ke̱ame̱ ake̱: Akagbeame̱; ši ame̱tšṍme̱ laiyale̱i ke̱ fāṅyalo̱i ame̱hã asafo mū le̱ fẽ, take̱ bo̱ni lume̱i le̱ kē̱-ame̱ le̱.

²² Ni Iošua tšé̱ame̱ ke̱-ba, ni ekē̱ame̱ ake: Meni hewo̱ nyelakawo̱ ake: Wo̱ke̱nye teṅ dšeke̱ naakpa; ani moaṅ le̱ wo̱teṅ nyeyo̱?

²³ Nohewo̱ le̱ agbe̱ne̱ alomo̱nye, ni nyṍdši ni aate lai ke̱ mei ni aate fāṅ ke̱-ba mi-Nyoṅmo̱ le̱ we le̱ ase̱ efoṅ ye̱ nyeteṅ?

²⁴ Ni ame̱to he ame̱hã Iošua ake̱: Edšake̱ agba otšũdši, bo̱ni Iehowa, o-Nyoṅmo̱ le̱, kē̱ etšũlo̱ Mose ake̱ eeṅõ šikpoṅ mū le̱ fẽ ehãnye, ni eefite šikpoṅ le̱ no̱ bii fẽ ye̱ nyehĩe, ni wo̱še gbeyei naakpa ake̱ nyebagbewo̱, ni no hã wo̱ye ne̱ke̱ sane ne̱.

²⁵ Ni agbe̱ne̱, nawo̱, wo̱ye̱ odeṅ; bo̱fẽbo̱ hĩ ní edša ye̱ ohĩe ake̱ oofewo̱ le̱, femo̱.

²⁶ Ni efeame̱ nakai, ni edšieame̱ ke̱-dše̱ Israelbii le̱ adeṅ, ni ame̱kagbeame̱.

²⁷ Ni nakai gbĩ le̱ noṅṅ Iošua ṅõame̱ efe *laiyalo̱i ke̱ fāṅyalo̱i ehã asafo le̱ ke̱ Iehowa afo̱lešãlate̱ le̱ ke̱-baši ṅme̱ne̱ ye̱ he ni eehala le̱. *5 Mose 29,10.