Yoshua 8 - Ṅmãle̱ Kroṅkroṅ Le̱

¹ Ni Iehowa kē̱ Iošua ake̱: Käše gbeyei, ni otšui akafã! Ṅõ tabilo̱i le̱ fẽ ofata ohe, ni ofã ke̱-ya Ai! Na, miṅõ Ai maṅtše̱ ke̱ emaṅbii le̱ ke̱ emaṅ le̱ ke̱ ešikpoṅ le̱ miwo odeṅ.

² Ni ofe Ai ke̱ emaṅtše̱ le̱, tamo̱ bo̱ni *ofe Ieriko ke̱ emaṅtše̱ le̱; emli nii ke̱ emli koloi le̱ ke̱ke̱ nyehaä nyehãa nyedientše̱ nyehe. Ya, wo maṅ le̱ kã ye̱ ese̱gbe̱! *6,21.

³ Ni Iošua ke̱ tabilo̱i le̱ fẽ fã ni ame̱ya Ai. Ni Iošua fãmo̱ hĩĩ kãkãlo̱i so̱ṅṅ akpei-nyoṅmai-etẽ, ni ewoame̱ gbe̱ nyōṅ;

⁴ ni ewoame̱ kitã ake̱: Na, nyeyawoa maṅ le̱ ká ye̱ maṅ le̱ se̱gbe̱; nyeke̱ maṅ le̱ teṅ akadšeke̱a tūtu, ši nyefẽ nyesāa nyehe nyetoa!

⁵ Ši mi le̱ mike̱ maṅ mū le̱ fẽ ní fata mihe le̱ wo̱batši wo̱be̱ṅke̱ maṅ le̱; ni aaba mli ake̱, ke̱dši ame̱dše kpo ame̱ke̱wo̱ bakpe, tamo̱ tšutšu le̱, wo̱badšo foi ye̱ ame̱hĩe;

⁶ ni ame̱batiuwo̱ ke̱-yaši beyino̱ ní wo̱o̱gblaame̱ ke̱-dše̱ maṅ le̱ he; edšake̱ ame̱bakē̱ ake̱: Na, foi ame̱dseo̱ ye̱ wo̱hĩe *tamo̱ tšutšu le̱! ni wo̱o̱dšo foi ye̱ ame̱hĩe hũ. *7,5.

⁷ Ši nye le̱ nyetea ši ke̱-dše̱a káwō le̱ṅ ní nyebahe maṅ le̱; edšake̱ Iehowa, nye-Nyoṅmo̱ le̱, aaṅõle̱ awo nyedeṅ.

⁸ Ni aba mli ake̱, ke̱dši nyeṅõ maṅ le̱, nyemãa maṅ le̱ nä la! Nyefea take̱ bo̱ni Iehowa ekē̱ le̱. Na, miwonye kitã.

⁹ Ke̱ke̱ ni Iošua woame̱ gbe̱, ni ame̱yiṅ ame̱te ni ame̱yawo ká le̱, ni ame̱hĩ ši ye̱ Betel ke̱ Ai teṅ ye̱ Ai anaigbe̱; ni Iošua ke̱ maṅ le̱ hĩ ši nakai nyō le̱ṅ.

¹⁰ Ni Iošua te ši lebi mãṅkpa ni eto maṅ le̱ gbe̱dšiano̱. Ke̱ke̱ ni le̱ ke̱ Israel onukpai le̱ kwo̱ ke̱-tšṍ maṅ le̱ hĩe ke̱-te Ai.

¹¹ Ni tabilo̱i le̱ fẽ ni fata ehe le̱ kwo̱ ke̱-te ni ame̱tši ame̱be̱ṅke̱ ni ame̱ba maṅ le̱ hĩe, ni ame̱bo̱ nsra ye̱ Ai kōyigbe̱, ni dšē̱ kã ame̱ke̱ Ai teṅ.

¹² Ni eṅõ mei aafe akpei-enumo̱ ni ehã ame̱yawo ká ye̱ Betel ke̱ Ai teṅ, ye̱ maṅ le̱ anaigbe̱.

¹³ Ni ame̱to maṅ ní dši ta le̱ fẽ ni yo̱ maṅ le̱ kōyigbe̱ le̱ ke̱ ame̱káwolo̱i ni yo̱ maṅ le̱ anaigbe̱ le̱ gbe̱dšiano̱; ni Iošua te dšē̱ le̱ṅ nakai nyō le̱ṅ noṅṅ.

¹⁴ Ni eba mli ake̱, beni Ai maṅtše̱ le̱ na ene̱ le̱, amehe fe oyá, ni ame̱te ši mãṅkẽ mrã, ni mã le̱ṅ hĩĩ le̱ dše kpo ni ame̱ke̱ Israel bawu, le̱ ke̱ emaṅ mū le̱ fẽ, ye̱ he ní ato le̱ ye̱ ṅã kplanā le̱ no̱; ši elee ake̱ awole̱ ká ye̱ maṅ le̱ se̱.

¹⁵ Ni Iošua ke̱ Israel mū le̱ fẽ fe tamo̱ noni aſieame̱ ye̱ ame̱hĩe, ni ame̱dšo foi ke̱-te ṅã le̱ no̱ gbe̱.

¹⁶ Ke̱ke̱ ni abo atšé̱ mā le̱ṅ bii le̱ fẽ ke̱-kpe ní ame̱tiuame̱; ni ame̱tiu Iošua, ni ame̱gblaame̱ ke̱-dše̱ mã le̱ṅ.

¹⁷ Ni eſe̱e̱ nū ko ye̱ Ai lo Betel ni eyanyiee Israel se̱; ni ame̱šĩ maṅ le̱ ní enā kã, ni ame̱nyie Israel se̱.

¹⁸ Ke̱ke̱ ni Iehowa kē̱ Iošua ake̱: Kpã akplo̱ ní ohĩe le̱ mli otsṍ Ai gbe̱; edšake̱ madšiele̱ mawo odeṅ! Ni Iošua kpã akplo̱ ni ehĩe le̱ mli etšṍ maṅ le̱ no̱ gbe̱.

¹⁹ Ke̱ke̱ ni káwolo̱i le̱ te ši oyá ke̱-dše̱ heni ame̱yo̱ le̱, ni amrõ ní Iošua kpã enine mli le̱, ame̱wo foi ni ame̱babote mã le̱ṅ, ni ame̱ṅõle̱, ni ame̱he fe oyá ni ame̱mã maṅ le̱ nā la.

²⁰ Ni beni Ai hĩĩ le̱ yakwe̱ ame̱se̱ le̱, ame̱na ake̱ mã le̱ṅ lasũ mĩte ši ke̱-mīya ṅwei, ni ame̱náá gbe̱ ame̱dšo foi ke̱-tšṍ bie̱ lo bie̱. Ni maṅ ní dšo foi ke̱-te ṅã le̱ no̱ le̱ tšṍmo̱ ame̱hĩe ame̱wo mei ni nyie ame̱se̱ le̱.

²¹ Ši beni Iošua ke̱ Israel mū le̱ fẽ na ake̱ káwolo̱i le̱ eṅõ maṅ le̱, ni mã le̱ṅ lasũ mite ši le̱, ame̱kù ame̱se̱ ni ame̱-bagbe Ai hĩĩ le̱;

²² ni meikrokomei le̱ hũ dše kpo ke̱-dše̱ mã le̱ṅ ke̱ame̱ bakpe, ni ne̱ke̱ ame̱gbē Israel teṅ, fã ye̱ bie̱ ni fã hũ ye̱ bie̱; ni ame̱gbeame̱ āhũ ke̱-yaši beyino̱ ni ame̱teṅ mokomeflo eſe̱e̱ lo edšoo foi ke̱-dšee mli.

²³ Ši Ai maṅtše̱ le̱, ame̱mõle̱ hĩekãlo̱, ni ame̱ke̱le̱ bahã Iošua.

²⁴ Ni eba mli ake̱, beni Israel egbe Aibii fẽ ní yo̱ ṅmõdšiaṅ ye̱ ṅã le̱ no̱ heni ame̱tiuame̱ ke̱-te le̱ etã, ni ame̱fẽ ame̱nyõnyõi ye̱ klante nā etã le̱, Israel mū le̱ fẽ kũ ame̱se̱ ke̱-ba Ai, ni ame̱gbe-ame̱ ye̱ klante nā.

²⁵ Ni mei fẽ ní nyõnyõi ye̱ nakai gbĩ le̱ no̱, hĩĩ ke̱ yei fẽ, dši akpei-nyoṅma-ke̱-enyo̱, ni dši Aibii so̱ṅṅ.

²⁶ Ni Iošua esuu enine ni eke̱-hĩe akplo̱ le̱ ke̱-yaši beyino̱ ni efe Aibii le̱ fẽ musu. 2 Mose 17,11-13.

²⁷ Mã le̱ṅ koloi ke̱ emli nii le̱ ke̱ke̱ Israel ha ame̱hã ame̱he ye̱ Iehowa wiemo̱ ní ewo Iošua he kitã le̱ nā.

²⁸ Ni Iošua šã Ai ni ehã etšṍ nāno̱ amaṅfõkú ke̱-baši ṅme̱ne̱.

²⁹ Ši Ai maṅtše̱ le̱, ese̱ṅle̱ ye̱ tšo no̱ ke̱-yaši gbe̱ke̱nāši; ni beni hũlũ nyõ ši le̱, Iošua fã́ ake̱ ayadšie *egbonyo le̱ ke̱-dše̱ tšo le̱ no̱, ni ame̱še̱le̱ ame̱fõ maṅ le̱ agbó le̱ nā, ni ame̱to te̱i ame̱ſie eno̱ kú agbo ke̱-baši ṅme̱ne̱. *10,27. 5 Mose 21,23.

³⁰ No be le̱ mli le̱ Iošua mã afo̱lešãlate̱ ehã Iehowa, Israel Nyoṅmo̱ le̱, ye̱ *Ebal goṅ le̱ no̱, *5 Mose 27,2-8.

³¹ take̱ bo̱ni Iehowa tšũlo̱ Mose le̱ wo Israelbii le̱ akitã le̱, bo̱ni aṅmã ye̱ Mose mlawolo le̱ mli le̱: afo̱lešãlate̱ ni ake̱ te̱i mudši ní moko wóko dade no̱ ye̱ no̱ pẽṅ mã; ni ame̱šã šã-afo̱lei ye̱ no̱ ame̱hã Iehowa, ni ame̱šã šidà-afo̱lei hũ.

³² Ni ekwe̱ Mose mla le̱ ni eṅmã ye̱ Israelbii le̱ ahĩe le̱ no̱ eṅmã ewo te̱i le̱ ano̱ ye̱ dše̱i.

³³ Ni Israel mū le̱ fẽ ke̱ ame̱nukpai le̱ ke̱ no̱kwe̱le̱i le̱ ke̱ kodšolo̱i le̱ damo̱ adeka le̱ mase̱i bie̱ ke̱ bie̱ ye̱ oso̱foi Levibii ní tĕreo̱ Iehowa kpãṅmo̱ adeka le̱ ahĩe, gboi ke̱ maṅbii fẽ; ame̱fã damo̱ *Gerizim goṅ le̱ ṅe̱le̱no̱, ni fã hũ damo̱ Ebal goṅ le̱ ṅe̱le̱no̱, take̱ bo̱ni Iehowa tšũlo̱ Mose ewo kitã tšutšu le̱ ake̱ adšō̱ Israel maṅ le̱. *5 Mose 11,29; 27,12. 13.

³⁴ Ni no se̱ le̱ ekane mla le̱ mli wiemo̱i le̱ fẽ, dšō̱mo̱ le̱ ke̱ lõmo̱ le̱, take̱ bo̱ni aṅmã ye̱ mlawolo le̱ mli le̱ pe̱pē̱pe̱.

³⁵ Wiemo̱ ko be̱ ye̱ nii ní Mose wo be kitã le̱ fẽ mli, ní Iošua kanee ye̱ Israel asafo le̱ ke̱ yei ke̱ gbekẽbii ke̱ gbo̱i ni yo̱ ame̱teṅ le̱ ahĩe.