Yoshua 7 - Ṅmãle̱ Kroṅkroṅ Le̱

¹ Ši Israelbii le̱ tõ ye̱ musunii le̱ agbe̱fãṅ, ni Akan ní dše̱ Iuda akutšo le̱ mli ni dši Zera bi Zabdi bi Karmi bi le̱ kŏ̱lo̱ *musunii le̱ eko, ni Iehowa mli wo Israelbii le̱ ala naakpa. *6,18.

² Ni Iošua tšũ hĩĩ komei ke̱-dše̱ Ieriko ke̱-te Ai ní yo̱ Bet-Aven mase̱i ye̱ Betel bokãgbe̱ le̱, ni ekē̱ame̱ ake̱: Nyeyaä ni nyeyasraā šikpoṅ le̱! Ni hĩĩ le̱ te ni ame̱yasra Ai.

³ Ni ame̱kũ ame̱se̱ ke̱-ba Iošua ṅõ, ni ame̱bakē̱le̱ ake̱: Kāhã maṅ mū le̱ fẽ mīya; ši hã hĩĩ aafe akpei-enyo̱ lo akpei-etẽ aya ní ame̱yatſia Ai nii; kāhao maṅ mū le̱ fẽ ake̱ ame̱ya dše̱i; edšake̱ ame̱yi fáã́.

⁴ Ni maṅ le̱ mli hĩĩ aafe akpei-etẽ yiṅ ke̱-te; ši ame̱dšo foi ye̱ Aibii le̱ ahĩe.

⁵ Ni Aibii le̱ gbe ame̱teṅ mei aafe nyoṅmai-etẽ ke̱ ekpa, ni ame̱woame̱ foi ke̱-dše̱ Ai agbó le̱ nä ke̱-te Šebarim, ni ame̱tſiaame̱ nii, beni ame̱kplekeo̱ ši le̱. Ni maṅ le̱ tšui fã, ni ame̱he dšo̱ ake̱ nu.

⁶ Ke̱ke̱ ni Iošua gbla atadei, ni eṅõ ehĩe ebu šikpoṅ ye̱ Iehowa adeka le̱ hĩe ke̱-yaši gbe̱ke̱, le̱ ke̱ Israel onukpai le̱ fẽ, ni ame̱lō mlu ame̱wo ame̱yiteaṅ.

⁷ Ni Iošua kē̱: Ao, Nuṅtšo̱ Iehowa! Menihewo̱ oṅõ ne̱ke̱ maṅ ne̱ ke̱-fo Iordan, koni oṅõwo̱ owo Amorbii le̱ adeṅ, ni ame̱kpãtã wo̱hĩe? Wo̱le kũle̱ wo̱kplẽ ní wo̱hĩ Iordan se̱!

⁸ Ofai ne̱, Nuṅtšo̱! ni Israel etšṍ ame̱se̱ ehã ame̱henye̱lo̱i ne̱, té makē̱ tẽṅ?

⁹ Edšake̱ Kanaanbii le̱ ke̱ šikpoṅ le̱ no̱ bii le̱ fè banu he, ni ame̱ababo̱lewo̱ kpũla, ni ame̱agbe wo̱gbe̱i ke̱-dše̱ šikpoṅ le̱ no̱. Ni té obafe tẽṅ ye̱ ogbe̱i kpeteṅkple le̱ hewo̱ṅ? 2 Mose 32,12.

¹⁰ Ni Iehowa kē̱ Iošua akē̱: Te ši ko! Mẽhewo̱ oke ohĩe ebu šikpoṅ ne̱ke̱?

¹¹ Israel efe eša, ni asaṅ ame̱tõ mi-kpãṅmo̱ ni miwoame̱ he kitã le̱ no̱, ni ame̱kŏ̱lo̱ musunii le̱ eko tete, ni ame̱dšu hũ, ni asaṅ ame̱tšĩmo̱ no̱, ni ame̱ṅõ-futu ame̱nibii amli.

¹² Nohewo̱ ni Israelbii le̱ nyẽẽ ame̱henye̱lo̱i le̱ ahĩe adamo̱, ni ame̱tšṍ ame̱se̱ ame̱hã ame̱henye̱lo̱i le̱; edšake̱ ame̱lõ musu. Mike̱nye ehĩṅ ši doṅṅ, dša nyedšie musunii le̱ ye̱ nyeteṅ nyeſie.

¹³ Te ši, tšūmo̱ maṅ le̱ he, ni okē̱: *Nyefea nyehe kroṅkroṅ nyetoa wó̱; edšake̱ bo̱ni Iehowa, Israel Nyoṅmo̱ le̱, kē̱ ne̱: Musu ye̱ nyeteṅ, Israel! onyẽṅ ohenye̱lo̱i le̱ ahĩe odamo̱ ke̱-yaši beyino̱ ní nyeadšie musunii le̱ ke̱-dše̱ nyeteṅ. *8,6.

¹⁴ Nohewo̱ le̱ wó̱ lebi le̱ ake̱nye ababe̱ṅke̱ ye̱ nyekutšei le̱ anā, ni aba mli ake̱ akutšo ní Iehowa aamõ le̱ ababe̱ṅke̱ ye̱ emli wekui le̱ anā, ni weku ní Iehowa aamõ le̱ abe̱ṅke̱ ye̱ emli šĩaišĩai anā, ni šĩa ni Iehowa aamõ le̱ mli hĩĩ le̱ ababe̱ṅke̱ ekomekome.

¹⁵ Ni aaba mli ake̱ moni aamõle̱, ni musunii le̱ yo̱ edeṅ le̱, ake̱ la aašãle̱, le̱ ke̱ nii fẽ ni eyo̱; edšake̱ etõ Iehowa kitã le̱, ni efe hĩegbedšianii ye̱ Israel.

¹⁶ Ke̱ke̱ ni Iošua te ši lebi mãṅkpa, ni ehã Israelbii le̱ babe̱ṅke̱ ye̱ ame̱kutšei le̱ anā; ni amõ Iuda akutšo le̱. 1 Sam. 10,20. 21; 14,41. 42.

¹⁷ Ni ehã Iuda wekui le̱ babe̱ṅke̱, ni amõ *Zerabii le̱ aweku le̱; ni ehã Zerabii le̱ aweku le̱ mli šìatše̱mei le̱ babe̱ṅke̱ ekomekome, ni amõ Zabdi; *4 Mose 26,20.

¹⁸ ni ehã ešĩa le̱ mli hĩĩ le̱ babe̱ṅke̱ ekomekome, ní amõ Akan ní dši Zera bi Zabdi bi Karmi bi ní dše̱ Iuda akutšo le̱ mli le̱.

¹⁹ Ni Iošua kē̱ Akan ake̱: Mibi, ṅõ anumnyam ohã Iehowa, Israel Nyoṅmo̱ le̱, ní owole̱, ní odšadše otšõmi ko: meni ofe? kãšiumi no̱!

²⁰ Ni Akan to he ehã Iošua ni ekē̱: Le̱le̱ṅ, mife eša miši Iehowa, Israel Nyoṅmo̱ le̱, ni ne̱ke̱ ke̱ ne̱ke̱ mife:

²¹ mina Šinear bò fe̱fe̱o ko, ke̱ dſie̱te̱i šekeli ohai-enyo̱, ke̱ šika ante̱le kome ni nā šio̱ šekeli nyoṅmai-enumo̱, ye̱ hā-nii le̱ ateṅ, ni mihĩe kõ no̱ ni mikŏlo̱; ni na, aṅõ-tē ye̱ šikpoṅ ye̱ mibū le̱ teṅ, ni dſie̱te̱i le̱ ye̱ šiši.

²² Ke̱ke̱ ni Iošua tšũ bo̱foi, ni ame̱dšo foi ke̱-te bū le̱ṅ; ni na, aṅõ nibii le̱ atē ye̱ ebū le̱ṅ, ni dſie̱te̱i le̱ ye̱ šiši.

²³ Ni ame̱dšie ke̱-dše̱ bū le̱ teṅ, ni ame̱ke̱-ba Iošua ke̱ Israelbii le̱ fõ ṅō, ni ame̱ke̱-baſie Iehowa hĩe.

²⁴ Ke̱ke̱ ni Iošua ṅõ Akan, Zera bi le̱, ke̱ dſie̱te̱i le̱ ke̱ bò le̱ ke̱ šika ante̱le le̱, ke̱ ebihĩĩ ke̱ ebiyei, ke̱ etšinai ke̱ ete-dšii ke̱ etōi ke̱ ebū ke̱ nofẽno ni eyo̱, ni Israel mū le̱ fẽ fata ehe, ni ame̱ke̱-ame̱ te Akor dšē̱ le̱ṅ.

²⁵ Ni Iošua kē̱: Mẽba ohaowo̱ ne̱ke̱? Haomo̱ Iehowa aahaoö ṅme̱ne̱! Ni Israel mū le̱ fẽ tſiale̱ te̱i, ni ame̱ke̱ la šãame̱, ni ame̱ṅõ te̱i ame̱ſie ame̱no̱.

²⁶ Ni ame̱to te̱i ame̱ſie eno̱ kú agbo ke̱-baši ṅme̱ne̱. Ni Iehowa kpale ke̱-dše̱ emlifũ ní nā wa le̱ mli. Nohewo̱ le̱ awo dše̱i gbe̱i ake̱ Akor dšō̱ ke̱-baši ṅme̱ne̱. Ies. 35.10. Hos. 2,17.