Yoshua 6 - Ṅmãle̱ Kroṅkroṅ Le̱

¹ Ši Ieriko le̱ aṅã́ nā kpẽṅṅ ye̱ Israelbii le̱ ahewo̱: mokomoko edšee kpo, ni mokomoko baa mli.

² Ni Iehowa kē̱ Iošua ake̱: Na, mitu Ieriko ke̱ emaṅtše̱ le̱ ke̱ hĩĩ kãkãlo̱i le̱ miwo odeṅ.

³ Ni nyebo̱lea maṅ le̱, nyetabilo̱i le̱ fẽ, ke̱-kpe šikome. Nakai ofe gbĩĩ ekpa.

⁴ Ni oso̱foi kpawo ahīe *nyã́mo̱ te̱tre̱mantre̱i kpawo ke̱-nyie adeka le̱ hĩe, ni gbĩ ni dši gbĩ kpawo le̱ nyebo̱lea maṅ le̱ šii kpawo, ni oso̱foi le̱ akpã te̱tre̱mantre̱i le̱. *3 Mose 26,2.

⁵ Ni aba mli ake̱, ké̱ akpã nyã́mo̱ ble̱ le̱ se̱ tše̱ āhũ ni nyenu te̱tre̱mantre̱ le̱ gbē̱mo̱ le̱, maṅ mū le̱ fẽ abo̱ oše wulu, ni maṅ le̱ gbogbo le̱ aagbe ši ſe̱tē̱, ni mei le̱ ateṅ mofẽmo anyie ehĩe tẽ ke̱-bote mã le̱ṅ.

⁶ Ni Iošua, Nun bi le̱, tšé̱ oso̱foi le̱, ni ekē̱ame̱ ake̱: Nyewóa kpãṅmo̱ adeka le̱, ni oso̱foi kpawo ahĩe nyã́mo̱ te̱tre̱mantre̱i kpawo le̱ ke̱-nyie Iehowa adeka le̱ hĩe.

⁷ Ni ame̱kē̱ maṅ le̱ ake̱: Nyehoa ni nyebo̱lea maṅ le̱, ni nyehãa tabilo̱i le̱ anyiea Iehowa adeka le̱ hĩe.

⁸ Ni eba mli ake̱, beni Iošua ekē̱ maṅ le̱, oso̱foi kpawo le̱ ni hĩe nyã́mo̱ te̱tre̱mantre̱i kpawo le̱ tšṍ Iehowa hĩe ni ame̱kpã te̱tre̱mantre̱i le̱, ni Iehowa kpãṅmo̱ adeka le̱ nyie ame̱se̱.

⁹ Ni tabilo̱i le̱ nyie oso̱foi ni kpãa te̱tre̱mantre̱i le̱ ahĩe, ni se̱ ta le̱ nyie adeka le̱ se̱; beni anyie le̱ bẽle̱ ākpã te̱tre̱mantre̱i le̱.

¹⁰ Ni Iošua wo maṅ le̱ kitã ake̱: Nyekabo̱a oše, ni nyekahãa anua nye-gbẽ, ni wiemo̱ ko akadše nyedäṅ ke̱-yaši gbĩ no̱ ni makē̱nye ake̱ nyebo̱ oše le̱, no dãni nyebo̱ oše.

¹¹ Ni ehã ake̱ Iehowa adeka le̱ hole maṅ le̱ ke̱-kpe šikome; ni ame̱ba nsra le̱ṅ ni ame̱bawo̱ dše̱i.

¹² Ni Iošua te ši lebi mãṅkpa, ni oso̱foi le̱ wó Iehowa adeka le̱.

¹³ Ni oso̱foi kpawo le̱ hĩe nyã́mo̱ te̱tre̱mantre̱i kpawo le̱, ni ame̱ke̱-nyie Iehowa adeka le̱ hĩe, beni ame̱nyie le̱ bële̱ ame̱mīkpã te̱tre̱mantre̱i le̱; ni tabi-lo̱i le̱ nyie ame̱hĩe, ni se̱ ta le̱ nyie Iehowa adeka le̱ se̱; beni anyie le̱ bẽle̱ ākpã te̱tre̱mantre̱i le̱.

¹⁴ Ni gbĩ ni dši gbĩ enyo̱ le̱ no̱ le̱ ame̱bo̱le maṅ le̱ šikome, ni ame̱kũ ame̱se̱ ke̱-ba nsra le̱ mli ekoṅ. Nakai ame̱fe gbĩĩ ekpa.

¹⁵ Ni gbĩ ni dši gbĩ kpawo le̱ no̱ le̱ eba mli ake̱ ame̱te ši mrã, beni dše bõi tše̱remo̱ le̱, ni ame̱bo̱le maṅ le̱ nakai noṅṅ šii kpawo; nakai gbĩ le̱ ke̱ke̱ ame̱bo̱le maṅ le̱ šii kpawo.

¹⁶ Ni eba mli ake̱ noni dši šii kpawo le̱ no̱ le̱, beni oso̱foi le̱ kpã te̱tre̱mantre̱i le̱, Iošua kē̱ maṅ le̱ ake̱: Nyebo̱a oše! ši Iehowa etu maṅ le̱ ewo nyedeṅ.

¹⁷ Ši afe maṅ le̱ ke̱ emlinii fẽ *musu ahã Iehowa; Rahab, adſamaṅ le̱, ke̱ke̱ †yi ana wala, le̱ ke̱ mofẽmo ní ke̱le̱ yo̱ ye̱ ewe le̱; edšake̱ le̱ eṅõ bo̱foi le̱ ni wo̱tšũ le̱ etẽ. *4 Mose 21,2. †Ios. 2,12. 13. Heb. 11,31.

¹⁸ Nyekwe̱a nyehe ni ahĩa ke̱ke̱ *ye̱ musunii le̱ ahewo̱, koni nyekako̱ musunii le̱ eko, ni nyeke̱-lō musu, ni nyehã Israel nsra le̱ hũ lō musu, ni amane ba eno̱. *3 Mose 27,28. 5 Mose 13,18.

¹⁹ Ši dſie̱te̱i ke̱ šika ke̱ akē̱ble nii ke̱ dade nii fẽ le̱ afeame̱ kroṅkroṅ ahã Iehowa, ni ake̱-ba Iehowa nitōhe le̱.

²⁰ Ke̱ke̱ ni maṅ le̱ ho̱ oše ni ame̱kpã te̱tre̱mantre̱i le̱. Ni eba mli ake̱, beni mei le̱ nu te̱tre̱mantre̱i le̱ agbē̱mo̱ le̱, ame̱bo̱ oše kpeteṅkple, ni *gbogbo le̱ gbe ši ſe̱tē̱, ni mei le̱ bote mã le̱ṅ, mofẽmo te ehĩe tẽ, ni ame̱ṅõ maṅ le̱. *Heb. 11,30.

²¹ Ni mä le̱ṅ nii fẽ, hĩĩ ke̱ yei, gbekẽbii ke̱ onukpai, tšinai ke̱ tōi ke̱ tedšii fẽ le̱, ame̱ke̱ klante feame̱ musu.

²² Ši hĩĩ enyo̱ le̱ ní yasra šikpoṅ le̱, Iošua kē̱ame̱ ake: Nyeyaã yō adſamaṅ le̱ we le̱, ni nyeyaṅõa yō le̱ ke̱ nofẽno ní eyo̱ ke̱-dšea dše̱i, *take̱ bo̱ni nyekãle̱ kità le̱. *2,14.

²³ Ni oblahĩĩ le̱ ní dši sralo̱i le̱ te, ni ame̱yaṅõ Rahab ke̱ etše̱ ke̱ enye ke̱ enyemimei ke̱ nofẽno ni eyo̱ ke̱ eweku le̱ fẽ ke̱-dše kpo, ni ame̱hã ame̱hĩ Israel nsra le̱ se̱. 4 Mose 31,19.

²⁴ Ni ame̱ke̱ la šã maṅ le̱ ke̱ emli nii fẽ; emli dſie̱te̱i ke̱ šika ke̱ akē̱ble nii ke̱ dade nii le̱ ke̱ke̱ ame̱ṅõ-wo Iehowa we le̱ nitōhe le̱.

²⁵ Ši *Iošua here †Rahab, adſamaṅ le̱, ke̱ etše̱ we le̱ ke̱ nofẽno ní eyo̱ le̱ yiwala, ni ehĩ Israel teṅ ke̱-baši ṅme̱ne̱; edšake̱ eṅõ bo̱foi ni Iošua tšũ ní ame̱yasra Ieriko le̱ etẽ. *Kodš. 1,25. †Mat. 1,5.

²⁶ Ni Iošua kãame̱ kitã ye̱ nakai be le̱ mli ake̱: Moni aate ši ni eebasā Ieriko maṅ ne̱, alomo̱ le̱ ye̱ Iehowa hĩe! Eke̱ ekromo̱bi *aato šiši, ni eke̱ ebi se̱kpelo̱ aatrá enā agbói le̱! *1 Maṅ. 16,34.

²⁷ Ni Iehowa fata Iošua he, ni egbe̱i hehe ye̱ šikpoṅ le̱ no̱ fẽ.