Yoshua 5 - Ṅmãle̱ Kroṅkroṅ Le̱

¹ Ni eba mli ake̱, beni Amorbii amaṅtše̱mei fẽ ní yo̱ Iordan se̱ ye̱ anaigbe̱ le̱, ke̱ Kanaanbii amaṅtše̱mei fẽ ni yo̱ ṅšo̱ le̱ nā le̱ nu ake̱ Iehowa ehã *Iordan mli nu le̱ egbī ye̱ Israelbii le̱ ahĩe ke̱-yaši beyino̱ ni ame̱fo le̱, †ame̱tšui fã, ni ekã be̱ ame̱mli doṅṅ ye̱ Israelbii le̱ ahewo̱. *3,16. †2,24.

² Nakai be le̱ mli noṅṅ le̱ Iehowa kē̱ Iošua ake̱: Femo̱ *te̱-kaklai, ni oflo̱ Israelbii le̱ aketia ekoṅ noni dši šii enyo̱. *2 Mose 4,25.

³ Ni Iošua fe te̱-kaklai, ni eke̱-flo̱ Israelbii le̱ aketia ye̱ Aralot goṅkpo̱ le̱ no̱.

⁴ Ni ene̱ hewo̱ Iošua flo̱ame̱ ketia le̱: Maṅ mū le̱ fẽ ni dše̱ Mizraim ba le̱ ateṅ hĩĩ ni dši tabilo̱i le̱ fẽ gboi ye̱ gbe̱teṅ ye̱ ṅã le̱ no̱, beni ame̱dše̱ Mizraim ame̱baä le̱.

⁵ Edšake̱ maṅ mū le̱ fẽ ni dše̱ Mizraim ba le̱ aflo̱ame̱ ketia; ši maṅ mū le̱ fẽ ni afo̱ ye̱ ṅã le̱ no̱ ye̱ gbe̱teṅ, beni ame̱dše̱ Mizraim ame̱baä le̱, aflo̱koame̱ ketia.

⁶ Edšake̱ afii nyoṅmai-edſe̱ so̱ṅṅ Israelbii le̱ nyie ṅã le̱ no̱, ke̱-yaši beyino̱ ni *maṅ le̱ mli tabilo̱i ní dše̱ Mizraim le̱ fẽ tã, edšake̱ ame̱boo Iehowa gbē toi, ni Iehowa kãame̱ kitã ake̱ ehãṅ ame̱nà šikpoṅ ní Iehowa kã ame̱tše̱mei le̱ akitã ake̱ eeṅõ-hãwo̱, ní dši šikpoṅ ní fufo̱ ke̱ wò hoo̱ ye̱ no̱ le̱. *4 Mose 14,22. 23.

⁷ Ni ame̱bii ni ehã baye ame̱se̱ le̱, ame̱ ketia Iošua flo̱ le̱; edšake̱ fõlo̱i dši-ame̱, edšake̱ aflo̱o̱ame̱ ketia ye̱ gbe̱ le̱ no̱.

⁸ Ni eha mli ake̱, beni ame̱fo maṅ le̱ fẽ ketia ame̱gbe nā le̱, ame̱hī heni ame̱yo̱ le̱ ye̱ nsra le̱ṅ ke̱-yaši beyino̱ ní ame̱he tã.

⁹ Ni Iehowa kē̱ Iošua ake̱: Ṅme̱ne̱ gbĩ ne̱ mikoklo Mizraim kpatō le̱ ke̱-dše̱ nyeno̱! Nohewo̱ le̱ awo dše̱i gbe̱i ake̱ Gilgal ke̱-baši ṅme̱ne̱.

¹⁰ Ni Israelbii le̱ bo̱ nsra ye̱ Gilgal, ni ame̱ye Hehō le̱ ye̱ nyõṅ le̱ no̱ gbĩ ní dši gbĩ nyoṅma ke̱ edſe̱ le̱ no̱ gbe̱ke̱, ye̱ Ieriko ṅã kplanā le̱ no̱. 2 Mose 12,6. 3 Mose 23,5.

¹¹ Ni Hehõ le̱ no̱ dšetše̱remo̱ le̱ ame̱ye šikpoṅ le̱ no̱ nibānii le̱ eko, ame̱ye akpĩtĩ kaka ke̱ able fo̱ ní ašã, gbĩ kome le̱ noṅṅ.

¹² Ni gbĩ ni ame̱ye šikpoṅ le̱ no̱ nibānii le̱ eko le̱ no̱ dšetše̱remo̱ pe̱ ni mána le̱ se̱ fo, ni Israelbii le̱ náá mána doṅṅ; ši Kanaan šikpoṅ le̱ no̱ nibānii le̱ ame̱ye ye̱ nakai afi le̱ no̱. 2 Mose 16,35.

¹³ Ni eba mli ake̱, beni Iošua yo̱ Ieriko mase̱i le̱, ehole ehĩṅme̱ii ano̱ ekwe̱, ni na, *nū ko damo̱ ehĩe ni egbla eklante ehĩe edeṅ. Ni Iošua te eṅõ ni ekē̱le̱ ake̱: Wo̱gbe̱fãṅ oyo̱ alo wo̱henye̱lo̱i le̱ agbe̱fãṅ? *4 Mose 22,23. 31.

¹⁴ Ni ekē̱: Dabi; ši miba ake̱ Iehowa ta le̱ no̱ *tatše̱! Ni Iošua ke̱ ehĩe bu šikpoṅ ni edšále̱, ni ekē̱le̱ ake̱: Meni mi-Nuṅtšo̱ kē̱o̱ etšũlo̱? *2 Mose 14,11.

¹⁵ Ni Iehowa ta le̱ no̱ tatše̱ le̱ kē̱ Iošua ake̱: *Dšiemo̱ otokota le̱ ye̱ onane; edšake̱ heni odamo̱ le̱ ye̱ kroṅkroṅ. Ni Iošua fe nakai. *2 Mose 8,5.