Yoshua 23 - Ṅmãle̱ Kroṅkroṅ Le̱

¹ Ni eba mli ake̱ be kplaṅṅ se̱, beni Iehowa ehã Israel *hedšō̱mo̱ ke̱-dše̱ ame̱henye̱lo̱i fẽ ní bo̱leame̱ ke̱-kpe le̱ adeṅ, ni Iošua egbo ní eye gbĩĩ pī le̱, *21,44.

² Iošua tšé̱ Israel mū le̱ fẽ, ame̱nukpai ke̱ ame̱lumei ke̱ ame̱kodšolo̱i ke̱ ame̱no̱kwe̱lo̱i le̱ ke̱-kpe, ni ekē̱ame̱ ake̱: Migbo̱ ni miye gbĩĩ pī;

³ ni nyena nii fẽ ní Iehowa, nye-Nyoṅmo̱ le̱, efe ne̱ke̱ dšeṅmãdši ne̱ fẽ ye̱ nyehewo̱; edšake̱ Iehowa, nye-Nyoṅmo̱ le̱, le̱ ewu ehãnye.

⁴ Na, mike̱ ošiki edša ne̱ke̱ mãdši ni fe̱ ne̱ mli mihãnye, ní ame̱tšomo nyekutšei le̱ agbe̱fãṅnõ ke̱-dše̱ Iordan nā, ke̱ dšeṅmãdši fẽ ní miflo̱ miſie le̱, ke̱-yaši ṅšo̱ wulu le̱ nā ye̱ anaigbe̱ le̱.

⁵ Ni Iehowa, nye-Nyoṅmo̱ le̱, le̱ eetšire̱ ame̱yi se̱ ni eeſieame̱ ke̱-dše̱ nyehĩe, ni nyeaaṅõ ame̱šikpoṅ le̱, take̱ bo̱ni Iehowa, nye-Nyoṅmo̱ le̱, ewonye ši le̱.

⁶ Nohewo̱ le̱ nyefĩa ši dšogbäṅ, ní nyeye nii fẽ ní aṅmã ye̱ Mose mlawolo le̱ mli le̱ no̱ ni nyefe, ni *nyekagba ke̱-mīdše̱ he ke̱-mĩya ninedšũrõ lo abe̱ku, *5 Mose 5,32.

⁷ koni nyeke̱ ne̱ke̱ dšeṅmãdši ní eſe̱ ye̱ nyeteṅ ne̱ akafutu, ni asaṅ *nyekatšĩa ame̱nyoṅmo̱i le̱ atã, ni nyeke̱ ame̱gbe̱i akakãa kitã, ni nyekasúmo̱aame̱, ni nyekadšáa-ame̱ hũ; *2 Mose 23,13. 24.

⁸ ši moṅ nyekpe̱te̱a Iehowa, nye-Nyoṅmo̱ le̱, he, take̱ boni nyefe ke̱-baši ṅme̱ne̱ gbĩ ne̱.

⁹ Edšake̱ Iehowa eſie mãdši wudši ní he wa ke̱-dše̱ nyehĩe; ši nye le̱, mokomoko damo̱ko nyehĩe ke̱-baši ṅme̱ne̱ gbĩ ne̱. 3 Mose 26,7. 8. 5 Mose 28,7.

¹⁰ Nyeteṅ mokome aaſie mei akpe; edšake̱ Iehowa, nye-Nyoṅmo̱ le̱, le̱ ewuo̱ ehãanye, take̱ bo̱ni ewonye ši le̱.

¹¹ Nohewo̱ le̱ nyelea nyehe no̱kwe̱mo̱, koni nyesumo̱ Iehowa, nye-Nyoṅmo̱ le̱!

¹² Ši kē̱ nyefee nakai ni nyekpale ni nyeke̱ nyehe yakpe̱te̱ dšeṅmãdši ní eſe̱ ye̱ nyeteṅ ne̱ ahe, ni nyeke̱ame̱ ye yōw̌ē̱, ni nyeyaä ame̱ṅõ ni ame̱ hũ ame̱baä nyeṅõ le̱:

¹³ no le̱ nyenáa nyelea ake̱ Iehowa, nye-Nyoṅmo̱ le̱, eſieṅ ne̱ke̱ dšeṅmãdši ne̱ ke̱-dše̱ṅ nyehĩe doṅṅ, ši ame̱atšṍmo̱ *yā ke̱ tšõne ame̱bãnye, ke̱ kplebii ye̱ nyeṅmãwuiaṅ, ke̱ ṅmeii ye̱ nyehĩṅme̱iiaṅ ke̱-yaši beyino̱ ni nyehĩe aakpãtã ke̱-adše̱ šikpoṅ kpakpa ni Iehowa, nye-Nyoṅmo̱ le̱, eṅõ-hãnye ne̱ no̱. *4 Mose 33,55. 5 Mose 7,18. Kods. 2,8.

¹⁴ Ši na, ṅme̱ne̱ mi le̱ mīya *dšeṅdšeṅ fẽ yahe le̱; ni nyele ye̱ nyetšui mli fẽ ke̱ nyesusuma mli ſẽ ake̱ †nibii kpakpai fẽ ni Iehowa, nye-Nyoṅmo̱ le̱, wie ye̱ nyehewo̱ le̱, emli ekomeflo ekaa ši, fẽ eba mli ehãnye, emli ekomeflo ekaa ši. *1 Maṅ. 2,2. †Ios. 21,45.

¹⁵ Ši aaba mli ake̱, bo̱ni nibii kpakpai fẽ ní Iehowa, nye-Nyoṅmo̱ le̱, ewonye ši le̱ eba mli ehãnye le̱, nakai noṅṅ kẽ Iehowa aahã nibii fõdši le̱ ſẽ hũ aba nyeno̱, ke̱-yaši beyino̱ ní eekpãtã nyehĩe ke̱-adše̱ šikpoṅ kpakpa ní Iehowa, nye-Nyoṅmo̱ le̱, eṅõ-hãnye ne̱ no̱.

¹⁶ Ké̱ nyeto Iehowa, nye-Nyoṅmo̱ le̱, kpãṅmo̱ le̱ ní ewonye he kitã le̱ no̱, ni nyeto ni nyeyasúmo̱ nyoṅmo̱i krokomei, ni nyedšáame̱ le̱, no le̱ Iehowa mli aawo la awonye, ni nyehĩe aakpãtã oyá ke̱-adše̱ šikpoṅ kpakpa ni eṅõ-hãnye le̱ no̱.