Yoshua 18 - Ṅmãle̱ Kroṅkroṅ Le̱

¹ Ke̱ke̱ ni Israelbii le̱ asafo mū le̱ fẽ nā bakpe ši ye̱ *Šilo, ni ame̱ši kpẽ-bū le̱ ye̱ dšei; edšake̱ ame̱ye šikpoṅ le̱ no̱. *Kodš. 21,12. 1 Sam. 1,8; 4,4.

² Ni eſe̱ akutšei kpawo ye̱ Israelbii le̱ ateṅ ní ahãkoame̱ ame̱gbe̱fãṅnii.

³ Ni Iošua kē̱ Israelbii le̱ ake̱: Mẽ beyino̱ noṅṅ nyeašašao ši ke̱-yaši, dãni nyeba ni nyebaṅõ šikpoṅ ni Iehowa, nyetše̱mei a-Nyoṅmo̱ le̱, eṅõ-hãnye le̱?

⁴ Nyefãmo̱a mei etẽ nyehãa nyehe ye̱ akutšo-fẽ-akutšo mli, koni matšūame̱, ní ame̱te ši ní ame̱yakpa šikpoṅ le̱ no̱, ni ame̱ṅmã bo̱ni eyo̱ ke̱ bo̱ni aaše̱ame̱, ni ame̱kũ ame̱se̱ ke̱-ba miṅõ.

⁵ Ni ame̱dša mli mlidšāi kpawo. Iuda ahĩ ehũsũ le̱ no̱ ye̱ wuoyigbe̱, ni Iosef we le̱ ahī ame̱hũsũ le̱ no̱ ye̱ kōyigbe̱.

⁶ Ši nye le̱ nyeṅmãa šikpoṅ le̱ he sane ke̱ emlidšāi kpawo, ni nyeke̱-baä miṅõ ye̱ bie̱, koni mafõ ošiki mahãnye ye̱ bie̱ ye̱ Iehowa, wo̱-Nyoṅmo̱ le̱, hĩe.

⁷ Ši *Levibii le̱ náṅ gbe̱fãṅnõ ko ye̱ nyeteṅ; edšake̱ Iehowa oso̱foyeli le̱ dši ame̱gbe̱fãṅnõ; ni Gad ke̱ Ruben ke̱ Manase akutšo le̱ fã le̱ ená ame̱gbe̱fãṅnii ye̱ Iordan se̱ ye̱ bokãgbe̱, heni Iehowa tšũlo̱ Mose ṅõ-hãame̱ le̱. 13,14-33.

⁸ Ke̱ke̱ ni hĩĩ le̱ te ši ni ame̱yiṅ ame̱te; ni Iošua wo mei ni te ni ame̱yaṅmã šikpoṅ le̱ he sane le̱ akitã ake̱: Nyeyaä ni nyeyakpaä šikpoṅ le̱ no̱, ni nyeṅmã ehe sane, ni nyekũ nyese̱ ke̱-ba miṅõ, ní mafõ ošiki mahãnye ye̱ bie̱, ye̱ Iehowa hĩe ye̱ Šilo.

⁹ Ni hĩĩ le̱ yiṅ ame̱te ni ame̱yakpa šikpoṅ le̱ no̱, ni ame̱ṅmã ehe sane ye̱ mãdši le̱ anā mlidšāi kpawo ame̱wo wolo ko mli; ni ame̱kũ ame̱se̱ ke̱-ba Iošua ṅo ye̱ nsra le̱ mli ye̱ Šilo.

¹⁰ Ni Iošua fõ ošiki ehãame̱ ye̱ Iehowa hĩe ye̱ Šilo; ni Iošua dša šikpoṅ le̱ mli ye̱ dše̱i ehã Israelbii le̱ ye̱ ame̱mlidšäi le̱ anā.

¹¹ Ni ošiki le̱ kpe̱ hã Benyaminbii le̱ akutšo le̱ ye̱ ame̱wekui le̱ anā; ni ame̱gbe̱fãṅnõ le̱ hũsũ kã Iudabii le̱ ke̱ Iosefbii le̱ ateṅ.

¹² Ni ame̱kōyĩgbe̱ hũsũ le̱ dše̱ Iordan nā; ni hũsũ le̱ kwo̱ ke̱-tšṍ Ieriko mase̱i ye̱ kōyigbe̱, ni ekwo̱ ke̱-tšó gõdši le̱ ano̱ ke̱-te anaigbe̱, ni enā yamõ *Bet-Aven ṅã le̱. *7,2.

¹³ Ni hũsũ le̱ dše dše̱i ke̱-tšṍ Luz, ye̱ Luz, ní dši *Betel le̱, wuoyigbe̱; ni hũsũ le̱ mã eyi ši ke̱-te Atarot-Adar ye̱ goṅ ní kã Bet-Horon, ní yo̱ šišigbe̱ le̱, wuoyigbe̱ le̱ no̱; *1 Mose 12,8; 28,19.

¹⁴ ni agba hũsũ le̱ ke̱-lo̱go̱ ši ke̱-tšṍ anaigbe̱ ke̱-te wuoyigbe̱, ke̱-dše̱ goṅ ní kã Bet-Horon hĩe le̱ wuoyigbe̱, ni enā yamõ Kiriat-Baal, ní dši Kiriat-Iearim, Iudabii le̱ amaṅ le̱. No dši anaigbe̱ nõ le̱. 15,6-9.

¹⁵ Ni wuoyigbe̱ nõ le̱ dše̱ Kiriat-Iearim hũsũ le̱ he, ni hũsũ le̱ wó eyi mã anaigbe̱ ke̱-te Neftoa nubu le̱ he.

¹⁶ Ni hũsũ le̱ kpleke ši ke̱-te goṅ ni kã Hinombi le̱ dšō̱ le̱ hīe le̱ nāgbē, ye̱ Refaim dšō̱ le̱ kōyigbe̱, ni ekpleke Hinom dšō̱ le̱ ke̱-te Iebusbii le̱ awuoyigbe̱, ni ekpleke ši ke̱-ba Rogel nubu le̱ nā;

¹⁷ ni agba ke̱-dše̱ kōyigbe̱ le̱, ni enā yamõ En-Šemeš, ni edše̱ Gelilot ní kã Adumim ṅmeṅme le̱ ṅe̱le̱no̱ le̱, ni ekpleke ši ke̱-te Rubenbi Bohan te̱ le̱ he;

¹⁸ ni ešrã he ke̱-te ṅã kplanā le̱ ṅe̱le̱no̱ ye̱ kōyigbe̱, ni ekpleke ši ke̱-te ṅã kplanā le̱ no̱;

¹⁹ ni hũsũ le̱ tšṍ ke̱-yadše Bet-Hogla mase̱i ye̱ kōyigbe̱, ni enā yamõ Ṅō-ṅšo̱ le̱ kōyigbe̱ ble le̱ ye̱ Iordan wuoyigbe̱ nāgbēhe le̱. Ene̱ dši wuoyigbe̱ hũsũ le̱.

²⁰ Ni Iordan dši ebokägbe̱ hũsũ. Ene̱ dši Benyaminbii le̱ agbe̱fãṅnõ ye̱ ehũsũi le̱ anā ke̱-kpe, ye̱ ame̱wekui le̱ anā.

²¹ Ni Benyaminbii le̱ amãdši ye̱ ame̱wekui le̱ anā ne̱: Ieriko ke̱ Bet-Hogla ke̱ Emek-Keziz

²² ke̱ Bet-Araba ke̱ Zemaraim ke̱ Betel

²³ ke̱ Avim ke̱ Para ke̱ Ofra

²⁴ ke̱ Kefar-Amonai ke̱ Ofni ke̱ Geba: mãdši nyoṅma ke̱ enyo̱ ke̱ ame̱he akrowai.

²⁵ Gibeon, Rama ke̱ Beerot

²⁶ ke̱ Mizpe ke̱ Kefira ke̱ Moza

²⁷ ke̱ Rekem ke̱ Irpeel ke̱ Tarala

²⁸ ke̱ Zela ke̱ Elef ke̱ *Iebus ni dši Ierusalem le̱, Gibeat, Kiriat: mãdši nyoṅma ke̱ edſe̱ ke̱ ame̱he akrowai. Ene̱ dši Benyaminbii le̱ agbe̱fãṅnõ ye̱ ame̱wekui le̱ anā. 15,63. Kods. 1,21.