Yoshua 15 - Ṅmãle̱ Kroṅkroṅ Le̱

¹ Ni Iudabii le̱ akutšo le̱ nā ame̱gbefãṅnõ ye̱ ame̱wekui le̱ anā ye̱ *Edom hũsũ le̱ nä, ke̱-te Zin ṅã le̱ no̱ ye̱ wuoyigbe̱ le̱, ye̱ wuoyigbe̱ le̱ nāgbāhe le̱. *4 Mose 34,3-5.

² Ni ame̱wuoyigbe̱ hũsũ le̱ dše̱ Ṅō-ṅšo̱ le̱ nāgbēhe le̱ ye̱ eble ní kã ke̱-yaä wuoyigbe̱ le̱ nā,

³ ni etšṍ Akrabim ṅmeṅme le̱ wuoyigbe̱, ni eſoṅ ke̱-tšṍ Zin, ni etšṍ ke̱-yadše Kadeš-Barnea wuoyigbe̱, ni ešrã Hezron ke̱-te Adar, ni elo̱go̱ ke̱-te Karka,

⁴ ni etšã́ Azmon, ke̱-te Mizraim fā le̱ nā; ni hũsũ nā yawa ṅšo̱ le̱ nā. Ene̱ dši nyewuoyigbe̱ hũsũ le̱.

⁵ Ni bokãgbe̱ hũsũ dši Ṅō-ṅšo̱ le̱ ke̱-baši Iordan nāgbē le̱. Ni kōyigbe̱ hũsũ le̱ koṅ le̱ dše̱ Ṅō-ṅšo̱ le̱ ble ní yo̱ Iordan nāgbā le̱ nā;

⁶ ni hũsũ le̱ tšṍ Bet-Hogla, ke̱-tšṍ Bet-Araba kōyigbe̱, ni hũsũ le̱ *tšṍ Rubenbi Bohan te̱ le̱ he. *18,17.

⁷ Ni hũsũ le̱ dše̱ Akor dšō̱ le̱ṅ ewó enā no̱ ke̱-ba Debir, ni edo̱ eyi ke̱-tšṍ kōyigbe̱ ke̱-te Gilgal ye̱ Adumim ṅmeṅme le̱ ní yo̱ fā le̱ wuoyigbe̱ le̱ ṅe̱le̱no̱; ni hũsũ le̱ šrã En-Šemeš nui le̱, ni eke̱ enā yawó *Rogel nubu le̱ mli; *2 Sam. 17,17.

⁸ ni hũsũ le̱ tšṍ *Hinombi le̱ dšō̱ le̱ṅ ye̱ Iebusbii le̱ amase̱i ye̱ wuoyigbe̱ le̱, no dši Ierusalem; ni hũsũ le̱ wó enā no̱ ke̱-te goṅ ní yo̱ Hinom dšō̱ le̱ hĩe le̱ yiteṅ ye̱ anaigbe̱, ye̱ Refaim dšō̱ ní kã kōyigbe̱ le̱ nãgbēhe le̱. *2 Kron. 28,8.

⁹ Ni agba hũsũ le̱ ke̱-dše̱ goṅ le̱ yiteṅ ke̱-yaši Neftoa nubu le̱ he, ni etšṍ Efron goṅ le̱ no̱ mãdši le̱ ahe; ni agba hũsũ le̱ ke̱-yaši *Baala, no dši Kiriat-Iearim. *K. 30.

¹⁰ Ni hũsũ le̱ lo̱go̱ ši ke̱-dše̱ Baala ke̱-te anaigbe̱ ye̱ Seir goṅ le̱ he, ni etšṍ Iearim goṅ le̱ mase̱i ye̱ kōyigbe̱ le̱, no dši Kesalon, ni ekpleke ši ke̱-ba Bet-Šemeš ni ešrã Timna he.

¹¹ Ni hũsũ le̱ nyie Ekron mase̱i ye̱ kōyigbe̱ le̱, ni agba ke̱-yaši Šikeron, ni etšṍ Baala goṅ le̱ no̱ ke̱-yadše Iabneel, ni enā yamõ ṅšo̱ le̱.

¹² Ni anaigbe̱ hũsũ le̱ dši ṅšo̱ wulu le̱ ke̱ enānā le̱. Ene̱mei dši Iudabii le̱ ahũsũi le̱ ke̱-kpe, ye̱ ame̱wekui le̱ anā.

¹³ Ši *Kaleb, Iefune bi le̱, ehãle̱ egbe̱fãṅnõ ye̱ Iudabii le̱ ateṅ, ye̱ Iehowa kitã ní ewo Iošua le̱ nā, no dši Kiriat-Arba ní dši Anak tše̱ le̱, ni maṅ le̱ dši Hebron. *14,6-15.

¹⁴ Ni Kaleb ſie Anak bii etẽ le̱ ke̱-dše̱ dše̱i, Šešai ke̱ Ahiman ke̱ Talmai, ní dši Anak sešibii le̱.

¹⁵ Ni edše dše̱i ete Debir bii le̱ aṅõ. Ni sá le̱ Debir gbe̱i dši Kiriat-Sefer.

¹⁶ Ni Kaleb kē̱: Moni aatſia Kiriat-Sefer nii ni eṅõ dše̱i le̱, maṅõ mibiyō Aksa mahãle̱ gblã!

¹⁷ Ke̱ke̱ ni Otniel, Kaleb nyemi Kenaz bi le̱ yaṅõ dše̱i. Ni eṅõ ebiyō Aksa le̱ ehãle̱ gblã.

¹⁸ Ni eba mli ake̱, beni ete ewù le̱ ṅõ le̱, ewo eyiṅ ake̱ ebi etše̱ šikpoṅ ko; ni edše̱ tedši le̱ no̱ eyi ši; ni Kaleb kē̱le̱ ake̱: Meni feo̱o?

¹⁹ Ni ekē̱le̱ ake̱: Hãmi gbe̱wōnii! Edšake̱ ohãmi šikpoṅ ye̱ wuoyigbe̱, agbe̱ne̱ hãmi nubui hũ! Ni ehãle̱ nubui ní yo̱ goṅ no̱ ke̱ nubui ní yo̱ dšō̱ mli.

²⁰ Ene̱ dši Iudabii le̱ akutšo le̱ gbe̱fãṅnõ ye̱ ame̱wekui le̱ anā.

²¹ Ni Iudabii le̱ akutšo le̱ mli mãdši ní kpe yi ye̱ Edom hũsũ le̱ nā ye̱ wuoyigbe̱ le̱ dši: Kabzeel ke̱ Eder ke̱ Iagur

²² ke̱ Kina ke̱ Dimona ke̱ Adada

²³ ke̱ Kedeš ke̱ Hazor ke̱ Itnan,

²⁴ Zif ke̱ Telem ke̱ Bealot

²⁵ ke̱ Hazor-Hadata ke̱ Keriot-Hezron, no dši Hazor,

²⁶ Amam ke̱ Šema ke̱ Molada

²⁷ ke̱ Hazar-Gada ke̱ Hešmon ke̱ Bet-Pelet

²⁸ ke̱ Hazar-Šual ke̱ Beeršeba ke̱ Bisiotia,

²⁹ Baala ke̱ Iim ke̱ Ezem

³⁰ ke̱ Eltolad ke̱ Kesil ke̱ Horma

³¹ ke̱ Ziklag ke̱ Madmana ke̱ Sansana

³² ke̱ Lebaot ke̱ Šilhim ke̱ Ain ke̱ Rimon: fẽ dši mãdši nyoṅmai-enyo̱ ke̱ ne̱hũ ke̱ ame̱he akrowai.

³³ Ṅãno̱ šikpoṅ le̱ no̱ mãdši ne̱: *Eštaol ke̱ Zora ke̱ Ašna *Kodš. 13,25; 16,31.

³⁴ ke̱ Zanoa ke̱ En-Ganim, Tapua ke̱ Enam,

³⁵ Iarmut ke̱ Adulam, Soko ke̱ Azeka

³⁶ ke̱ Šaaraim ke̱ Aditaim ke̱ Gedera ke̱ Gederotaim: mãdši nyoṅma ke̱ edſe̱ ke̱ ame̱he akrowai.

³⁷ Zenan ke̱ Hadaša ke̱ Migdal-Gad

³⁸ ke̱ Pilan ke̱ Mizpe ke̱ Iokteel,

³⁹ Lakiš ke̱ Bozkăt ke̱ Eglon

⁴⁰ ke̱ Kabon ke̱ Lakmas ke̱ Kitliš

⁴¹ ke̱ Gederot, Bet-Dagon ke̱ Naama ke̱ Makeda: mãdši nyoṅma ke̱ ekpa ke̱ ame̱he akrowai.

⁴² Libna ke̱ Eter ke̱ Ašan

⁴³ ke̱ Ifta ke̱ Ašna ke̱ Nezib

⁴⁴ ke̱ Keila ke̱ *Akzib ke̱ Mareša: mãdši ne̱hũ ke̱ ame̱he akrowai. *19,29.

⁴⁵ *Ekron ke̱ ehe mãdši ke̱ ehe akrowai; *1 Sam. 5,10.

⁴⁶ ke̱-dše̱ Ekron ke̱-yaä ṅšo̱ le̱ nā le̱, nofẽno ni yo̱ Ašdod mase̱i le̱ ke̱ ame̱he akrowai le̱.

⁴⁷ *Ašdod, ehe mãdši ke̱ ehe akrowai; †Gaza, ehe mãdši ke̱ ehe akrowai ke̱-yaši Mizraim fã le̱ nā; ni **ṅšo̱ wulu le̱ dši ehũsũ. *1 Sam. 5,1. †Kods. 1,18. **4 Mose 34,6.

⁴⁸ Gõdši le̱ ano̱ mãdši ne̱: Šamir ke̱ Iatir ke̱ Soko

⁴⁹ ke̱ Dana ke̱ Kiriat-Sana, no dši Debir,

⁵⁰ ke̱ Anab ke̱ Eštemo ke̱ Anim

⁵¹ ke̱ Gošen ke̱ Holon ke̱ Gilo: mãdši nyoṅma ke̱ ekome ke̱ ame̱he akrowai.

⁵² Arab ke̱ Duma ke̱ Ešean

⁵³ ke̱ Ianum ke̱ Bet-Tapua ke̱ Afeka

⁵⁴ ke̱ Humta ke̱ Kiriat-Arba, no dši Hebron, ke̱ Zior: mãdši ne̱hũ ke̱ ame̱he akrowai.

⁵⁵ Maon, Karmel ke̱ Zif ke̱ Iuta

⁵⁶ ke̱ Iezreel ke̱ Iokdeam ke̱ Zanoa,

⁵⁷ Kain, Gibea ke̱ Timna: mãdši nyoṅma ke̱ ame̱he akrowai.

⁵⁸ Halbuī, Bet-Zur ke̱ Gedor

⁵⁹ ke̱ Maarat ke̱ Bet-Anot ke̱ Eltekon: mãdši ekpa ke̱ ame̱he akrowai.

⁶⁰ *Kiriat-Baal, no dši Kiriat-Iearim, ke̱ Raba: mãdši enyo̱ ke̱ ame̱he akrowai. *9,17; 18,14.

⁶¹ Ṅã le̱ no̱ mãdši ne̱: Bet-Araba, Midin ke̱ Sekaka

⁶² ke̱ Nibšan ke̱ Nōmaṅ le̱ ke̱ En-Gedi: mãdši ekpa ke̱ ame̱he akrowai.

⁶³ Si Iebusbii le̱ hĩ ši ye̱ Ierusalem, Iudabii le̱ nyẽẽame̱ ame̱ſie, *nohewo̱ le̱ Iebusbii le̱ ke̱ Iudabii le̱ hĩ Ierusalem ke̱-baši ṅme̱ne̱. *18,28. 2 Sam. 5,6.