Yoshua 11 - Ṅmãle̱ Kroṅkroṅ Le̱

¹ Ni eba mli ake̱, beni Hazor maṅtše̱ Iabin nu he le̱, etšũ ke̱-te Madon maṅ-tše̱ Iobab ke̱ Šimron maṅtše̱ le̱ ke̱ Akšaf maṅtše̱ le̱,

² ke̱ maṅtše̱mei ni yo̱ kõyigbe̱ ye̱ gõdši ašikpoṅ le̱ no̱ ke̱ ṅã kpatä ni yo̱ Kinerot wuoyigbe̱ le̱ no̱ ke̱ ṅãno̱ šikpoṅ le̱ no̱ ke̱ Dor ṅmeṅmei le̱ ano̱ ye̱ anaigbe̱ le̱,

³ ke̱ Kanaanbii ní yo̱ bokãgbe̱ ke̱ anaigbe̱ le̱ ke̱ Amorbii le̱ ke̱ Hitbii le̱ ke̱ Perizbii le̱ ke̱ Iebusbii ní yo̱ goṅ le̱ no̱ le̱ ke̱ Hivbii ní yo̱ Hermon goṅ le̱ šiši ye̱ Mizpa šikpoṅ le̱ no̱ le̱ aṅõ.

⁴ Ni mene̱mei ke̱ ame̱tai le̱ fẽ fã, mei babaō ní ame̱fále̱ tamo̱ ṅšo̱ nā šia, ke̱ okpo̱ṅo̱i ke̱ ſīlii babaō dientše̱.

⁵ Ni ne̱ke̱ maṅtše̱mei ne̱ fẽ nā bakpe ši, ni ame̱ba ame̱babo̱ nsra ye̱ hekome ye̱ Merom nui le̱ anā, koni ame̱ke̱ Israel awu.

⁶ Ni Iehowa kē̱ Iošua ake̱: Kāšeame̱ gbeyei; edšake̱ wē̱ bene̱ yino̱ le̱ mahã ame̱fẽ ame̱nyonyõi ye̱ Israel hĩe: ame̱kpo̱ṅo̱i le̱, oflo̱ ame̱nanese̱fãi, ni ame̱ſīlii le̱ oke̱ la ašã!

⁷ Ke̱ke̱ ni Iošua ke̱ tabilo̱i le̱ fẽ bahẽṅame̱ trukā ye̱ Merom nui le̱ anä, ni ame̱tuaame̱.

⁸ Ni Iehowa dšieame̱ ewo Israel deṅ, ni ame̱gbegbẽame̱ ni ame̱tiuame̱ ke̱-te Zidon wulu le̱ ke̱ *Misrefot-Maim ke̱ Mizpa dšē̱ le̱ṅ ye̱ bokãgbe̱ le̱, ni ame̱gbegbēame̱ ke̱-yaši beyino̱ ní eſe̱e̱ mokomeflo ni dše mli. *13,6.

⁹ Ni Iošua feame̱ bo̱ni Iehowa fã́le̱ le̱: eflo ame̱kpo̱ṅo̱i le̱ ananese̱fãi, ni eke̱ la šã ame̱ſīlii le̱ hũ.

¹⁰ Ni Iošua kũ ese̱ ye̱ nakai be le̱ mli ni eyaṅo Hazor, ni eke̱ klante gbe emli maṅtše̱ le̱; edšake̱ tšutšu le̱ Hazor dši nakai maṅtše̱yelihei le̱ fẽ kwa yitšo.

¹¹ Ni ame̱ke̱ klante gbe susumai ni yo̱ mli le̱ fẽ, ni *ame̱feame̱ musu; ašĩĩ nokonoko ní mũo̱, ni eke̱ la šã Hazor. *4 Mose 21,2.

¹² Ni Iošua ṅõ ne̱ke̱ maṅtše̱mei ne̱ amãdši le̱ fẽ ke̱ ame̱mli maṅtše̱mei le̱ fẽ, ni eke̱ klante gbeame̱, ni efeame̱ musu, tamo̱ bo̱ni Iehowa tšũlo̱ Mose wo kitã le̱.

¹³ Ši mãdsi fẽ ní mãmo̱ ṅmeṅmei ano̱ le̱ Israel ešãã emli ekomeflo, ake̱ dša Hazor ke̱ke̱ Iošua šã.

¹⁴ Ni ne̱ke̱ mãdši ne̱ amli nii fẽ ke̱ koloi le̱ Israelbii le̱ ha hã ame̱he; ši ame̱ke̱ klante gbe gbomei le̱ fẽ ke̱-yaši beyino̱ ni ame̱kpãtã ame̱hĩe, ni ame̱ſe̱e̱ mokomoko ní mũo̱.

¹⁵ Bo̱ni Iehowa wo etšũlo̱ Mose kitã le̱, nakai noṅṅ Mose wo Iošua kitã, ni nakai Iošua fe; nii ní Iehowa wo Mose he kitã le̱ ešĩĩ mli eko eko ní efee.

¹⁶ Ni Iošua ṅõ nakai šikpoṅ le̱ fẽ, gõdšì ašikpoṅ le̱ ke̱ wuoyigbe̱ le̱ fẽ ke̱ *Gošen šikpoṅ le̱ fã ke̱ ṅãno̱ šikpoṅ le̱ ke̱ ṅã kpatã le̱ ke̱ Israel gõdši ašikpoṅ le̱ ke̱ ehe ṅã kplanā le̱; *10,41.

¹⁷ ke̱-dše̱ goṅ ke̱ eno̱ kpatā le̱ ní wó enā no̱ ke̱-te Seir le̱ he ke̱-yaši Baal-Gad ye̱ Lebanon dšō̱ le̱ṅ, ye̱ Hermon goṅ le̱ šiši; ni emomo̱ ame̱maṅtše̱mei le̱ fẽ ni etſiaame̱ nii ni egbeame̱.

¹⁸ Gbĩĩ pī Iošua ke̱ ne̱ke̱ maṅtše̱mei ne̱ fẽ wu.

¹⁹ Maṅ ko maṅ ko be̱ ní ke̱ ame̱he badõmo̱ Israelbii le̱, ake̱ dša *Hivbii ní dši Gibeonbii le̱; ta ame̱ke̱-ṅõ fẽ. *9,15.

²⁰ Edšake̱ Iehowa deṅ edše̱, ni awadše ame̱tšui ní ame̱ke̱ Israel awu, ní afeame̱ musu, ni akanaame̱ mo̱bo̱, *ši moṅ akpãtã ame̱hĩe, take̱ bo̱ni Iehowa wo Mose kitã le̱. *5 Mose 7,2.

²¹ Ni Iošua fã ye̱ nakai be le̱ mli ni *eyabule Anakbii le̱ aseši ye̱ goṅ le̱ no̱, ye̱ Hebron ke̱ Debir ke̱ Anab ke̱ Iuda gõdši le̱ fẽ no̱ ke̱ Israel godši le̱ fẽ no̱; ni Iošua feame̱ ke̱ ame̱mãdši le̱ fẽ musu. *4 Mose 13,22. 5 Mose 1,28.

²² Anakbii le̱ ateṅ mokomeflo eſe̱e̱ ye̱ Israelbii le̱ ašikpoṅ le̱ no̱, ake̱ dša Gaza ke̱ *Gat ke̱ Ašdod pe̱ meikomei ſe̱ ye̱. *1 Sam. 17,4.

²³ Ni Iošua ṅõ šikpoṅ mū le̱ fẽ, tamo̱ bo̱ni Iehowa kē̱ Mose le̱ pe̱pē̱pe̱; ni Iošua dša mli hã Israel ye̱ ame̱mlidšāi anā ke̱ ame̱kutšei le̱ anā, ni etšṍ ame̱gbošinii. Ni *šikpoṅ le̱ no̱ dšo̱ ni tawū se̱ fo. *14,15.