Yohane 8 - Ṅmãle̱ Kroṅkroṅ Le̱

¹ Ši Iesu yiṅ ete Mũgoṅ le̱ no̱.

² Ni lebi mā̃ṅkpa le̱ eba so̱lemo̱we le̱ ekoṅ, ni maṅ le̱ fẽ ba eṅõ, ni eho etá ši etšõame̱ nii.

³ Ni woloṅmãlo̱i le̱ ke̱ Farisifoi le̱ ke̱ yō ko ní amõle̱ ye̱ gblãfitemo̱ mli ba eṅõ, ni ame̱hã edamo teṅ,

⁴ ni ame̱kē̱le̱ ake̱: Tšõlo̱, ne̱ke̱ yō ne̱, gblãfitemo̱ dientše̱ mli amõle̱ ye̱.

⁵ Agbe̱ne̱ mla le̱ mli le̱ Mose wowo̱ kitã ake̱ átſia ne̱ke̱ mei ate̱i; ši té bo hũ okē̱o̱ tẽṅ? 3 Mose 20,10.

⁶ Ši ene̱ le̱ ame̱kē̱ ame̱ke̱-tšõle̱, koni amená noko ame̱ke̱-yaflo̱ enā. Ni Iesu koto ši, ni eke̱ ewao ṅmã nii ye̱ šikpoṅ.

⁷ Ši beni ame̱hĩele̱ bimo̱ le̱, ewó ehe no̱ ni ekē̱ame̱ ake̱: Nyeteṅ moni eša be̱ ehe le̱, hã ni le̱ tšutšu etſale̱ te̱ le̱.

⁸ Ni esā ekoto ši ekoṅ, ni eṅmã nii ye̱ šikpoṅ.

⁹ Ši ame̱ le̱, beni amenu ni *ame̱henilē kãame̱ le̱, ame̱bõi kpodšē ekomekome ke̱-dše̱ ame̱teṅ onukpa no̱ ke̱-yaši se̱kpēmo no̱, ni baſe̱ Iesu kome ke̱ yō le̱ ní edamo̱ te le̱ṅ. *Rom. 2,22.

¹⁰ Ši beni Iesu wó ehe no̱ ní enaa moko ake̱ dša yō le̱, ekē̱le̱ ake̱: Awó, nẽgbe̱ onāflo̱lo̱i le̱ yo̱? ani moko ebukoö fo̱?

¹¹ Ni ekē̱: Moko ebukomi fo̱, Nuṅtšo̱. Ni Iesu kē̱le̱ ake̱: Bĕle̱ mi hũ mibuuo fo̱; ši ya ni *okafe eša doṅṅ. *5,14.

¹² Ke̱ke̱ ni Iesu ke̱ame̱ wie ekoṅ ekē̱: Midši *dše le̱ mli la le̱. Moni nyieo̱ mise̱ le̱, enyieṅ duṅ mli gbĩkogbĩko, ši moṅ eená wala la le. *Ies. 49,6. Ioh. 1,5. 9.

¹³ Nohewo̱ le̱ Farisifoi le̱ kē̱le̱ ake̱: Bo le̱, bodientše̱ ohe odase oyeo̱ ne̱; odase le̱ be̱ mli.

¹⁴ Iesu here no̱ ekē̱ame̱ ake̱: *Ké̱ mīye midientše̱ mihe odase hũ dšĩṅ, midase le̱ ye̱ mli, edšake̱ mile heni midše̱ ke̱ heni miyaä, ši nye le̱, nyelee heni midše̱ lo heni miyaä. *5,31.

¹⁵ Nye le̱ nyekodšoo̱ helo nā; mi le̱ mikodšoo moko.

¹⁶ Ni ké̱ mikodšoo̱ tete dšĩṅ, mikodšomo̱ le̱ ano̱kwale ni; edšake̱ *dšee mikome ni, ši moṅ mike̱ tše̱ ni tšũmi le̱ ni. *K. 29.

¹⁷ Ni asaṅ nyemla le̱ mli hũ aṅmā ake̱: Mei enyo̱ odase le̱ ano̱kwaṅ. 1 Mose 19,15.

¹⁸ Mi le̱ miyeo̱ midientšo̱ mihe odase, ni tše̱ ni tšũmi le̱ hũ yeo̱ mihe odase.

¹⁹ Agbe̱ne̱ ame̱kē̱le̱ ake̱: Nẽgbe̱ otše̱ le̱ yo̱? Iesu here no̱ ake̱: Nyeleemi ni nyesã nyelee mitše̱; nyelemi dšikũle̱, nyeale mitše̱ hũ. — 14,7.

²⁰ Iesu wie wiemoi ne̱ ye̱ nitōhe le̱, beni etšõo̱ nii ye̱ so̱lemo̱we le̱; ni moko mõõle̱, edšake̱ eṅmle̱tſā le̱ še̱ko. 7,30. Luk. 22,53.

²¹ Ke̱ke̱ le̱ Iesu sã kē̱ame̱ ekoṅ ake̱: Mi le̱ miya, ši nyeataomi, ni nyehe eša le̱ mli nyeagboi ye̱; heni miyaä le̱, nyenyẽṅ dše̱i nyeba. 7,34; 13,33.

²² Nohewo̱ le̱ Iudafoi le̱ kē̱: Ani eyagbe ehe, hewo̱ ekē̱o̱ ake̱, heni miyaä le̱, nyenyẽṅ dše̱i nyeba le̱? 7,35.

²³ Ni ekē̱ame̱ ake̱: Nye le̱ nyedše̱ šiši ne̱, mi le̱ midše̱ ṅwei; nye le̱ nyedše̱ dše ne̱ mli, mi le̱ midše̱e̱ dše ne̱ mli. 3,31.

²⁴ Nohewo ni mikē̱nye ake̱ nyeagboi ye̱ nyehe ešai le̱ amli le̱; edšake̱ ké̱ nyehee nyeyee ake̱ mi ne̱ dšile̱ le̱, nyebagboi ye̱ nyehe ešai le̱ amli.

²⁵ Agbe̱ne̱ ame̱kē̱le̱ ake̱: Namo dšio? Ni Iesu kē̱ame̱ ake̱: Nõ noṅṅ ní mikē̱o̱-nye ke̱-dše̱ šišidšē le̱.

²⁶ Miye̱ nyehe sãdši pī ní mawie ni mike̱-akodšonye; ši kẽle̱ moni tšũmi le̱ ano̱kwafoṅ, ni mi le̱, nii ní minu ye̱ enā le̱, ne̱ke̱ nii ne̱ noṅṅ miwieo̱ mitšõo̱ dše le̱.

²⁷ Ame̱lee ake̱ tše̱ le̱ hewo̱ eke̱ame̱ wieo̱ le̱.

²⁸ Agbe̱ne̱ Iesu kē̱ame̱ ake̱: Beni *nyená nyewó gbomobi le̱ no̱ le̱, no nyeale ake̱ mini, ni ake̱ mitoo miyi mifee noko, ši moṅ bo̱ni mitše̱ tšõmi le̱, nakai miwieo̱. *3,14; 12,32.

²⁹ Ni moni tšũmi le̱ ke̱mi ye̱, tše̱ le̱ *šĩko mikome, edšake̱ mi le̱, noni sa ehīe mifeo dã. *K. 16.

³⁰ Beni ewieo̱ nii ne̱ le̱, mei pī he eno̱ ye. 7,31.

³¹ Ke̱ke̱ ni Iesu kē̱ Iudafoi ní éhele̱ éye le̱ ake̱: Ke̱dši nyehĩ ši ye̱ miwiemo̱ le̱ mli le̱, mino̱kwa-kaselo̱i dšinye, 15,14.

³² ni nyeale ano̱kwale le̱, ni ano̱kwale le̱ aahã nyeye nyehe.

³³ Ame̱herele̱ no̱ ake̱: Abraham sešibii dšiwo̱, ni wo̱tšṍmo̱ko moko nyṍdši pēṅ; té tēṅ ní bo okē̱o ake̱: Nyeaye nyeheṅ? Mat 8,9.

³⁴ Iesu hereame̱ no̱ ake̱: Le̱le̱ṅ, le̱le̱ṅ, mīkē̱nye ake̱: Mofẽmo ní feo̱ eša le̱, eša le̱ nyṍṅ dšile̱. Rom. 6.16. 20. 1 Ioh. 3,8.

³⁵ Nyṍṅ ehĩĩ šĩa ke̱-yaa nāno̱; ši bi hĩo̱ ši ke̱-yaä nāno̱.

³⁶ Nohewo̱ le̱, ke̱dši bi le̱ hã nyeye nyehe le̱, no nyeaye nyehe le̱le̱ṅ. Rom. 6,18. 22.

³⁷ Mile ake Abraham sešibii dšinye; ši kẽle̱ nyemītaomi nyegbe, edšake̱ miwiemo̱ hoo nyemli.

³⁸ Mi le̱, nii ní mina ye̱ mitše̱ be le̱, no miwieo̱; ni nye hũ, nii ní nyenu ye̱ nyetše̱ na le̱, no nyefeo̱.

³⁹ Ame̱here no̱ ame̱kē̱le̱ ake̱: Wo̱tše̱ dši Abraham. Iesu kē̱ame̱ ake̱: Abraham bii dšinye dšikũle̱, nyeatšu Abraham nitšumo̱i.

⁴⁰ Ši agbe̱ne̱ nyemĩtaomi nyegbe, mi gbomo ko ní mikē̱nye ano̱kwale ní minu ye̱ Nyoṅmo̱ nā le̱; Abraham efee ene̱.

⁴¹ Nye le̱, nyetše̱ nitšumo̱i nyetšuo̱ le̱. Ke̱ke̱ le̱ ame̱kē̱le̱ ake̱: Wo̱ le̱, afó̱ó̱wo̱ ye̱ adſamaṅbō̱ mli; tše̱ kome wo̱yo̱, le̱ dši Nyoṅmo̱.

⁴² Ke̱ke̱ le̱ Iesu kē̱ame̱ ake̱: Nyoṅmo̱ dši nyetše̱ kũle̱, nyeasumo̱mi; edšake̱ mi le̱ Nyoṅmo̱ ṅõ midše̱ miba; ni asaṅ mitoo midientše̱ miyi mibaa, ši moṅ le̱ etšũmi.

⁴³ Ši mẽhewo̱ nyenaa miwiemo̱ nā le̱? Edše̱ miwiemo̱ toi ni nyeboo le̱.

⁴⁴ Nye le̱ *nyetše̱ ní nyedše̱ emli dši abonsam, ni nyetše̱ le̱ tšinebānii nyesumoo̱ ake̱ nyefe. Le̱ le̱ †gbomogbelo̱ dšile̱ ke̱-dše̱ tetēte, ni **edamo̱o̱ ano̱kwale le̱ mli, edšake̱ ano̱kwale be̱ emli. Ké̱ ēmale le̱, le̱dientše̱ enii ahe ewieo̱, edšake̱ amalelo̱ ke̱ malemo̱tše̱ dšile̱. *1 Ioh. 5,8-10. †1 Mose 3,4. **2 Pet. 2,4.

⁴⁵ Ši mi le̱, ake̱-ní miwieo̱ ano̱kwale hewo̱ le̱, nyeheemi nyeyee.

⁴⁶ *Nyeteṅ namo kãami ye̱ eša ko hewo̱? Ši ke̱dši miwie ano̱kwale le̱, mẽhewo̱ ni nyeheemi nyeyee le̱? *2 Kor. 5,21. 1 Pet. 2,22

⁴⁷ Moni *dše̱ Nyoṅmo̱ mli le̱, enuo̱ Nyoṅmo̱ wiemo̱i; nohewo̱ ni nye le̱ nyenuu le, edšake nyedšee̱ Nyoṅmo̱ mli. *18,37.

⁴⁸ Agbe̱ne̱ Iudafoi le̱ here no̱ ni ame̱kē̱le̱ ake̱: Ani dšee egbe̱nā wo̱kē̱o̱ ake̱ Samarianyo dšio, ni *daimonio hũ ye̱ omli? *7,20.

⁴⁹ Iesu here no̱ ake: Daimonio be̱ mimli, ši miwo mitše̱, ni nye le̱ nyemīgbe mihe guo̱ moṅ.

⁵⁰ Mitaoo midientše̱ minumnyam; ši moko ye̱ ni taoo̱ ni ekodšoo̱. 5,41.

⁵¹ Le̱le̱ṅ, le̱le̱ṅ, mīkē̱nye ake̱: Ke̱dši moko ye miwiemo̱ le̱ no̱ le̱, enaṅ gbẽle ke̱-ate nāno̱. 6,40. 47.

⁵² Ke̱ke̱ le̱ Iudafoi le̱ kē̱le̱ ake̱: Kpāko wo̱ná wo̱le ake̱ daimonio ye̱ omli. Abraham gbo, ni gbaloi le̱ hũ gboi, ni bo le̱ okē̱o̱ ake̱: Ke̱dši moko ye miwiemo̱ le̱ no̱ le̱, esaṅ enā gbĕle kwrā ke̱-ate nāno̱.

⁵³ Ani ofè wo̱tše̱ Abraham ní gbo le̱? ni gbalo̱i le̱ hũ gboi. Té otšé̱o̱ ohe tēṅ ne̱?

⁵⁴ Iesu here no̱ ake̱: Ke̱dši miwo midientše̱ mihĩe nyam le̱, minumnyam le̱ dšee noko; mitše̱ dši moni woo̱ mihĩe nyam, moni nyekē̱o̱ ake̱ nye-Nyoṅmo̱ dšile̱ le̱,

⁵⁵ ni *nyeyokole̱, ši mi le̱ milele̱; ni ke̱dši mikē̱ ake̱ mileele̱ le̱, matšṍ amalelo̱ tamo̱nye; ši milele̱, ni miyeo̱ ewiemo̱ no̱. *7,28.

⁵⁶ Nyetše̱ Abraham mli flile̱ ake̱ eena migbĩ le̱, ni ena ni emī še̱.

⁵⁷ Ke̱ke̱ le̱ Iudafoi le̱ kē̱le̱ ake̱: Onáko oye afii nyoṅmai-ennmo̱, ni ona Abraham lo?

⁵⁸ Iesu kē̱ame̱ ake̱: Le̱le̱ṅ, le̱le̱ṅ, mīkē̱nye ake̱: Miye̱ dãni Abraham yo̱.

⁵⁹ Ke̱ke̱ ni *ame̱kŏ̱lo̱ tei ní ame̱batſiale̱; ši Iesu tē ehe, ni edše so̱lemo̱we le̱ ete. *10,31.