Yohane 7 - Ṅmãle̱ Kroṅkroṅ Le̱

¹ Ni nii ne̱ ase̱ le̱, *Galilea Iesu kpaä ši ye̱, ši esumo̱o̱ ake̱ eyakpaä ši ye̱ Iudea, edšake̱ Iudafoi le̱ mītaole̱ agbe. *6,1.

² Agbe̱ne̱ Iudafoi le̱ *asesei agbĩdšŭrõ le̱ éše̱ étã. *3 Mose 23,34.

³ Nohewo̱ le̱ *enyemimei le̱ kē̱le̱ ake̱: Dše bie̱ ni oya Iudea, koni okaselo̱i le̱ hũ ana onĩtšumo̱i ni otšuo̱ le̱. *2,12. Mat. 12,46. Bo̱f. 1,14.

⁴ Edšake̱ moni taoo̱ ní alele̱ le̱, efee noko ye̱ fifiaṅ. Ke̱dši nibii ne̱ ofeo̱ le̱, dšiemo̱ ohe ši otšõ dše le̱.

⁵ Ši enyemimei le̱ tete hee eno̱ yee.

⁶ Ke̱ke̱ le̱ Iesu kē̱ame̱ ake̱: *Mibe nako aše̱, ši nye le nyehe le̱ dãne éše̱. *2.4.

⁷ Dše le̱ nyẽẽ anye̱nye; ši mi le̱ *enye̱o̱mi, edšake̱ miyeo̱ ehe odase ake̱ enitšumo̱i le̱ nitšumo̱i fõdši ni. *15,18.

⁸ Nye le̱ nyeyaä gbĩdšŭrõ ne̱ yeli; ši mi le̱ minako maya, edšake̱ mihe le̱ náko aše̱.

⁹ Beni ekē̱ame̱ nakai le̱, ehĩ ši ye̱ Galilea dã.

¹⁰ Ši beni enyemimei le̱ éte le̱, no se̱ dãni le̱ hũ ete gbĩdšŭrõ le̱, ši edšiee ehe ši, ši moṅ tamo̱ tēmo̱ mli.

¹¹ Agbe̱ne̱ Iudafoi le̱ bõile̱ taomo̱ ye̱ gbĩdšŭrõ le̱ no̱, ni ame̱kē̱: Nẽgbe̱ eyo̱?

¹² Ni hũhúhũhúwiemo̱ pī ba asafoi le̱ ateṅ ye̱ ehewo̱; meikomei kē̱ ake̱: Gbomo kpakpa dšile̱; ni meikomei hũ kē̱ ake̱: Dabi, hã moṅ ehãa asafo le̱ duduo̱.

¹³ Tše̱bele̱ moko edšee faṅṅ ewiee ehe ye̱ Iudafoi le̱ ašemo̱ hewo̱. 9,22; 12,42; 19,38.

¹⁴ Ši beni še̱ gbĩĩ dšudšĩ lo̱ ateṅ le̱, Iesu te so̱lemo̱we le̱ ni eyatšõ nii.

¹⁵ Ni Iudafoi le̱ anā kpe̱ amehe ni ame̱kē̱: Té mone̱ ní ekaseko nii le̱ fe tēṅ ní ele wodši amli nii ne̱? Mat. 13,54.

¹⁶ Iesu hereame̱ no̱ ni ekē̱: Minitšõmo̱ le̱, dšee minõṅ, ši moṅ moni tšũmi le̱ nõṅ.

¹⁷ Ke̱dši moko mīsumo̱ ake̱ efe esuomo̱nānii le̱, le̱ ebayo ye̱ tšõmo̱ le̱ he ake̱ Nyoṅmo̱ deṅ dše̱ alo midientše̱ miyi mitoo̱ miwieo̱.

¹⁸ Moni too̱ le̱dientše̱ eyi ewieo le̱, le̱dientše̱ *enumnyam etaoo̱, ši moni taoo̱ moni tšũle̱ le̱ anumnyam le̱, le̱ le̱ ano̱kwafo dšile̱, ni kũtũmpo̱o sane ko be̱ emli. *5,41. 44.

¹⁹ Ani dšee Mose hãnye mla le̱? Ni nyeteṅ *mokomoko yee mla le̱ no̱. Meni hewo̱ †nyetaoo̱mi nyegbe le̱? *Bo̱f. 7,53. †Ioh. 5,16. 18.

²⁰ Asafo le̱ here no̱ ni ame̱kē̱: Daimonio ye̱ omli; namo taoo̱-o agbe? 8,48. 52; 10,20.

²¹ Iesu here no̱ ni ekē̱ame̱ ake̱: Nitsumo̱ kome mitšu, ni nye fẽ nyena ekpe nyehe ye̱ hewo̱. 5,16.

²² Ni Mose ni ṅõ ketiafō le̱ ehãnye le̱, dšee ake̱ le̱ Mose le̱ ṅõ dše̱, ši moṅ edše̱ *tše̱mei le̱ aṅõ; ni hedšō̱mo̱gbĩ le̱ no̱ le̱ nyefoo̱ mo ketia; *1 Mose 17,10-12.

²³ ke̱dši hedšō̱mo̱gbĩ le̱ no̱ le̱ afoo̱ mo ketia beni afe ní akatõ Mose mla le̱ no̱ le̱, mẽba nyemli fũo̱mi ake̱ mitšá gbomo mū le̱ ye̱ hedšō̱mo̱gbĩ le̱ no̱?

²⁴ Nyekakwe̱a hīeaṅ nyekodšoa, ši moṅ nyekodšoa dšale̱ kodšomo̱.

²⁵ Ke̱ke̱ le̱ Ierusalembii le̱ ateṅ meikomei kē̱: Ani dšee moni ame̱taoo̱le̱ ame̱gbe le̱ ne̱? K. 19.

²⁶ Ni na, faṅṅ ewieo ye̱ ne̱, ni ame̱kē̱ē̱le̱ noko. Ekole̱ bene̱ onukpai le̱ ená ele ake̱ Kristo le̱ dši mone̱ le̱le̱ṅ?

²⁷ Ši mone̱ le̱, wo̱le heni edše̱; ši Kristo le̱, beni eeba le̱, moko leṅ heni edše̱. K. 41.

²⁸ Agbe̱ne̱, beni Iesu tšõo̱ nii ye̱ so̱lemo̱we le̱, ebo ekē̱: Nyelemi, ni asaṅ nyele heni midše̱; ni mitoo midientše̱ miyi mibaa, ši moṅ ano̱kwafo dši moni tšũmi, ni nyeleele̱ le̱.

²⁹ Ši mi le̱ milele̱, edšake̱ eṅõ midše̱, ni le̱ etšũmi. Mat, 11,27.

³⁰ Nohewo̱ le̱ ame̱mītao ame̱mõle̱, ši moko nyẽẽ ehe ata, edšake̱ eṅmle̱tſā le̱ še̱ko. 8,20. Luk. 22,53.

³¹ Ši asafoi le̱ ateṅ *mei pī hé eno̱ ame̱ye, ni ame̱kē̱ ake̱: Beni Kristo aaba le̱, ani eefe okadii pī fè nii ní mone̱ feo̱ ne̱? *8,30.

³² Farisifoi le̱ nu ake̱ asafo le̱ mīwiewie nii ne̱ ye̱ ehewo̱; ni Farisifoi le̱ ke̱ oso̱fonukpai le̱ tšũ tšũdši, koni ame̱yamõle̱.

³³ Ke̱ke̱ ni Iesu kē̱ame̱ ake̱: Be fiō ke̱ke̱ eſe̱ ni mike̱nye bahĩ ši, ni mibaya moni tšũmi le̱ ṅõ. 13,33.

³⁴ Nyeataomi ni nyenaṅmi, ni heni miyo̱ le̱, nyenyẽṅ dše̱i nyeba. 3,21.

³⁵ Nohewo̱ le̱ Iudafoi le̱ kē̱kē̱ amehe ake̱: Nẽgbe̱ mone̱ baya ní wo̱naṅle̱? Ani mei ni éſã Helafoi le̱ ateṅ le̱ aṅõ ebaya, ní eyatšõ Helafoi le̱ anii?

³⁶ Mẽ wiemo̱ ewie ne̱: Nyeataomi ni nyenaṅmi, ni heni miyo̱ le̱, nyenyẽṅ dše̱i nyeba le̱?

³⁷ Ši *nāgbēgbĩ ní dši gbĩĩ dšudši le̱ ateṅ gbĩ wulu le̱ no̱ le̱, Iesu yadamo̱ ši ni ebo ekē̱: Ke̱dši †kũmai miye moko le̱, hã mo le̱ aba miṅõ ni ebanu, *3 Mose 23,36. †Ioh. 4,10.

³⁸ moni heo̱ mino̱ eyeo̱ le̱, — *bo̱ni ṅmãle̱ le̱ kē̱o̱ le̱, walanu fāi adše̱ emũsũ mli aho. *Ies. 44,3. Ioel 3,1.

³⁹ Ši Mumo̱ le̱ ní mei ní heo̱ eno̱ yeo̱ le̱ baná le̱ hewo̱ ewie ne̱; ši Mumo̱ kroṅkroṅ le̱ náko aba, edšake̱ anáko awo Iesu hĩe nyam. 16,7.

⁴⁰ Beni asafoi le̱ ateṅ mei pī nu wiemo̱ ne̱ le̱, ame̱kē̱: *Gbalo̱ le̱ ne̱ le̱le̱ṅ. *6,14. 5 Mose 18,15.

⁴¹ Meikomei kē̱: Kristo le̱ ne̱; ši meikrokomei hũ kē̱: *Ani Kristo le̱, Galilea ebadše̱? *1,46.

⁴² Ani ṅmãle̱ le̱ ekē̱ē̱ ake̱: David sešĩ le̱ mli ke̱ Betlehem maṅ, heni David hĩ le̱, dše̱i Kristo le̱ badše? 2 Sam 7,12. Mika 5,1. Mat. 2,5. 6; 22,42.

⁴³ Ke̱ke̱ ni mligblamo̱ ba asafo le̱ teṅ ye̱ ehewo̱. 9,16.

⁴⁴ Ši kũle̱ ame̱teṅ meikomei mītao ake̱ amemõole̱, ši kẽle moko nyẽẽ ehe ata. K. 30.

⁴⁵ Ke̱ke̱ ni tšũdši le̱ kpale ke̱-te oso̱fonukpai le̱ ke̱ Farisifoi le̱ aṅõ, ni nomei biame̱ ake̱: Mẽba ni nyeke̱le̱ baa?

⁴⁶ Tšũdši le̱ here no̱ ake̱: Bo̱ni gbomo ne̱ wieo̱ le, moko ewieko nakai dã. Mat. 7,28. 29.

⁴⁷ Ke̱ke̱ le Farisifoi le̱ hereame̱ no̱ ake̱: Ani nye hũ alakanye?

⁴⁸ Ani onukpai le̱ lo Farisifoi le̱ ateṅ moko éhe eno̱ éye?

⁴⁹ Ši asafo ní lee mla ne̱, alomo̱ame̱.

⁵⁰ Nikodemo, moni ba Iesu ṅõ nyōṅ ní dši ameteṅ mokome le̱, kē̱ame̱ ake: 8,1. 2.

⁵¹ Ké̱ anuko moko dāṅ gbē ní ale noni efe le̱, *wo̱mla le̱ buole̱ fo̱ lo? *5 Mose 1,16. 17.

⁵² Ame̱here no̱ ame̱kē̱le̱ ake̱: Ani bo hũ Galilea odše̱? Taomo̱ mli okwe̱, ši gbalo̱ ko eteko ši ke̱-dšeko Galilea pẽṅ. K. 41.

⁵³ Ni ame̱teṅ mofẽmo te ewe.