Yohane 6 - Ṅmãle̱ Kroṅkroṅ Le̱

¹ Nii ne̱ ase̱ le̱ Iesu yiṅ ete Galilea ṅšo̱ ní dši Tiberia ṅšo̱ le̱ se̱.

² Ni mei pī nyie ese̱, edšake̱ ame̱na okadii ní efe ye̱ helatše̱mei le̱ ahe le̱.

³ Ni Iesu te goṅ le̱ no̱, ni eke̱ ekaselo̱i lg yatrá dše̱i.

⁴ Ni Hehō le̱, ní dši Iudafoi le̱ agbĩdšŭrõ le̱, éše̱ étã. 2,13; 11,55.

⁵ Agbe̱ne̱ Iesu yahole ehĩṅme̱ii ano̱ le̱ ena ake̱ mei babaō mība eṅõ, ni ekē̱ Filipo ake̱: Nẽgbe̱ wo̱o̱yahe abolo ye̱ wo̱hã mene̱mei aye?

⁶ Ši ene̱ le̱ ekē̱ eke̱-kale̱; edšake̱ le̱dientše̱ ele noni ebafe.

⁷ Filipo herele̱ no̱ ake̱: Denarioi ohai-enyo̱ nā abolo še̱ṅame̱, bo̱ni ame̱teṅ mofẽmo aaná atrõma-atrõma.

⁸ Ekaselo̱i le̱ ateṅ mokome, Andrea, ní dši Simon Petro nyemi le̱, kē̱le̱ ake̱:

⁹ Gbekẽnū ko ye̱ bie̱ ni yo̱ barle-aboloi enumo̱ ke̱ lōi bibii enyo̱; ši mei pī ne̱, ame̱nẽgbe̱ ene̱ še̱o̱?

¹⁰ Ši Iesu kē̱: Nyehãa mei le̱ atráa ši. Ši dſe̱i pī ye̱ dše̱i. Ke̱ke̱ ni hĩĩ, ní ame̱yibo̱ aaše̱ akpei-enumo̱ le̱, ho trá ši.

¹¹ Ni Iesu kŏ̱lo̱ aboloi le̱, ni beni eda ši le̱, edša ehã kaselo̱i le̱, ni ekaselo̱i le̱ hũ ke̱-yahã mei ní trá ši le̱, ke̱ lōi le̱ hũ eko, bo̱fẽbo̱ ní ame̱taoo̱.

¹² Ši beni ame̱tō̱ro̱ le̱, ekē̱ ekaselo̱i le̱ ake̱: Nyebuaã fufudši ní eſe̱ le̱ anā, koni noko akalādše.

¹³ Ke̱ke̱ ni ame̱bua barle-aboloi enumo̱ le̱ afufudši ní ſe̱ hã mei ní ye le̱ anā, ame̱wo kafũi nyoṅma ke̱ enyo̱ obõbõ.

¹⁴ Nohewo̱ le̱, beni gbomei le̱ na okadi ni Iesu fe le̱, ame̱kē̱: Ano̱kwa, mone̱ dši *gbalo̱ le̱ ní baä dše le̱ṅ le̱. *5 Mose 18.15.

¹⁵ Agbe̱ne̱, beni Iesu yo ake̱ ame̱baba ni ame̱bamõle̱ ní ame̱yawole̱ maṅtše̱ le̱, ekometō egbla ehe ši ke̱-te goṅ le̱ no̱ ekoṅ. 18,36.

¹⁶ Ni beni še̱ gbe̱ke̱nāši le̱, ekaselo̱i le̱ yiṅ ke̱-te ṅšo̱ le̱ nā;

¹⁷ ni ame̱yabote le̱le̱ mli, ni ame̱mīfo ṅšo̱ le̱ ke̱-ya Kapernaum. Ši duṅ éwo fẽ le̱, Iesu bako ame̱ṅõ;

¹⁸ ni ahum ko ní batſa hewo̱ le̱ ṅšo̱ le̱ fite.

¹⁹ Ni heni amé̱w̌iri aafe stadioi nyoṅmai-enyo̱ ke̱ enumo̱ lo nyoṅmai-etẽ le̱, ame̱na Iesu nyie ṅšo̱ le̱ hĩe ni ēbe̱ṅke̱ le̱le̱ le̱, ni ame̱še gbeyei.

²⁰ Ši ekē̱ame̱ ake̱: Miṅ, nyekašea gbeyei.

²¹ Nohewo̱ le̱ ame̱sumo̱ ake̱ ame̱ṅõle̱ ke̱-ba le̱le̱ le̱ mli, ni amrõ le̱ le̱le̱ le̱ yakpleke he ní ame̱yaä le̱.

²² Dšetše̱reno̱ le̱, asafo ní damo̱ ṅšo̱ le̱ se̱ le̱ na ake̱ le̱le̱ ko be̱ dše̱i doṅṅ, ni Iesu ke̱ ekaselo̱i le̱ éyaa le̱le̱ le̱ mli, ši moṅ ekaselo̱i le̱ ke̱ke̱ yiṅ te;

²³ tše̱bele̱ le̱dši krokomei dše̱ Tiberia ba heni Nuṅtšo̱ le̱ *da ši ní ame̱ye abolo le̱ ye̱ le̱ mase̱i; *K. 28.

²⁴ nohewo̱ le̱, beni asafo le̱ na ake̱ Iesu lo ekaselo̱i le̱ be̱ dše̱i le̱, ame̱ hũ ame̱bote le̱dši amli, ni ame̱ba Kapernaum ame̱mītao Iesu.

²⁵ Ni heni ame̱banale̱ ye̱ ṅšo̱ le̱ se̱ le̱, ame̱kē̱le̱ ake̱: Rabi, té be ni oba bie̱ṅ?

²⁶ Iesu hereame̱ no̱ ekē̱: Le̱le̱ṅ, le̱le̱ṅ, mīkē̱nye ake̱: Dšee okadii le̱ ni nyena le̱ hewo̱ nyetaoo̱mi ne̱, ši moṅ ake̱-ní nyeye abolo le̱ eko ni nyetŏ̱ro̱ le̱ hewo̱ṅ.

²⁷ Nyekatšua ṅmā̃ ní fite̱o̱ le̱ he nii, ši moṅ ṅmā̃ ní hĩo̱ ši *ke̱-yaä nāno̱ wala mli ní gbomobi le̱ aahãnye le̱ he nii, edšake̱ le̱ †enā Tše Nyoṅmo̱ le̱ eso̱o. *4,14. †5,36.

²⁸ Ke̱ke̱ le̱ ame̱kē̱le̱ ake̱: Té wó̱fe tẽṅ ni wó̱tšu Nyoṅmo̱ nitšumo̱i le̱ṅ?

²⁹ Iesu here no̱ ekē̱ame̱ ake̱: Nyoṅmo̱ nitšumo̱ le̱ ne̱, ake̱ nyehe moni etšũle̱ le̱ no̱ nyeye. 1 Ioh. 3,28.

³⁰ Nohewo̱ le̱ ame̱kē̱le̱ ake̱: Bĕle̱ mẽ okadi ofeo̱, ni wó̱na koni wó̱heo wo̱ye? Meni otšuo̱? 2,18.

³¹ Wo̱tše̱mei le̱ ye mánu le̱ ye̱ ṅã le̱ no̱, take̱ bo̱ni aṅmã ake̱: “Ehãame̱ abolo ke̱-dše̱ ṅwei ame̱ye” le̱. 2 Mose 16,13. 14. Lal. 73,24.

³² Ke̱ke̱ le̱ Iesu kē̱ame̱ ake̱: Le̱le̱ṅ, le̱le̱ṅ, mīkē̱nye ake̱: Dšee *Mose dši moni hãnye abolo le̱ ke̱-dše̱ ṅwei le̱, ši mitše̱ moṅ hãanye ano̱kwa abolo ní dše̱o̱ ṅwei le̱. *K. 49.

³³ Edšake̱ Nyoṅmo̱ abolo le̱ dši moni dše̱o̱ ṅwei ekplekeo̱ ši ni eṅõo̱ wala ehãa dše le̱.

³⁴ Agbe̱ne̱ ame̱kē̱le̱ ake̱: Nuṅtšo̱, hãwo̱ abolo ne̱ dā.

³⁵ Ši Iesu kē̱ame̱ ake̱: Midši wala abolo le̱; moni baä miṅõ le̱, hõmo̱ yeṅle̱ gbĩkogbĩko, ni moni heo̱ mino̱ eyeo̱ le̱, kũmai hũ yeṅle̱ gbĩkogbĩko. K. 48; 4,14; 7.37.

³⁶ Ši *mikē̱nye ake̱ nyénami, ni kẽle̱ nyehee nyeyee. *K. 26.29.

³⁷ Mei fẽ ní tše̱ le̱ ṅõ-hãami le̱ aaba miṅõ, ni moni baä miṅõ le̱, *miſieṅle̱ ko̱kō̱ko̱. *17,6-8. Mat. 11,28.

³⁸ Edšake̱ dšee midĩentše̱ misuomo̱nānii femo̱ hewo̱ midše̱ ṅwei miba, ši moṅ moni tšũmi le̱ suomo̱nānii femo̱. 4,34.

³⁹ Ši ene̱ dši tše̱ ní tšũmi le̱ suomo̱nānii le̱, ake̱ mei fẽ ní éṅõ-hãmi le̱, mikahã ame̱teṅ moko mīlādše, ši moṅ mitẽle̱ ši ekoṅ ye̱ nāgbēgbĩ le̱ no̱. 10,28. 29; 17,12.

⁴⁰ Edšake̱ ene̱ dši mitše̱ suomo̱nānii le̱, ake̱ mofẽmo ní kwe̱o̱ bi le̱ ni eheo̱ eno̱ eyeo̱ le̱ aná nāno̱ wala, ni mi le̱ *mitēle̱ ši ekoṅ ye̱ nāgbēgbĩ le̱ no. *5,29; 11.24.

⁴¹ Ke̱ke̱ ni Iudafoi le̱ wie ehe hũhũhũ, ake̱ ekē̱ ake̱: Midši abolo nĩ dše̱ ṅwei le̱;

⁴² ni ame̱kē̱: Ani dšee Iosef bi Iesu le̱ ní wo̱le etše̱ ke̱ enye le̱ ne̱? Té tēṅ mo̱ ní ekē̱o̱ ake̱: Midše̱ ṅwei le̱? Luk. 4,22.

⁴³ Nohewo̱ le̱ Iesu here no̱ ni ekē̱ame̱ ake̱: Nyekawiewiea hũhū̃hũ ye̱ nyeteṅ.

⁴⁴ *Moko nyẽṅ aha miṅõ, ake̱ dša tše̱ le̱ ní tšũmi le̱ gblale̱ dã, ni mi le̱ matēle̱ ši ye̱ nāgbēgbĩ le̱ no̱. *K, 65.

⁴⁵ Aṅmā ye̱ *gbalo̱i le̱ amli ake̱: “Ame̱fẽ ame̱afe Nyoṅmo̱ kaselo̱i.” Mofẽmo ni enu ye̱ tše̱ le̱ nā ni ekase hũ le̱, ebaã miṅõ. *Ies. 54,13. Ier. 31,33. 34.

⁴⁶ Dšee ake̱ moko éna tše̱ le̱ pẽṅ, dša moni dše̱ Nyoṅmo̱ ṅō le̱, le̱ ēna tše̱ le̱. 1,18.

⁴⁷ Le̱le̱ṅ, le̱le̱ṅ, mīkē̱nye ake: Moni heo̱ míno̱ yeo̱ le̱ eye̱ nāno̱ wala. 3,16.

⁴⁸ Midši wala abolo le̱. K. 35.

⁴⁹ Nyetše̱mei le̱ ye mána ye̱ ṅã le̱ no̱ ni ame̱gboi. K. 31. 32. 1 Kor. 10,3. 5.

⁵⁰ Ene̱ dši abolo ní dše̱o̱ ṅwei baã le̱, koni gbomo aye ní ekagbo.

⁵¹ Midsi abolo ní hĩe kã ní dše̱ ṅwei ba le̱; ke̱dši moko ye abolo ne̱ eko le̱, ehĩe aakã ke̱-ate nāno̱. Ši abolo ní mĩke̱-bahã le̱, dši mihelo ni mike̱-bahã *ye̱ dše le̱ wala hewo le̱. *Heb. 10,5. 10.

⁵² Nohewo̱ le̱ Iudafoi le̱ tātā nā ye̱ ame̱teṅ ame̱kē̱: Té mone̱ bafe tēṅ ní enyẽ eṅõ ehelo ehãwo̱ ní wo̱yeṅ?

⁵³ Ke̱ke̱ ni Iesu kē̱ame̱ ake̱: Le̱le̱ṅ, le̱le̱ṅ, mīkē̱nye ake̱: Ke̱dši nyeyee gbomobi le̱ helo ni nyenuu elá le̱, nyebe̱ wala ye̱ nyemli.

⁵⁴ Moni yeo̱ mihelo ni enuo̱ mila le̱, eye̱ nãno̱ wala, ni mi le̱ matēle̱ ši ye̱ nāgbēgbĩ le̱ no̱.

⁵⁵ Edšake̱ mihelo le̱ ano̱kwa ṅmā̃ ni, ni milá le̱ ano̱kwa numo̱nõ ni.

⁵⁶ Moni yeo̱ mihelo ni enuo̱ milá le̱, *ehĩo̱ mimli, ni mi hũ mihĩo̱ emli. *16,4. 1 Ioh. 3,24.

⁵⁷ Bo̱ni tše̱, hĩekālo̱ le̱, tšũmi, ni tše̱ le̱ hewo̱ mihĩe kā le̱, nakai noṅṅ moni yeo̱mi le̱ hũ hĩe aakã ye̱ mihewo̱.

⁵⁸ Abolo ní dše̱ ṅwei ba ne̱, tamo̱o̱ mána ní nyetše̱mei le̱ ye ni ame̱gboi le̱; moni yeo̱ abolo ne̱, ehĩe aakã ke̱-ate nāno̱.

⁵⁹ Ewie nii ne̱, beni etšōo̱ nii ye̱ kpēhe ko ye̱ Kapernaum le̱.

⁶⁰ Nohewo̱ le̱, beni ekaselo̱i le̱ ateṅ mei pī nu ene̱ le̱, ame̱kē̱: Wiemo̱ ni wa ne̱; namo aanyẽ toi abo?

⁶¹ Ši beni Iesu yo ake̱ ekaselo̱i le̱ mīhũhū̃ ye̱ ene̱ hewo̱ le̱, ekē̱ame̱ ake̱: Ani ene̱ tōtõo̱ nyenane ne̱?

⁶² Ši ke̱dši nyena gbomobi le̱ miya ṅwei heni eyo̱ sá le̱, no hũ? 3,13.

⁶³ Mumo̱ le̱ dši moni hāa wala le̱; helo le̱ ehe be̱ se̱námo̱ ko. Wiemoi ní miwienye le̱, mumo̱ ni, ni wala ni. 2 Kor. 3,6.

⁶⁴ Ši nyeteṅ meikomei ye̱ ni hee yee. Edšake̱ Iesu le ke̱-dše̱ šišidšē le̱ mei ní hee yee le̱ ke̱ *mo hũ ní batšõ ese̱gbe̱ le̱. *13,11.

⁶⁵ Ni ekē̱: Ene̱hewo̱ mikē̱nye ake̱: Moko nyẽṅ miṅõ aba, dša tše̱ le̱ éhãle̱ hegbe̱ le̱. K. 44.

⁶⁶ Dše̱ no no̱ le̱ ekaselo̱i le̱ ateṅ mei pī kũ ame̱se̱ ni ame̱ke̱le̱ enyiee doṅṅ.

⁶⁷ Ke̱ke̱ ni Iesu kē̱ mei nyoṅma ke̱ enyo̱ lo̱ ake̱: Ani nye hũ nyemīsumo̱ ake̱ nyeate?

⁶⁸ Simon Petro herele̱ no̱ ake̱: Nuṅtšo̱, namo ṅõ wo̱o̱te? Bo oyo̱ *nāno̱ wala wiemoi le̱; *K. 63.

⁶⁹ ni wo̱ le̱ wó̱he wó̱ye ni asaṅ wo̱ná wo̱le ake̱ *bo dši Kristo, Nyoṅmo hĩekãlo̱ le bi le̱! *1,49; 11,27. Mat 16,16.

⁷⁰ Iesu hereame̱ no̱ ake̱: Ani dšee nyeyi nyoṅma ke̱ enyo̱ mihala? ši nyeteṅ mokome le̱ abonsam ni.

⁷¹ Ši Iuda Iskariot, Simon bi le̱, he ewieo le̱; edšake̱ le̱ dši mei nyoṅma ke̱ enyo̱ le̱ ateṅ mokome ní batšõ ese̱gbe̱ le̱.