Yohane 17 - Ṅmãle̱ Kroṅkroṅ Le̱

¹ Nii ne̱ Iesu wie, ni ehole ehĩṅme̱ii ano̱ ke̱-te ṅwei, ni ekē̱: Atā, ṅmle̱tſā le̱ éše̱: wo obi le̱ hĩe nyam, koni obi le̱ hũ awo ohĩe nyam;

² take̱ bo̱ni ohãle̱ *hegbe̱ ye̱ helo fẽ no̱, koni mei fẽ ní oṅō-hãle̱ le̱, ehã-ame̱ nāno̱ wala le̱. *Mat. 11,27.

³ Ši ene̱ dši nāno̱ wala le̱, ake̱ ame̱le ho, *ano̱kwa Nyoṅmo̱ kome le̱, ke̱ Iesu Kristo, moni otšũ le̱. *1 Ioh. 5,20.

⁴ Mi le̱ miwo ohĩe nyam ye̱ šikpoṅ le̱ no̱, ake̱-ní nitšumo̱ le̱ ní oṅõ-hãmi tšumo̱ le̱, migbe nā le̱.

⁵ Ni agbe̱ne̱, Atā, ṅõ anumnyam ní miyo̱ ye̱ oṅõ dãni dše le̱ yo̱ le̱ owo mihĩe nyam. K. 24; 1,1. Fil. 2,3.

⁶ Midšie ogbe̱i le̱ aši mitšõ gbomei ni oṅõame̱ ke̱-dše̱ dše le̱ṅ *ohãmi le̱. Onii dšiame̱, ni oṅõame̱ ohãmi, ni ame̱ye owiemo̱ le̱ no̱. *K. 9.

⁷ Agbe̱ne̱ ame̱le ake̱, nii flã ní oṅõ-hãmi le̱, oṅõ edše̱,

⁸ edšake̱ wiemo̱i le̱ ní oṅõ-hãmi le̱, mĩṅō-hãame̱; ni amé̱hē, ni *ame̱ná ame̱le kre̱dē̱ ake̱ oṅõ midše̱, ni ame̱he ame̱ye ake̱ bo otšũmi. *16,30.

⁹ Mi le̱, ame̱ mibio̱ mahã; dšee dše le̱ mibio̱ mahã, ši moṅ mei ni *oṅõ-hãmi le̱, edšake̱ onii dšiame̱; *6,37. 44.

¹⁰ ni minii fẽ le̱ onōṅ, ni *onõ hũ le minõṅ, ni mihĩe éba nyam ye̱ ame̱mli. *16,15.

¹¹ Ni mibe̱ dše le̱ mli doṅṅ, ši mene̱mei ye̱ dše le̱ mli, ni mi le̱ miba oṅõ. Atā kroṅkroṅ, mei ní oṅõ-hãmi ne̱, toame̱ ye̱ ogbe̱i le̱ amli, beni afe ní ame̱fe ekome *tamo̱wo̱. *10,30.

¹² Beni mike̱ame̱ yo̱ dše le̱ mli le̱, mitoame̱ ye̱ ogbe̱i le̱ amli; mei ní oṅõ-hãmi le̱, mibu ame̱he, ni ame̱teṅ *mokomoko elãdšeko, dša lãdšemo̱ bi le̱, koni noni †aṅmã le̱ aba mli. *6,39. †Lal. 41,10; 109,8.

¹³ Ši agbe̱ne̱ le̱, mība oṅõ, ni mīwie nii ne̱ ye̱ dše le̱ mlĩ, koni ame̱ná mimīše̱ le̱ ní eye mū ye̱ ame̱mli. 15,11.

¹⁴ Miṅõ owiemo̱ le̱ mihãame̱, ni dše le̱ mīnye̱ame̱, edšake̱ ame̱dše̱e̱ dše le̱ mli, take̱ bo̱ni mi hũ midše̱e̱ dše le̱ mli le̱. 15,19.

¹⁵ Mibii ake̱ odšieame̱ ke̱-dše̱ dše le̱ mli, ši moṅ ake̱ *obu ame̱he ye̱ efõṅ le̱ mli. *2 Tes. 3,3.

¹⁶ Ame̱dše̱e̱ dše le̱ mli, take̱ bo̱ni mi hũ midše̱e̱ dše le̱ mli le̱.

¹⁷ Femo̱ame̱ kroṅkroṅ ye̱ ono̱kwale le̱ mli; owiemo̱ le̱ ano̱kwaleṅ. 6,63.

¹⁸ Take̱ bo̱ni otšũmi dše le̱ mli le̱, nakai noṅṅ mi hũ mitšũo̱ame̱ dše le mli. 20,21.

¹⁹ Ni ame̱hewo̱ midientše̱ mifeo̱ mihe kroṅkroṅ le̱, koni ame̱ hũ afeame̱ kroṅkroṅ ye̱ ano̱kwale mli. Heb. 10,10.

²⁰ Ši dšee mene̱mei ahewo̱ ke̱ke̱ mibio̱ le̱, ši mei ní bahe mino̱ aye ye̱ ame̱wiemo̱ nā le̱ hũ ahewo̱ṅ;

²¹ koni ame̱fẽ *amefe ekome, take̱ bo̱ni bo, Atā, oyo̱ mimli ni mi hũ miyo̱ omli le̱, koni ame̱ hũ ame̱fe ekome ye̱ wo̱mli, koni dše le̱ ahe aye ake bo otšũmi. *Gal. 3,28.

²² Ni anumnyam ní oṅõ-hãmì le̱, miṅõ-hãame̱, koni *ame̱fe ekome, take̱ bo̱ni wo̱ hũ wo̱yo̱ ekome le̱; *Bo̱f. 4,32.

²³ miye̱ *ame̱mli, ni bo hũ oye̱ mimli, koni ame̱fe ekome ke̱-wula ši, ni dše le̱ ale ake̱ bo otšũmi ni osumoo̱ame̱ tamo̱ bo̱ni osumoo̱mi le̱. *1 Kor. 6,17.

²⁴ Atā, mei ní oṅõ-hãmi le̱, mīsumo̱ ake̱ *heni miyo̱ le̱ ame̱ hũ ame̱ke̱mi abahĩ dše̱i, koni ame̱na minumnyam ní oṅõ-hãmi le̱, edšake̱ ōsumo̱mi dãni ato dše le̱ šiši. *12,26.

²⁵ Atā dšalo̱, dše le̱ leeo, ši mi le̱ mileo, ni mene̱mei le ake̱ bo otšũmi;

²⁶ ni midšie ogbe̱i le̱ kpo mitšõame̱, ni masa madšĩele̱ kpo matšõ, koni suomo̱ ni oke̱-sumo̱mi le̱ ahĩ ame̱mli, ni mi hũ mahĩ ame̱mli.