Yohane 13 - Ṅmãle̱ Kroṅkroṅ Le̱

¹ Ši dãni Hehō gbĩdšŭrõ le̱ aaše̱ le̱, ake̱-ní Iesu le ake̱ eṅmle̱tſā ní eke̱-badše dše ne̱ mli ke̱-ya tše̱ le̱ ṅõ le̱ eše̱ hewo̱ le̱, bo̱ni esumoo̱ emei ni yo̱ dše le̱ṅ le̱, nakai esumo̱ame̱ ke̱-wula ši.

² Ni beni ame̱yeo̱ nii le̱, — bĕle̱ *abonsam éṅõ-wo Iuda Iskariot, Simon bi le̱, tšui mli momo, ake̱ etšõ ese̱gbe̱, — *Luk. 22,3.

³ ni Iesu le ake̱ *tše̱ le̱ étu nii fẽ éwo edeṅ, ni ake̱ †Nyoṅmo̱ ṅõ edše̱ ni esa ēya Nyoṅmo̱ ṅõ le̱: *3,35; †16,28.

⁴ ete ši ye̱ niyenii le̱ aši, ni edšie etadei le̱ eſie ši, ni eko̱ papaṅ ni eṅõ-ṅmõ ehe.

⁵ No se̱ le̱ efo̱se nu ewo kulo mli, ni ebõi ekaselo̱i le̱ anãdši ahe fo̱mo̱, ni eke̱ papaṅ ní ṅmõ ehe̱ le̱ tšumoo̱.

⁶ Beni eše̱ Simon Petro no̱ lo̱, no kē̱le̱ ake̱: Nuṅtšo̱, bo ofo̱ö̱mi minādši ahe ne̱?

⁷ Iesu here no̱ ekē̱le̱ ake̱: Noni mifeo̱ ne̱, amrõamrõ ne̱ olee, ši ké̱ fe se̱ le̱ obale.

⁸ Petro kē̱le̱ ake̱: Kāfo̱ minādši ahe ko̱kō̱ko̱. Iesu herele̱ uo̱ ake̱: Ke̱dši mifo̱o̱ ohe le̱, obe̱ gbe̱fãṅnõ ko ye̱ miṅõ.

⁹ Simon Petro kē̱le̱ ake̱: Nuṅtšo̱, dšee minãdši ahe ke̱ke̱, ši moṅ minidši ke̱ miyitšo hũ.

¹⁰ Iesu kē̱le̱ ake̱: Moni adšu ehe le̱, ehĩaale̱ hefo̱flo̱mo̱, dša enãdši ahe ke̱ke̱, ši ehe edše ke̱-mõ ši; ni nye le̱ nyehe *edše moṅ, ši dšee nyefẽ ni. *15,3.

¹¹ Edšake̱ ele moni batšõ ese̱gbe̱ le̱; nohewo̱ ni ekē̱ ako̱: Dšee nyefẽ nyehe edše le̱. 6,64. 70. 71.

¹² Agbe̱ne̱, beni efo̱ ame̱nãdši ahe ni ekō̱lo̱ etadei le̱ ni eho etá ši ekoṅ le̱, ekē̱: Nyele noni mifenye ne̱ lo?

¹³ Nye le̱ nyetšé̱o̱mi tšõlo̱ ke̱ Nuṅtšo̱; ni nyetõõ nā, edšake̱ nakai dšimi. Mat. 23,8. 10.

¹⁴ Agbe̱ne̱, ke̱dši mi, tšõlo̱ ke̱ Nuṅtšo̱ le̱, mifo nyenãdši ahe le̱, esa ake̱ nye hũ nyefo̱fo̱ö̱ nyenanemei anãdši ahe. Luk. 22.27.

¹⁵ Ši okadi mito mihãnye, koni bo̱ni mifenye ne̱, nye hũ nyefe nakai. Fil. 2,5. Kol. 3,18.

¹⁶ Le̱le̱ṅ, le̱le̱ṅ, mīkē̱nye ake̱: Nyṍṅ efèè enuṅtšo̱, ni asaṅ bo̱fo efèè moni tšũle̱ le̱. Mat. 10,24.

¹⁷ Ke̱dši nyele nii ne̱ ní nyeye no̱ le̱, adšō̱nye. Mat. 7,24.

¹⁸ Dšee nyefẽ nyehe miwieo̱; mi le̱ mile mei ni mihala; ši moṅ beni afe ni *noni aṅmã le̱ aba mli ake̱: “Moni ke̱mi yeo̱ abolo le̱, áwó enanetšitši no ẽšími.” *Lal. 41,10.

¹⁹ Agbe̱ne̱ mīkē̱nye mato dãni aba mli, koni ké̱ eba mli le̱ nyehé nyeye ake̱ mi ni.

²⁰ Le̱le̱ṅ, le̱le̱ṅ, mīkē̱nye ake̱: Moni hereo̱ moni mitšũo̱ le̱, mi noṅṅ ehereo̱ le̱; šĩ moni hereo̱mi le̱, ehereo̱ moni tšũmi le̱ hũ. Mat. 10,40.

²¹ Beni ekē̱ nii ne̱ le̱, *ehao ye̱ mumo̱ mli, ni eye odase ekē̱: Le̱le̱ṅ, le̱le̱ṅ, mīkē̱nye ake̱: Nyeteṅ mokome batšõ mise̱gbe̱. *12,27.

²² Ke̱ke̱ le̱ kaselo̱i le̱ kwe̱kwē̱ ame̱hĩeiaṅ, ni ame̱naa mokōme he ní ewieo̱ le̱.

²³ Ši kaselo̱i le̱ ateṅ *mokome ní Iesu sumoo̱ le̱ kpasa Iesu tšitši. *19,26; 20,2; 21,20.

²⁴ Nohewo̱ le̱ Simon Petro be̱le̱ hĩṅme̱i ake̱ ébile̱ mo he ní ewieo̱ le̱.

²⁵ Ši le̱ le̱ eho egbē Iesu tšitši no̱ ni ebile̱ ake̱: Nuntše̱, namo ni?

²⁶ Iesu here no̱ ake̱: Le̱ dši moni mike̱ atrõma le̱ batšo̱ mli mahãle̱ le̱. Ni eke̱ atrõma le̱ tšo̱ mli ni eṅõ-hã Iuda Iskariot, Simon bi le̱.

²⁷ Ni atrõma le̱ se̱ pe̱ ni *satan bote emli. Agbe̱ne̱ Iesu kē̱le̱ ake̱: Noni ofeo̱ le̱, femo̱ mrãmrã! *K. 2.

²⁸ Ši mei ní trá okplõ le̱ be le̱ ateṅ mokomoko lee nõhewo̱ ní ekē̱le̱ nakai le̱.

²⁹ Edšake̱ ame̱teṅ meikomei susu, ake̱-ní Iuda *too̱ fotro le̱, nohewo̱ ní Iesu kē̱le̱ ake̱: Yahe nii ní he hĩaãwo̱ oto gbìdšŭrõ le̱, alo ake̱ eṅõ noko ehã ohĩafoi. *12,6.

³⁰ Ke̱ke̱ le̱, beni ehé atrõma le̱ noṅṅ le̱, edše kpo. Ši dše éna.

³¹ Ši beni edše kpo le̱, Iesu kē̱: Agbe̱ne̱ áwo gbomobi le̱ hĩe nyam, ni áwo Nyoṅmo̱ hĩe nyam ye̱ emli.

³² Ke̱dši áwo Nyoṅmo̱ hĩe nyam ye̱ emli le̱, *Nyoṅmo̱ hũ aawo ehĩe nyam ye̱ le̱dientše̱ emli, ni eewo ehĩe nyam oyá. *12,23; 17,1-5.

³³ Bii bibii, be fiō ke̱ke̱ eſe̱ ni mike̱nye bahĩ ši; nyeataomi, ni bo̱ni mĩkē̱ *Iudafoi le̱ ake̱: Heni miyaä le̱, nye le̱ nyenyẽṅ dše̱i nyeba le̱, nakai mikē̱onye hũ agbe̱ne ne. *8,21.

³⁴ Kitã hē miṅõ-hãanye, ake̱ nyesumo̱ nyehe; take̱ bo̱ni misumo̱nye le̱, nakai nye hũ nye-sumo̱a nyehe. 15,12. 13. 17.

³⁵ Ke̱dši nyesumoo̱ nyehe le̱, no mei fẽ ke̱-ale ake̱ mikaselo̱i dšinye.

³⁶ Simon Petro kē̱le̱ ake̱: Nuṅtšo̱, nẽgbe̱ oyaã? Iesu herele̱ no̱ ekē̱: Heni *miyaã le̱, onyẽṅ mise̱ onyie amrõ ne̱, ši oonyie mise̱ †wó̱se̱ ko. *7,34; †21,18. 19.

³⁷ Petro kē̱le̱ ake̱: Nuntše̱, mẽhewo̱ minyẽṅ ose̱ manyie amrõ ne̱? Miwala tete maṅõ-ṅmẽ ši ye̱ ohewo̱.

³⁸ Iesu herele̱ no̱ ake̱: Ooṅõ owala oṅmẽ ši ye̱ mihewo? Le̱le̱ṅ, le̱le̱ṅ, mīkē̱o ake̱: Wuo̱ náṅ agbe̱ ni ookpá ye̱ mise̱ šii etẽ.