Yohane 11 - Ṅmãle̱ Kroṅkroṅ Le̱

¹ Ši nū ko ní atšé̱o̱le̱ Lazaro, ni dše̱ Betania, *Maria ke̱ enyemi Marta mei akrowa le̱, he mīye. *Luk. 10,38. 39.

² (Ši Maria le̱ ní ṅõ mũ-ke̱-ṅma ekpá Nuṅtšo̱ le̱ ni eke̱ eyitšo̱i tšumo̱ enãdši ahe le̱ noṅṅ enyemi Lazaro he yeo ne̱.) 12,3.

³ Nohewo̱ le̱ enyemimeiyei le̱ tšũ aba eṅõ abakē̱ ake̱: Nuṅtšo̱, na, moni osumoo̱le̱ he mīye.

⁴ Ši beni Iesu nu ene̱ le̱, ekē̱: Ne̱ke̱ hela ne̱ dšee gbĕle hela ni, ši moṅ *Nyoṅmo̱ anumnyam le̱ hewo̱ ni, heni afe ni awo Nyoṅmo̱ bi le̱ hĩe nyam. *9,3.

⁵ Ši Iesu sumoo̱ Marta ke̱ enyemiyō le̱ ke̱ Lazaro fẽ.

⁶ Ši beni ena ake̱ ehe mīye le̱, no se̱ le̱ ehĩ ši ye̱ heni eyo̱ le̱ noṅṅ gbĩĩ enyo̱.

⁷ Ni no se̱ le̱ ekē̱ ekaselo̱i le̱ ake̱: Nyehăa wo̱yaä Iudea ekoṅ.

⁸ Kaselo̱i le̱ kē̱le̱ ake̱: Rabi, *eyeko gbĩko ni Iudafoi le̱ tao bo te̱i atſia le̱, ni ōya dše̱i ekoṅ lo? *8,59; 10,31.

⁹ Iesu here no̱ ake̱: Ani dšee ṅmle̱tſāi nyoṅma ke̱ enyo̱ yo̱ dšenamo̱ mli? Ke̱dši mo nyie ſane le̱, ete̱e̱, edšake̱ enaä dše ne̱ mli la le̱. 9,4. 5.

¹⁰ Ši ke̱dši mo nyie nyōṅ le̱, no ete̱o̱, edšake̱ la be̱ emli. 12,35.

¹¹ Ewie nii ne̱, ni no se̱ le̱ ekē̱ame̱ ake̱: Wo̱šientše̱ Lazaro *ewo̱; ši mīya ni mayatšĩele̱ ye̱ wo̱ le̱ mli. *Mat. 9,24.

¹² Ke̱ke̱ ni ekaselo̱i le̱ kē̱: Nuṅtšo̱, ké̱ wo̱ ewo̱ le̱, no le̱ ehe bawale̱ mo̱.

¹³ Ši egbĕle he Iesu wie le̱; ši ame̱ le̱ ame̱susu ake̱ wo̱ kpakpa hewo̱ ewie.

¹⁴ Agbe̱ne̱ Iesu kē̱ame̱ ſaṅṅ ake̱: Lazaro égbo;

¹⁵ ni nyehewo̱ le̱ eṅõ minā ake̱ mibe̱ dše̱i le̱, beni afe ní nyehe nyeye; ši nyehãa wo̱yaä eṅõ.

¹⁶ Ke̱ke̱ le̱ Toma, moni atšé̱o̱le̱ Didimo le̱, kē̱ enanemei kaselo̱i le̱ ake̱: Nyehãa wo̱ hũ wo̱yaä, ní wo̱ke̱le̱ ayagbo.

¹⁷ Agbe̱ne̱, beni Iesu še̱ dše̱i le̱, ebana ake̱ eye gbĩĩ edſe̱ momo ye̱ bu leṅ.

¹⁸ Ši Betania ke̱ Ierusalem teṅ dšeke̱mo̱ aafe stadioi nyoṅma ke̱ enumo̱.

¹⁹ Ni Iudafoi le̱ ateṅ mei pī éba Marta ke̱ Maria mei aṅõ, koni ame̱bayeame̱ ṅko̱mo̱ ye̱ ame̱nyeminū le̱ gbĕle le̱ hewo̱.

²⁰ Ke̱ke̱ le̱, beni Marta nu ake̱ Iesu mība le̱, ete ni eyakpele̱; ši Maria le̱, le̱ le̱ etá šĩa le̱.

²¹ Agbe̱ne̱ Marta bakē̱ Iesu ake̱: Nuṅtšo̱, edši oye̱ bie̱ kũle̱, minyemi le̱ náá agbo.

²² Ši agbe̱ne̱ hũ tete po mile ake̱, nofẽno ní oobi Nyoṅmo̱ le̱, Nyoṅmo̱ aahão.

²³ Iesu kē̱le̱ ake̱: Onyeminū le̱ bate ši.

²⁴ Marta kē̱le̱ ake̱: Mile ake̱ *ebate ši ye̱ ghohĩĩašitē le̱ mli ye nāgbēgbĩ le̱ no̱. *5,29; 6,40. Luk. 14.14.

²⁵ Iesu kē̱le̱ ake̱: Mi le̱ midši šitē le̱ ke̱ wala le̱; moni heo̱ mino̱ eyeo̱ le̱, ke̱dši egbo tete le̱, ehĩe aakã;

²⁶ ni mofẽmo ní hĩe kã ní eheo̱ mino̱ eyeo̱ le̱, egboṅ gbĩkogbĩko ke̱-ate nāno̱. Oheo̱ ene̱ oyeo̱ lo? 8,51.

²⁷ Ekē̱le̱ ake̱: Hē̃, Nuṅtšo̱; mīhe mīye ake̱ bo dši Kristo, Nyoṅmo̱ bi le̱ ní baä dše le̱ mli le̱. 6,69.

²⁸ Ni beni ekē̱ ne̱ke̱ le̱, eyiṅ ete, ni eyatšé̱ enyemi Maria le̱ nĩgĩ, ekē̱: Nuṅtšo̱ le̱ éba, ni ētšé̱o.

²⁹ Le̱ le̱, beni enu le̱, ete ši oyá ni eba eṅõ.

³⁰ Ši Iesu náko áše̱ akrowa le̱, ši eye hégbe̱ *ní Marta ke̱le̱ kpe ye le̱ lolo. *K. 20.

³¹ Ke̱ke̱ le̱, beni Iudafoi le̱ ni ke̱le̱ yo̱ šīa le̱ ni ame̱yeo̱le̱ ṅko̱mo̱ le̱ na ake̱ Maria eša ehe ke̱-dše kpo le̱, ame̱tiule̱, amesusu ake̱, bene̱ ēya fū̃he le̱ eyafó ye̱ dše̱i.

³² Agbe̱ne̱, beni Maria ba heni Iesu yo̱ le̱ ni enale̱ le̱, eho egbē enãdši anā, ni ekē̱le̱ ake̱: Nuṅtšo̱, edši oye̱ bie̱ kũle̱, minyemi le̱ náá agbo.

³³ Agbe̱ne̱, beni Iesu nale̱ ake̱ ēfó, ke̱ Iudafoi le̱ hũ ní ke̱le̱ ba le̱, ake̱ ame̱ hũ ame̱mīfó le̱, ehũṅ ye̱ emumo̱ mli ni *ekpokpo; *13,21.

³⁴ ni ekē̱: Nẽgbe̱ nyetole̱ ye̱? Ame̱kē̱le̱ ake̱: Nuṅtšo̱, ba ní obakwe̱.

³⁵ Ni Iesu fó. Luk. 19,41.

³⁶ Ke̱ke̱ le̱ Iudafoi le̱ kē̱: Kwe̱, bo̱ni edo̱ö̱ ehe!

³⁷ Ši ame̱teṅ meikomei kē̱: Nū ne̱ ní gble ſilafo le̱ hĩṅme̱ii le̱, aso enyẽṅ efe ní kũle̱ nū ne̱ akagbo?

³⁸ Ke̱ke̱ ni Iesu sā hũṅ ye̱ emli ekoṅ, ni ete fū̃he le̱; ši te̱-kplo ni, ni *te̱ bu nā. *Mat. 27,60.

³⁹ Iesu kē̱: Nyedšiea te̱ le̱. Marta, moni egbo le̱ nyemiyō le̱, kē̱le̱ ake̱: Nuṅtšo̱, be ne̱ mli le̱ eša, edšake̱ éye gbĩĩ edſe̱.

⁴⁰ Iesu kē̱le̱ ake̱: Ani mikē̱ē̱o ake̱: Ke̱dši ohe oye le̱, oona *Nyoṅmo̱ anumnyam le̱? *K. 4. 23. 25. 26.

⁴¹ Ke̱ke̱ ni ame̱dšie te̱ le̱ ye̱ heni gbonyo le̱ kã le̱. Ni Iesu hole ehĩṅme̱ii ano̱ ke̱-te ṅwei ni ekē̱: Atā, mīdao ši ake̱ obomi toi le̱.

⁴² Ši mi le̱, mile ake̱ dā oboo̱mi toi; ši *asafo le̱ ní damo̱ ši le̱ hewo̱ mikē̱o̱, koni amehe ame̱ye ake̱ bo otšũmi. *12,30.

⁴³ Ni beni éwie ne̱ke̱ le̱, ebo ke̱ gbē wā ake̱: Lazaro ē, dše kpo!

⁴⁴ Ni gbonyo le̱ dše kpo, fū̃-mamai le̱ fĩmo̱ enãdši ke̱ enidši, ni duku fĩ ehĩe. Iesu kē̱ame̱ ake̱: Nyefẽneale̱, ní nyehãa eyaä.

⁴⁵ Nohewo̱ le̱ Iudafoi le̱ ní ba Maria ṅõ le̱ ateṅ mei pī he eno̱ ye, beni ame̱na nii ni Iesu fe le̱.

⁴⁶ Ši ame̱teṅ meikomei yiṅ te Farisifoi le̱ aṅõ, ni ame̱yagbaame̱ nii ní Iesu fe le̱.

⁴⁷ Nohewo̱ le̱ oso̱fonukpai le̱ ke̱ Farisifoi le̱ tšé̱ kpē, ni ame̱kē̱: Té wo̱feo̱ tēṅ? ši nūu ne̱ mīfe okadii sro̱toi pī.

⁴⁸ Ke̱dši wo̱ṅmẽle̱ gbe ne̱ke̱ le̱, mei fẽ aahe eno̱ aye; ni Romabii le̱ aaba ni ame̱abašõ wo̱maṅ ke̱ wo̱sikpoṅ le̱ fẽ.

⁴⁹ Ši ame̱teṅ mokome, Kaiafa ní yeo̱ oso̱fonukpa ye̱ nakai afi le̱ mli le̱, kē̱ame̱ ake̱: Nye le̱ nyelee noko kwrā,

⁵⁰ ni nyesa nyedſẽṅṅ hũ ake̱ ehĩ hãwo̱ ake̱ mokome agbo ye̱ maṅ le̱ nãdšĩaṅ, fè noni maṅbii le̱ fẽ hĩe aakpãtã le̱. 18,14.

⁵¹ Ši ene̱ le̱, dšee le̱dientše̱ eto eyi ewie; ši moṅ, edšake̱ oso̱fonukpa dšile̱ ye̱ nakai afi le̱ no̱ hewo̱ le̱, *gba egba ake Iesu bagbo ye̱ maṅ le̱ nãdšĩaṅ; *2 Mose 28,30. 4 Mose 27,21.

⁵² ni dšee ye̱ maṅ le̱ ke̱ke̱ nãdsiaṅ hewo̱ṅ, ši beni afe ní ebua Nyoṅmo̱ bii ni egbe̱ eſã le hũ nā *efe ekome. *10,16.

⁵³ Ni ke̱-dše̱ nakai gbĩ le̱ no̱ le̱ ame̱kpe̱ ame̱yiṅ ake̱ ame̱bagbele̱.

⁵⁴ Nohewo̱ le̱ Iesu edšee faṅṅ enyiee ye̱ Iudafoi le̱ ateṅ doṅṅ, ši edše dše̱i ete šikpoṅ ko ni kã ṅã le̱ nā le̱ no̱, ye̱ maṅ ko ní atšé̱o̱ Efraim le mli, ni eke̱ ekaselo̱i le̱ yahĩ dše̱i.

⁵⁵ Agbene Iudafoi le̱ a-Hehō le̱ éše̱ étã. Ni mei babaō dše̱ šikpoṅ le̱ fẽ no̱ ame̱te Ierusalem, dãni Hehō le̱ aše̱, *koni ame̱yatšū ame̱he. *2 Kron. 30,17.

⁵⁶ Ke̱ke̱ ni ame̱bõi Iesu taomo̱, ni beni ame̱damo̱damo̱ ši ye̱ so̱lemo̱we le̱, ame̱kē̱kē̱ ame̱he ake̱: Té nyesusuo̱ tēṅ, ani ebaṅ gbĩdšŭrõ le̱?

⁵⁷ Ši oso̱fonukpai le̱ ke̱ Farisifoi le̱ éwo kitã ake̱, ké̱ moko le heni eyo̱ le̱, étſa he adafi, koni ayamõle̱.