Yesaia 8 - Ṅmãle̱ Kroṅkroṅ Le̱

¹ Ni Iehowa kē̱mi ake̱: Ko̱ tāo kpeteṅkple, ni oke̱ gbomo woloṅmãnõ aṅmã ye̱ no̱ ake̱: Nomṅõnii le̱ feo̱ oyá, hānii le̱ yeo̱ oyái!

² Ni miṅõ odasefoi ano̱kwafoi, ní dši oso̱fo Uria ke̱ Ieberekia bi Zakaria le̱, mifata mihe ní ame̱ye odase.

³ Ni mite gbalo̱yō le̱ ṅõ, ni ená mũsũ, ni efo̱ binū. Ni Iehowa kē̱mi ake̱: Wole̱ gbe̱i ake̱ Maher-šalal haš-baz (nomṅõṅĩi le̱ feo̱ oya, hānii le̱ yeo̱ oyai.)

⁴ Ši dãni gbekẽnū le̱ *aale atā lo awó tšé̱mo̱ le̱, aalō Damasko nii le̱ ke̱ Samaria nomṅõnii le̱ ke̱-anyie Ašur maṅtše̱ le̱ hĩe ke̱-ate. *7,13. 2 Maṅ. 16,9; 15,29.

⁵ Ni Iehowa sā kē̱mi ake̱:

⁶ Ake̱ nõ kẽ ní maṅ ne̱ ekwa Šiloa nui ní hoo̱ *ble̱ō le̱, ni emli flio̱le̱ ye̱ Rezin ke̱ Remalia bi le̱ hewo̱ ne̱: *30,15.

⁷ nohewo̱ le̱, na, Nuṅtšo̱ le̱ ke̱ fā le̱ṅ nui ní nā wa ni ame̱fá hũ mība ame̱no̱, no dši Ašur maṅtše̱ le̱ ke̱ eta le̱ fẽ, ni eebaha enudšō̱i le̱ fẽ no̱, ni eesram etoii le̱ fẽ no̱;

⁸ ni eetšṍ Iuda mli ke̱-aho, eeyi ke̱-atá kue̱; ni ké̱ egbe efĩdši amli le̱, eekpẽle ošikpoṅ le̱ hĩe lē̱mo̱ le̱ no̱, *Imanuel! *7,14.

⁹ Nye mãdšimãdši, nyefea hō, ni aakũmo̱nye dukuduku kẽ! Ni nye mei ní nyeyo̱ šikpõdši ni yo̱ šoṅṅ le̱ ano̱ fẽ, nyeboa toi! Nyemĩaä, ni aakũmo̱nye dukuduku kẽ; nyemĩaä, ni aakũmo̱nye dukuduku kẽ! Lal. 2.

¹⁰ Nyetoa adšina, ni eefe yaka kẽ! Nyewiea wiemo̱ hũ, ni edamo̱ṅ ši; edšake̱ *Nyoṅmo̱ ke̱wo̱ ye̱! *K. 8.

¹¹ Ši ne̱ke̱ Iehowa ke̱mi wie ye̱ ninešiwale̱ nā, ni etšõmĩ, koni mikanyie ne̱ke̱ maṅ ne̱ gbe̱ le̱ no̱, ake̱:

¹² Nofẽno ní maṅ ne̱ tšé̱o̱ apãm le̱, nyekatsé̱a no apãm, ni asaṅ ame̱gbeyei ní ame̱šeo̱ le̱, nyekašea, ni nyetšui akafãa hũ!

¹³ Ši moṅ, Iehowa Zebaot le̱, le̱ moṅ *nyefeale̱ kroṅkroṅ, ni †le̱ efe nyegbe-yeišemo̱ ke̱ nyetšuifā̃! *29,23. †Mat. 10,28. 1 Pet. 3,16.

¹⁴ Ni eetšṍ hekroṅkroṅ ehãnye; ši eetšṍ *te̱mo̱-te̱ ke̱ nanetõtõmo̱-te̱sã ehã Israel wei enyo̱ le̱ fẽ, ní eetšṍ yā ke̱ tšõne hũ ehã Ierusalembii le̱; *28,16. Rom 9,33. 1 Pet. 2,7. 8.

¹⁵ ni ame̱teṅ mei pī aatĕ̱re̱, ni ame̱-agbēgbē ši, ni ame̱akũmo̱, ni aadũame̱, ni aamõmo̱ame̱ hũ.

¹⁶ Fĩ odase le̱, ni oso̱o mla le̱ nā ye̱ mikaselo̱i le̱ ateṅ!

¹⁷ Ši mīkwe̱ Iehowa, moni eṅö ehĩe etē Iakob we le̱, gbe̱ ni mihĩe kā eno̱.

¹⁸ *Na, mike̱ †bii ní Iehowa ehãmi le̱ dši okadii ke̱ nākpe̱nii ní dše̱ Iehowa Zebaot ní hĩo̱ Zion goṅ le no le̱ deṅ ye Israel. *Heb. 2,13. †7,8; 8,3.

¹⁹ Ni ke̱dši ame̱kē̱nye ake̱: Nyeyabia okõmfoi ke̱ klamo̱i ní wieo̱ gugõdšiaṅ ke̱ akromãgbē le̱ anii le̱ [nyekē̱a-ame̱ ake̱]: *Aso esaa ake̱ maṅ ko aabi e-Nyoṅmo̱ nii? alo gbohĩĩ moṅ anii abio̱ abaa hĩekãlo̱i? *2 Maṅ. 1,3.

²⁰ Mla le̱ ke̱ odase le̱ nõ ne̱! Ke̱dši ame̱wiee ne̱ke̱ wiemo̱ ne̱ le̱, no le̱ dše tše̱reṅame̱;

²¹ ni ame̱atšṍ mli ke̱-aho, ni aawa ahãame̱ ni hõmo̱ aayeame̱; ni aaba mli ake̱, beni hõmo̱ yeo̱ame̱ le̱, ame̱mli aawo ame̱he la, ni *ame̱alomo̱ ame̱maṅtše̱ ke̱ ame̱-Nyoṅmo̱ le̱, ni ame̱atšṍmo̱ ame̱hĩe ke̱-ate ṅwei, *Kpods. 16,9. 11.

²² ni ame̱akwe̱ šikpoṅ le̱ no̱ hũ: ni na, haomo̱ ke̱ *duṅ ke̱ hedšramo̱ kpī; ni aaſieame̱ awo duṅ kabitī mli! *6,30.

²³ [Y. 9, 1.] Ši kẽle̱ duṅ kpī le̱ ekaṅ heni hedsramo̱ yo̱ ne̱! Sá le̱ ehã *Zebulon šikpoṅ ke̱ Naftali šikpoṅ le̱ hĩe ſie ši, ši se̱kpē ne̱ eewo ehĩe nyam, ye̱ ṅšo̱-nā gbe̱ le̱, ye̱ Iordan se̱ le̱, dšeṅmãdši a-Galilea le̱. *Mat. 4,12-16.