Yesaia 7 - Ṅmãle̱ Kroṅkroṅ Le̱

¹ Ni eba mli ye̱ Iuda maṅtše̱ Ahaz ni dši Uzia bi Iotam bi le̱ yino̱, ake̱ *Aram maṅtše̱ Rezin ke̱ Israel maṅtše̱ Peka ní dši Remalia bi le̱ fã ke̱-ba Ierusalem ni ame̱ke̱le̱ abawu, ši ame̱nyẽẽle̱. *2 Maṅ. 15,37; 16,5.

² Ni abatſa David we le̱ adafi, ake̱ Arambii le̱ ebabo̱ nsra ye̱ Efraim. Ke̱ke̱ ni etsui ke̱ emaṅbii le̱ atšui hoso tamo̱ kō̱yo̱ hosoo kō mli tšei.

³ Ši Iehowa kē̱ Iesaia ake̱: Ya ní oke̱ Ahaz ayakpe, bo ke̱ obi Šear-Yašub, ye̱ kpākpo ní yo̱ yiteṅgbe̱ le̱ nudšō̱ le̱ nā ye̱ niiahefo̱lo̱i abō̱ le̱ tempõṅ le̱ no̱,

⁴ ni okē̱le̱ ake̱: Kwe̱ ohe ní ahĩ ní *ofe diō; kāše gbeyei ni otšui akafã ye̱ ne̱ke̱ latšei kukudši enyo̱ ni dšeo̱ lasũ ne̱ ahewo̱, ye̱ Rezin ke̱ Aram ke̱ Remalia bi le̱ mlila le̱ hewo̱! *30,15.

⁵ Edšake̱ Aram ke̱ Efraim ke̱ Remalia bi le̱ ete oyino̱ adšina fõṅ ake̱:

⁶ Nyehãa wo̱fãa wo̱yatuaä Iuda ni wo̱gbaä enā, ni wo̱ṅõle̱ wo̱hã wo̱he, ni wo̱wo Tabeel bi le̱ maṅtše̱ ye̱ mli!

⁷ Bo̱ni Nuṅtšo̱ Iehowa kē̱ ne̱: Edamo̱ṅ ši ni ebaṅ mli nakai!

⁸ Edšake̱ Aram yitšo dši Damasko, ni Damasko yitšo dši Rezin; ni bie̱ afii nyoṅmai-ekpa ke̱ enumo̱ le̱ aabutu Efraim ni efeṅ maṅ doṅṅ!

⁹ Ni Efraim yitšo dši Samaria, ni Samaria yitšo dši Remalia bi le̱. *Ké̱ nyehea nyeyee le̱, nyedamo̱ṅ ši! *2 Kron. 20,20.

¹⁰ Ni Iehowa sa kē̱ Ahaz ake̱:

¹¹ Bi okadi ke̱-dše̱ Iehowa, o-Nyoṅmo̱ le̱, deṅ oha ohe, gbohĩĩadše tō̃ obi ye̱ dšio, ṅwei šoṅṅ dšio!

¹² Ši Ahaz kē̱: Mibii ni misa mikaa Iehowa!

¹³ Ke̱ke̱ ni ekē̱: Nyeboa toi ko, David we! Aso ni nyehaoo̱ gbomei le̱, no fáá hããnye, hewo ni nyebahao mi-Nyoṅmo̱ le̱ hũ ne̱?

¹⁴ Nohewo le̱ Nuṅtšo̱ le̱ dientše̱ *aahãnye okadi: †Na, oblayō fro aana mũsũ ni eefo̱ binū, ni eetšē̱ egbe̱i **Imanuel. *Mika 5.2. †Mat. 1,23. **Ies. 3,8. 10; 9,5.

¹⁵ Eeye butru ke̱ wò ke̱-yaši beyino̱ ní eele efõṅ kwamo̱ ke̱ ekpakpa ko̱mo̱. K. 21,22.

¹⁶ Ši dãni *gbekẽnū le̱ aale efõṅ kwamo̱ ke̱ ekpakpa ko̱mo̱ le̱, aašĩ maṅtše̱mei enyo̱ ní ošeo̱ame̱ gbeyei le̱ asikpoṅ le̱ afõ ši. *5,4.

¹⁷ Iehowa ke̱ gbĩĩ ni bako da, ke̱-dše̱ beyino̱ ni Efraim tše ye̱ Iuda he le̱, aaba bo ke̱ omaṅ le̱ ke̱ otše̱ we le̱ no̱: no dši Ašur maṅtše̱ le̱.

¹⁸ Ni aaba mli ye̱ nakai gbĩ le̱ no̱ ake̱ Iehowa aakpā ble̱ atšé̱ adõdõṅ ní yo̱ Mizraim fāi le̱ anāgbēhe le̱ ke̱ wòbi hũ ni yo̱ Ašur šikpoṅ te̱ no̱ le̱;

¹⁹ ni ame̱fẽ ame̱aba ni ame̱abasōmo̱ dšō̱i vōvō ke̱ te̱sāiaṅ fo̱dši le̱ amli ke̱ ṅmeii fẽ no̱ ke̱ dſe̱i fẽ no̱.

²⁰ Nakai gbĩ le̱ no̱ le̱ Nuṅtšo̱ le̱ ke̱ asōyi ní abo̱le̱ apā ye̱ fā le̱ se̱, ní dši Ašur maṅtše̱ le̱, aabaše̱ yiteṅ tšo̱i ke̱ nãdši ahetšo̱i, ni eeše̱ tšẽṅ hũ.

²¹ Ni nakai gbĩ le̱ no̱ le̱ aaba mli ake̱ nū ko aalè̱ tšinabiyō ke̱ tōgwanteṅi enyo̱;

²² ni aaba mli ake̱ fufo̱ ní eená le̱ fále̱ nā so̱ṅṅ le̱ eeye butru; edšake̱ butru ke̱ wò so̱ṅṅ mofẽmo ní eſe̱ ye̱ šikpoṅ le̱ no̱ le̱ aaye.

²³ Ni nakai gbĩ le̱ no̱ le̱ aaba mli ake̱ hefẽhe ni weintšei akpe yo̱ sá, ní aṅõ-heo̱ dſie̱te̱i kukudši akpe le̱, aatšṍ kpitikpitii ke̱ ṅmeii so̱ṅṅ.

²⁴ Gãimlibii ke̱ gãii ake̱-aba dše̱i; edšake̱ šikpoṅ le̱ fẽ aatšṍ kpitikpitii ke̱ ṅmeii so̱ṅṅ.

²⁵ Ni gõdši fẽ ní ake̱ kō̱i hũo̱ no̱ sá le̱ oyaṅ dše̱i doṅṅ, edšake̱ ooše kpitikpitii ke̱ ṅmeii le̱ agbeyei; ni eetšṍ heni aſieo̱ tšinai awoo̱ ke̱ tōgwanteṅi anyiemo̱he.