Yesaia 61 - Ṅmãle̱ Kroṅkroṅ Le̱

¹ Nuṅtšo̱ Iehowa Mumo̱ le̱ ye̱ mino̱, edšake̱ Iehowa efo̱mi mũ, koni mišie̱ sanekpakpa le̱ mitšõ ohĩafoi; etšũmi koni mibatšá mei ni ame̱-tšuii ekumo̱ le̱, ní midšadse heyeli mitšõ nomi le̱, ni midšadše gblemo̱ mitšõ mei ni awoame̱ tšũṅ le̱; Mat. 11,5. Luk. 4,18. 19.

² ni mišie̱ Iehowa dromo̱ *afi ke̱ wo̱-Nyoṅmo̱ le̱ †oweletō̱ gbĩ, ní miše̱dše ṅko̱mo̱yeloi fẽ amĩ; *3 Mose 25,10. †Ies. 63,4.

³ ní mito ní ahã Zion ṅko̱mo̱yeloi le̱ wulamo̱nõ ye̱ lamlu nãdšiaṅ, ke̱ mliflimo̱ mũ ye̱ ṅko̱mo̱yeli nãdšiaṅ, ke̱ yidšĩemo̱-atade ye̱ mumo̱ ni efe vī le̱ nãdšiaṅ, koni atšé̱ame̱ ake̱ dšale̱ tšei ke̱ Iehowa ṅmõ ni ake̱-awo ehĩe nyam.

⁴ Ni ame̱atſa blema tšũkói le̱, ni ame̱asā tšutšubii le̱ amaṅfõi le̱, ni ame̱ato mãdši ní efite le̱ ehē ekoṅ, ní dši yino̱i pī ano̱ amaṅfõi le̱.

⁵ Ni maṅse̱bii aadamo̱ ši ni ame̱alè̱ nyetōi le̱, ni meikpõdši aatšṍmo̱ nyehũlo̱i ke̱ nyeweintromsălo̱i. 60,10-16.

⁶ Ši nye le̱, aatšenye Iehowa *oso̱foi, ni aakē̱nye ake̱: Wo̱-Nyoṅmo̱ le̱ súolo̱i dšinye; nyeaye dšeṅmãdši le̱ anii, ni ame̱numnyam le̱ aatšṍ nyenõ. *66,31.

⁷ Nyehĩegbĕle le̱ nãdšiaṅ le̱ aakũ abo̱ he toi enyo̱ ahãnye, ni hĩešiſiemo̱ le̱ nãdšiaṅ le̱ ame̱ala nyã́mo̱ lala ye̱ ame̱gbe̱fãṅnõ le̱ hewo̱; nohewo̱ le̱ ame̱ana *toi enyo̱ ye̱ ame̱šikpoṅ le̱ no̱, ni nãno̱ mīše̱ aaṅõ-hàame̱. *40,2.

⁸ Ši mi, Iehowa le̱, misumoo̱ dšale̱ saneyeli, minye̱o̱ odšotſā ke̱ nõšafemo̱, ni mawoame̱ nyõmo̱ ye̱ ano̱kwale mli, ni mike̱ame̱ aakpãṅ *nāno̱ kpãṅmo̱. *54,10; 55,3.

⁹ Ni aale ame̱sešibii le̱ ye̱ dšeṅmãdši le̱ ateṅ ke̱ ame̱ſĩeii hũ ye̱ mãdšimãdsi le̱ ateṅ; mei fẽ ní aanaame̱ le̱ aayoame̱ ake̱ ame̱dši seši ni Iehowa edšō̱.

¹⁰ Manyã́ ye̱ Iehowa mli, ni misusuma mli aaflile̱ ye̱ mi-Nyoṅmo̱ le̱ mli; edšake̱ ewomi *yiwalaheremo̱ atadei, ni eke̱ dšale̱ mama ehami, tamo̱ bo̱ni ayemforowu wulaä ehe ke̱ oso̱fo fai, lo bo̱ni ayemforo woo̱ dſinei le̱. *Mat. 22,11. 12.

¹¹ Edšake̱ take̱ bo̱ni šikpoṅ le̱ baä enii ní kwẽo̱ le̱, ni trom hãa nii ní adũ ye̱ mli le̱ kwẽo̱ le̱: nakai Nuṅtšo̱ Iehowa aahã dšale̱ ke̱ yidšĩemo̱ akwẽ ye̱ dšeṅmãdši le̱ fẽ ahĩe.