Yesaia 60 - Ṅmãle̱ Kroṅkroṅ Le̱

¹ Te ši ní otšo, ši ola le̱ mība, ni Iehowa anumnyam le̱ mīkpe̱ ye̱ ono̱!

² Edšake̱ na, duṅ ha šikpoṅ le̱ ne̱, ni duṅ kpī ha mãdšimãdši le̱ ano̱; ši bo le̱ Iehowa mīkpe̱ ye̱ ono̱, ni enumnyam le̱ epue ye̱ ono̱.

³ Ni dšeṅmãdši aanyie ke̱-aba *ola le̱ he, ni maṅtše̱mei aaba kpe̱mo̱ ní kpe̱o̱ ye̱ ono̱ le̱ he. *Kpods. 21,24.

⁴ Holemo̱ ohĩṅme̱ii ane̱ ní okwe̱ ohe ke̱-kpe: Ame̱fẽ ame̱bua ame̱he nā ke̱-mī-ba oṅõ! Obihĩĩ le̱ aadše̱ maṅse̱ šoṅṅ aba, ni obiyei le̱ hũ, aahĩeame̱ ye̱ ṅmãwuiaṅ ke̱-aba. 49,13; 66,12.

⁵ No le̱ oona, ni ohĩe aakpe̱ ke̱ mīše̱, otšui aakpokpo ni emli hũ aale; edšake̱ mei babaō aadše̱ ṅšo̱ṅ aba oṅõ, dšeṅmãdši le̱ ahewale̱ le̱ aaba oṅõ.

⁶ Yomai asafo yū aabua ohe kutū, ke̱ Midian ke̱ Efa yomai oblahĩĩ; ame̱-fẽ ame̱adše̱ *Šeba ame̱aba: ame̱ahĩe šika ke̱ kro̱bo̱o ke̱-aba, ni ame̱agba Iehowa yidšiemo̱ le̱. *Lal. 72,10. Mat 2,1-11.

⁷ Aabua Kedar tōikui le̱ fẽ nā abahão, Nebaiot tōagboi le̱ aasúmo̱o: ake̱-ame̱ aaba mifo̱lešãlate̱ le̱ no̱, ni eesa mihĩe, ni mawo minumnyam šĩa le̱ hĩe nyam!

⁸ Namei dši mene̱mei ní flikio̱ tamo̱ atatu, lo tamo̱ okpoi ní baä ame̱samfe̱dšiaṅ ne̱?

⁹ Le̱le̱ṅ, ṅšo̱kpo̱i aakwe̱mi gbe̱, ni Taršiš le̱dši le̱ aatšṍ hĩe aba, koni ame̱-ke̱ obihĩĩ le̱ ke̱ ame̱dſie̱te̱i ke̱ ame̱šika adše̱ šoṅṅ aba, abahã Iehowa, o-Nyoṅmo̱ le̱, gbe̱i le̱, ke̱ Israel Mokroṅkroṅ le̱, edšake̱ ewo ohĩe nyam.

¹⁰ Ni gbo̱iabii aatſa ogbogboi le̱, ni ame̱maṅtše̱mei le̱ aasúmo̱o; edšake̱ *mimliſũ mli miyio ye̱, ši mimlihĩle̱ nā le̱ mimũsũṅ etsōmi ye ohe. *54,7. 8.

¹¹ Ni ogbói le̱ anā aakãmo̱ befẽbe, ſane ke̱ nyōṅ fẽ le̱ aṅã́mo̱ṅ, koni ake̱ dšeṅmãdši le̱ ahewale̱ le̱ aba oṅõ, ni ekpla ame̱maṅtše̱mei le̱ ke̱-ba. Kpods. 21,25. 26.

¹² Ši dšeṅmaṅ alo maṅtše̱yeli ní súmo̱o̱o le̱ hĩe aakpãtã, ni nakai dšeṅmãdši le̱, fitemo̱ aafiteame̱.

¹³ Lebanon anumnyam le̱ aaba oṅõ; se̱se̱o ke̱ odum ke̱ tšei ní nyẽo̱ dšale̱ le̱ fẽ, koni awula mihekroṅkroṅ le̱, ni mawo minãdšianāmo̱he le̱ hĩe nyam.

¹⁴ Ni mei ní wao yi le̱ abii le̱ hũ aaba abakotoö, ni mei ní gbe ohe guo̱ le̱ fẽ aabakũla onãdšiaši, ni ame̱atšé̱o ake̱ Iehowa maṅ, Israel Mokroṅkroṅ le̱ Zion le̱. 14,2; 49,23.

¹⁵ Ye̱ kwa ní akwao ni anye̱o ni mokomoko tšṍṍ omli le̱ nãdšiaṅ le̱, mike̱o aafe nāno̱ anumnyam ke̱ yino̱i pī anyã́mo̱.

¹⁶ Ni oonu dšeṅmãdši afufo̱, ni ooye *maṅtše̱mei akpokuai, ni oole ake̱ mi, Iehowa, dši oyiwalaherelo̱, ni okpõlo̱ dši Iakob hewalo̱ le̱. *49,23.

¹⁷ Akō̱ble nãdšiaṅ le̱ mike̱ šika aaba, ni dade nãdšiaṅ le̱ mike̱ dſie̱te̱i aaba, ni tšei anãdšiaṅ le̱ akō̱ble, ni te̱i anãdšiaṅ le̱ dade; ni maṅõ *hedšo̱le̱ mafe ono̱yelo̱i, ni maṅõ dšale̱ mafe onukpai. *52,7.

¹⁸ Anuṅ yiwale̱ he doṅṅ ye̱ ošikpoṅ le̱ no̱, anuṅ fitemo̱ lo hĩekpãtãmo̱ he doṅṅ ye̱ ohũsũi le̱ amli, ši ootšē̱ yiwalaheremo̱ ake̱ *ogbogboi, ni ootšé̱ yidšiemo̱ ake̱ ogbói. *26,1.

¹⁹ Dšee *hũlũ batšṍ ola ſane doṅṅ, ni asaṅ dšee nyoṅtšĕre bakpe̱ ní dšeṅ atše ahão; ši moṅ Iehowa aatšṍ ola ke̱-ate nāno̱, ni o-Nyoṅmo̱ le̱ aatšṍ onumnyam. *24,23; 30,26. Kpods. 21,23.

²⁰ Ohũlũ le̱ enyõṅ ši doṅṅ, ni onyoṅtšĕre le̱ hũ gboṅ; edšake̱ Iehowa aatšṍ ola ke̱-ate nāno̱, ni oko̱mo̱yeli gbĩĩ le̱ hũ se̱ aafo.

²¹ Ni omaṅ mū le̱ fẽ aatšṍmo̱ dšalo̱i so̱ṅṅ; ame̱aye šikpoṅ le̱ no̱ ke̱-ate nāno̱, ame̱dši miṅmõ le̱ mli tšonine ni fro̱keo̱ ke̱ mininenã nĩtšumo̱ ni ake̱-awo mihĩe nyam.

²² Mo bibiō ko aatšṍ mei akpe, ni mo fio hũ aatšṍ maṅ ní wa: Ké̱ še̱ ebe le̱, mi, Iehowa, mahã afe oyá!