Yesaia 58 - Ṅmãle̱ Kroṅkroṅ Le̱

¹ Blo̱mo̱ wā: kāhã onā mība ši! Wó ogbē no̱ tamo̱ te̱tre̱mantre̱, ni odšadše *mimaṅ le̱ no̱tõmo̱i le̱ otšõame̱, ni otšõ Iakob we le ame̱he ešai le̱! *Mika 3,8.

² Ši mi le̱, dā ame̱taoo̱ mise̱gbe̱, ni ame̱taoo̱ migbè̱i le̱ ame̱le; ame̱bio̱ *dšale̱ kodšomo̱ ye̱ mideṅ, ni ame̱taoo̱ ní Nyoṅmo̱ atši abe̱ṅke̱, tamo̱ dšeṅmaṅ ko ní efe dšale̱nii ni ekwako e-Nyoṅmo̱ le̱ kodšomo̱ lo̱. *43,26.

³ [Ame̱kē̱o̱ ake̱:] “Mẽba wo̱hĩo̱ ṅmā̃, ni onaa le̱, ni wo̱waä wohe yi, ni olee le̱?” Na, nyeṅmā̃hĩle̱ gbĩ le̱ no̱ le̱ nyetšuo̱ nii, ni nyehaoo̱ nyenitšulo̱i fẽ!

⁴ Na, béi ke̱ blo̱mo̱ ke̱ atše̱re̱i fõdši mā̃mo̱ moṅ nyeke̱-hĩo̱ ṅmā̃; ṅme̱ne̱ṅme̱ne̱ nyehĩĩ ṅmā̃ koni nyehã anu nyegbē ye̱ ṅwei.

⁵ Ani ene̱ dši *ṅmā̃hĩle̱ ní sa mihĩe, ke̱ gbĩ ní gbomo waä ehe yi le̱? Ani ké̱ moko mã eyi ši tamo̱ ntō, ni eṅmẽ kpekpe ke̱ lamlu ekã no̱ le̱, ene̱ otšé̱o̱ ṅmā̃hĩle lo gbĩ ní sa Iehowa hĩe le̱? *Zak. 7,5. Mat. 8,16-18.

⁶ Ani dšee ene̱ dši ṅmā̃hĩle̱ ní sa mihĩe, ake̱ nyefẽne efõṅfemo̱ kpãi le̱, ni nyekplo̱ gbokle̱i le̱, ni nyehã mei ní awaäame̱ yi le̱ aye ame̱he, ni nyekũ apã-fẽ-apã?

⁷ Ani dšee no dši ake̱ oke̱ obolo akũma moni hõmo̱ yeo̱le̱, ni oṅõ ohĩafoi ní be̱ šihĩle̱he le̱ ke̱-ba owe, ni ké̱ ona moko ní nyie yayai le̱, ohale̱ mama, ni oke̱ ohe akatē bodientše̱ ohelo? Mat. 25,25.

⁸ No le̱ *ola le̱ aadšidše take̱ dšetše̱remo̱, ni otšámo̱ le̱ hũ aafe oyá, ni odšale̱ le̱ aanyie ohĩe, Iehowa anumnyam le̱ aanyie ose̱. *K. 10. Lal. 37,6.

⁹ No le̱ *ootšé̱, ni Iehowa aahere no̱, ooblo̱, ni eekē̱ ake̱: Nami! Ke̱dši odšie gbokle̱ le̱ ke̱ wao ní ake̱-tšõo̱ mo ke̱ wiemo̱ fõṅ ke̱-dše̱ oteṅ, *30,19.

¹⁰ ni oṅõ noni osusuma taoo̱ le̱ ohã moni hõmo̱ yeo̱le̱, ni ohã susuma ní nii yo̱ mo̱bo̱ le̱ hũ to̱ le̱: no le̱ ola le̱ aadšidše ye̱ duṅ mli, ni oduṅ kpī le̱ aatšṍ tamo̱ ſane.

¹¹ Ni Iehowa aawao dāne̱, ní eehã osusuma ato ye̱ hei gbīdši, ni eehã owuiaṅ awa, ni ootšṍ *tamo̱ trom ní nu hoo̱ ye̱ mli, lo tamo̱ nuhĩṅme̱i ní nu kpaa ye̱ mli. *Ier. 31,12.

¹² Ni omei le̱ aatſá blema tšũkói le̱, ni ootē blema yino̱i le̱ ašišitōi le̱ aši omãmo̱ ši; ni aatšé̱o afãbaṅsãlo̱, ke̱ moni dšeo̱ gbè̱i ní mei ahĩ dše̱i! 61,4.

¹³ Ke̱dši otšĩ onane nā ye̱ *hedšō̱mo̱gbĩ le̱ no̱, ni okatšu otšuinānii ye̱ migbĩ kroṅkroṅ le̱ no̱, ni otšé̱ hedsō̱mo̱gbĩ le̱ ake̱ otsuihenõ, ke̱ Iehowa gbĩ kroṅkroṅ le̱ ake̱ onumnyam noko, ni owo ehĩe nyam, ni efee bodientše̱ ogbè̱i ano̱ nii, ni otšuu nii, ni owiee yaka wiemo̱i le̱: *56,2. 4.

¹⁴ no le̱ omī aaše̱ ye̱ Iehowa he, ni mahã oye šikpoṅ no̱ hei groṅṅi le̱ ano̱, ni mahã oye otše̱ Iakob gbošinii le̱; edšake̱ Iehowa nābu ekē̱!