Yesaia 57 - Ṅmãle̱ Kroṅkroṅ Le̱

¹ Dšale̱ le̱ hĩe kpãtãa, ni mokomoko ke̱-woo etšuiṅ; ni aṅõo̱ gbomei kpakpai ke̱-yaä, ni mokomoko dſẽṅṅ he, ake̱ efōṅ ní baba le̱ hĩe *aṅõo̱ dšalo̱ le̱ ke̱-dše̱o̱ ke̱-yaä. *2 Maṅ. 22,20.

² Eboteo̱ hedšo̱le̱ mli; *ame̱dšō̱o̱ ame̱he ye̱ ame̱sāi ano̱: mofẽmo ni nyieo̱ ye̱ dšale̱ mli le̱. *26,20. Dan. 12.13.

³ Ši nye le̱, nyetšia nyebaä bie̱, nye klamo̱foi abii, *gblãfltelo̱ ke̱ yō adſamaṅ sešibii! *Mat. 12,39.

⁴ Namo he fe̱o nyeyeo̱ ne̱? namo nyegbe̱ nyedāṅ hatō nyewo, ni nyekpã nyelile̱ii amli ne̱? Ani dšee no̱tõmo̱-ſĩei ke̱ amale-sešibii dšinye?

⁵ nye ní nyehĩe do̱ö̱ ye̱ tšei wudši ahe ye̱ tšo-fẽ-tšo ní ebu kusū šiši; nyegbeo̱ gbekẽbii ye̱ dšō̱i amli ye̱ te̱sāi afo̱dši ašiši. Ier 2,20. 24.

⁶ Fāi anā fo̱bite̱i amli ogbe̱nā yo̱, nomei dši ogbe̱fãṅnõ; nomei noṅṅ ofo̱seo̱ dā̃-afo̱le ni ošãa niyenii-afo̱le ohãa. Aso mitšui aanyõ mimli ye̱ ene̱mei ahe?

⁷ Goṅ groṅṅ ní kwo̱ no̱ oyaṅmẽ osā ye̱, dše̱i noṅṅ okwo̱ö̱ ke̱-yaä eyašãa afole.

⁸ Oke̱ okaime̱-okadii le̱ eto šĩnāi ke̱ šĩnātšei ase̱; ši odše mise̱ ogble, ni okwo̱, ni olē̱ osā le̱ mli, ni oke̱ame̱ ye nā; osumo̱ ame̱sā le̱ ni okwe̱.

⁹ Ni oke̱ mũ te yahã maṅtše̱ le̱, ni ohã otšofãi-ke̱-ṅmai fá pī, ni otšũ obo̱foi le̱ ke̱-te šoṅṅ, ni oba ohe ši ke̱-te gbohĩĩadše tō̃.

¹⁰ Ogbe̱ ní dšeke̱ le̱ hã eto̱o; ši okē̱ē̱ ake̱: Maṅmē̃ he! Ake̱-ní oná hewale̱ hē hewo̱ le̱, edšee otšine.

¹¹ Ni namo hewo̱ otšui fãa lo ošeo̱ gbeyei, hewo̱ ni omaleo̱ ne̱? ni mi le̱ okaiimi ni oke̱-woo otšui mli? Aso dšee *diṅṅ mife ke̱-dše̱ tetēte po? ši mi le̱, ošeemi gbeyei! *Lal. 50,21.

¹² Mi mibadšadše odšale̱ le̱ matšõ, ni onifemo̱nii le̱ hũ, onáṅ se̱ ko ye̱ mli.

¹³ Beni oblo̱ō̱ le̱, hã owo̱dši ni obua ame̱nā le̱ adšieo! ši ame̱fẽ-tſẽm le̱, kō̱yo̱ aalōame̱, mumo̱ ní amũo̱ aaholeame̱ ke̱-ate; ši moni ṅõo̱ ehĩe efõo̱ mino̱ le̱ aaye šikpoṅ le̱ no̱, ni migoṅ kroṅkroṅ le̱ aatšṍ enõ!

¹⁴ Ni eekē̱ ake̱: Nyedšea, nyedšea, nyedšadšea gbe̱ le̱, nyedšiea pampii le̱ ye̱ mimaṅ le̱ gbe̱ le̱ no̱! 62,10.

¹⁵ Ši *bo̱ni moni kwo̱ ní awó eno̱, ní eyo̱ dā, ní gbe̱i dši Mokroṅkroṅ le̱ kē̱ ne̱: Ṅwei šoṅṅ ke̱ hekroṅkroṅ le̱ mihĩo̱; asaṅ †mike̱ moni tſiaä ši ke̱ do̱le̱ ni ebaä ehe ši ye̱ emumo̱ mli le̱ hĩo̱ ši, koni mahã hešibalo̱i amumo̱ aná wala hẽ, ní mei ní tſiaã ši ke̱ do̱le̱ le̱ atšui aná wala hẽ! *Lal. 113,5-9. †Ies. 66,1. 2. Lal. 51,19.

¹⁶ Ši *mibéṅ ke̱-yaṅ nāno̱, ni dšee dā mimli aawo la; edšake̱ kũle̱ mumo̱i ke̱ susumai ní mife le̱ aato̱ biti ye̱ mihĩe. *Lal. 103,9.

¹⁷ Ehĩekõ nõša le̱ hewo̱ mimli wo le ni miyile̱, mike̱ mihĩe tẽ, ni mimli wo la; ni eke̱ se̱se̱yā yanyie etšui gbe̱ le̱ no̱.

¹⁸ Mina egbè̱i le̱ ni matšále̱, ni mawale̱, ni maše̱dše le̱ ke̱ eko̱mo̱yelo̱i le̱ amĩ ekoṅ.

¹⁹ Mabo̱ nābui ayibii: Hedšo̱le̱, hedšo̱le̱ ahã moni yo̱ šoṅṅ ke̱ moni yo̱ kpakpa le̱, Iehowa kē̱, ni matšále̱! Ef. 2,17.

²⁰ Ši meifõdši tamo̱ ṅšo̱ ní efe hãmãhãmã, edšake̱ enyẽẽ diō efe, ši emli nu le̱ lōo̱ ṅmiamo̱ ke̱ ṅmo̱to̱ ſieo̱. Iuda 13.

²¹ Hedšo̱le̱ ko be̱ hã meifõdši le̱, mi-Nyoṅmo̱ le̱ kē̱. 48,22.