Yesaia 54 - Ṅmãle̱ Kroṅkroṅ Le̱

¹ La nyã́mo̱ lala bo kene ní ofo̱o̱! Wó nyã́mo̱ lala no̱ ni oblo̱ ke̱ mīše̱, bo ní okõmo̱ko dã! Edšake̱ moni be̱ moko le̱ bii efá fè moni yo̱ wù le̱ bii le̱, Iehowa kē̱. 49,20. Gal. 4,27.

² Hã ní obū le̱ mli alē̱, ni akpa ošihĩle̱he le̱ he mamai le̱ amli: kāle̱te he! Hã ní otãṅkpēi le̱ akĕ̱le̱, ni okla ošiṅmlitšeí le̱ ní awa!

³ Edšake̱ oolē̱ omli ke̱-ate ninedšŭrõ ke̱ abe̱ku, ni oseši le̱ aaye dšeṅmãdši le̱ ano̱, ni ame̱ahe ši ye̱ amaṅfõi le̱ amli.

⁴ Kāše gbeyei, ši ohĩe gboṅ, ni kāhã ohĩe mīſie ši, ši agbeṅ ohĩe doṅṅ; ši ohĩe aakpa oblayeiaṅ hĩegbële le̱ no̱, ni *okũlafemo̱ mli heguo̱gbē le̱ okaiṅ doṅṅ! *Ier. 51,5.

⁵ Edšake̱ *owù dši ofelo̱ le̱: Iehowa Zebaot dši egbe̱i; ni okpõlo̱ dši Israel Mokroṅkroṅ le̱: aatšé̱le̱ šikpoṅ le̱ fẽ Nyoṅmo̱! *Hos. 2,21.

⁶ Ši Iehowa etšé̱o tamo̱ yō ko ní akwale̱ ni yeo̱ ṅko̱mo̱ ye̱ emumo̱ mli, lo tamo̱ oblahĩaṅ ṅã ní *aſiele̱, o-Nyoṅmo̱ le̱ kē̱. *50,1.

⁷ Hĩṅmeitſā ke̱ke̱ mikwao, ši mũsũṅtšõle̱i kplei mike̱-abua onā. Lal. 30,6.

⁸ Mimlifũ ní eteke no̱ le̱ mli le̱ mike̱ mihĩe tēo hĩṅme̱itſā, ši nā-no̱ mlihĩle̱ mimũsũṅ ke̱-atšõmi ye̱ ohewo̱, Iehowa, okpõlo̱ le̱, kē̱. 60,10.

⁹ Ši ene̱ tamo̱ Noa nui le̱ hãmi: bo̱ni *mikã kitã ake̱ Noa nui le̱ ebahaṅ šikpoṅ le̱ no̱ doṅṅ le̱, nakai mikã kitā ake̱ mimli fũṅo, ni asaṅ midšeṅo doṅṅ. *1 Mose 9,11-17.

¹⁰ Ši gõdši le̱ aatši aya, ni goṅkpo̱i le̱ hũ aagbēgbē ši, ši mimlihĩle̱ le̱ tšiṅ ke̱-dšeṅ ono̱, ni *mihedšo̱le̱ kpãṅmo̱ le̱ hũ egbẽṅ ši, Iehowa, moni mũsũṅ tšōo̱le̱ ye̱ ohe le̱, kē̱. *Ezek. 37,26.

¹¹ Bo ní onii yo̱ mo̱bo̱ ní ahum tſaäo ni aše̱dšee omī! Na, mi le̱, ma-tſa ote̱i le̱ ke̱ wulamo̱, ni mato ošiši ke̱ safiro-te̱i;

¹² ni maṅõ rubi-te̱i mafe ogbogboi le̱ ayiteaṅ, ni ogboi le̱ mike̱ karfuṅkle-te̱i aafe, ni ohũsũi le̱ ano̱ fẽ le̱ te̱i fe̱fe̱dši so̱ṅṅ; Kpods. 21,18-21.

¹³ ni obii le̱ fẽ aafe *Iehowa kaselo̱i, ni mahã obii le̱ hedšo̱le̱ babaō. *Ioh. 6,45.

¹⁴ Aaṅõo amã ši ye̱ dšale̱ mli: oke̱ yiwale̱ teṅ aadšeke̱, ni ošeṅ gbeyei, oke̱ hekpokpomo̱ hũ teṅ aadšeke̱, ni ebe̱ṅke̱ṅo.

¹⁵ Na, ké̱ ame̱ke̱o bé le̱, dšee mi edše̱, mofẽmo ní ke̱o aabé le̱, aagbe ši! Rom. 8,31.

¹⁶ Na, mi mibo̱ sõlo̱ ni hūo̱ ṅãi-ke̱-la, ni esõo̱ tawūnii ye̱ enitšumo̱ le̱ mli le̱; ni mi noṅṅ mibo̱ fitelo̱ hũ, koni ekpãtã hĩe.

¹⁷ Tawūnii ní asõo̱ ašio̱o le̱ eko eko nyẽṅ noko afe, ni lile̱i-fē-lile̱i ní aate ši ni eke̱o akodšo le̱, oobule̱ fo̱. Ene̱ dši Iehowa tšũdši le̱ agbošinii, ke̱ ame̱-dšale̱ ní dše̱ mideṅ, Iehowa kē̱!