Yesaia 51 - Ṅmãle̱ Kroṅkroṅ Le̱

¹ Nyeboami toi, nye mei ní nyenyiee̱ dšale̱ se̱, ni nyetaoe̱ Iehowa se̱gbe̱ le̱: Nyekwe̱a te̱sā ni agbánye ke̱-dše̱ mli le̱, ke̱ *bu ní atšanye ke-dše mli le! *48,1.

² Nyekwe̱a nyetše̱ Abraham, ke̱ Sara hũ ní fo̱nye le̱; edšake̱ *ekome eyo̱, ni mitšé̱le̱ le̱, ni midšō̱le̱, ni mihã eyi fá. *Ezek. 33,24.

³ Ši Iehowa eše̱dše Zion mī, eše̱dše emaṅfõi le̱ fẽ amī, ni ehã eṅã le̱ no̱ etšṍ tamo̱ Eden, ni eṅã ole̱ṅle̱ le̱ no̱ etšṍ tamo̱ Iehowa trom. Mliflimo̱ ke̱ mīše̱ aana ye̱ mli, ke̱ šidā hũ ke̱ yidšiemo̱ lala gbē.

⁴ Mimaṅbii, nyefea toi nyehãami, ni mimaṅ, nyeboami toi! ši mla aadše̱ miṅõ adše kpo, ni mike̱ mikodšomo̱ le̱ aamã ši ake̱ mãdšimãdši le̱ ala.

⁵ Midšale̱ le̱ ebe̱ṅke̱, miyiwalaheremo le̱ edše kpo, ni minidši aakodšo mãdšimãdši le̱; ṅšo̱kpo̱i le̱ aakwe̱mi gbe̱, ni minine no̱ ame̱ke̱ ame̱hĩe aafō.

⁶ Nyeholea nyehĩṅme̱ii ane̱ ke̱-yaã ṅwei, ni nyekwe̱a šikpoṅ le̱ no̱ ye̱ šiši-gbe̱: ši *ṅwei aalādše tamo̱ lasũ, ni šikpoṅ le̱ aasū tamo̱ atade, ni eno̱ bii le̱ aagboi tamo̱ adõdõdši; ši miyiwalaheremo̱ le̱ aahĩ ši ke̱-ate nāno̱, ni midšale̱ le̱ hũ se̱ efoṅ. *Lal. 102,27.

⁷ Nyeboami toi, nye mei ní nyele dšale̱, maṅ ní mimla yo̱ nyetšuiiaṅ: Nyekašea *ádesã ahorabō̱ gbeyei, ni asaṅ nyetšui akafãa ye̱ ame̱lĩmo̱ le̱ hewo̱! *Mal. 5,11.

⁸ Edšake̱ omlẽgẽ aayeame̱ tamo̱ atade, ni gõgõmii aayeame̱ tamo̱ kũntũ; ši midšale̱ le̱ aahĩ ši ke̱-ate nāno̱, ni miyiwalaheremo̱ lo̱ aahĩ ši ke̱-ate yino̱i fẽ no̱!

⁹ Ohĩe atšẽ, ohĩe atšẽ! Oke̱ hewale̱ aha ohe, Iehowa nine! Ohĩe atšẽ, tamo̱ bo̱ni ohĩe tšẽ *ye̱ blema gbĩĩ le̱ amli, ye̱ blemabii le̱ ayino̱ le̱! Ani dšee bo dši moni flo̱ Rahab mli, ni egbulo̱ drako le̱? *2 Mose 14,14; 16,7.

¹⁰ Ani dšee bo ohã ṅšo̱ mī̃, bu kwo̱ṅkwo̱ṅ le̱ mli nu babaō le̱? moni dše gbe̱ ye̱ ṅšo̱ šiši ehã mei ní akpõame̱ le̱ ní ame̱fo mli le̱? 2 Mose 14,21. 22.

¹¹ Ni mei ni Iehowa ekpõame̱ le̱ aakũ ame̱še̱ ke̱-aba ekoṅ, ni ame̱aba Zion ke̱ nyã́mo̱ lala, ni nāno̱ mīše̱ aahĩ ame̱yiteaṅ; amenine aaše̱ mliflimo̱ ke̱ mīše̱ no̱, ni aw̌ere̱hō ke̱ ntšo̱idõmo̱ aadšo foi! 35,10.

¹² Mi, midsi nyemīše̱dšelo̱. Namo dšio ni ošeo̱ *ádesã ní bagbo, alo gbomo bi ní †tamo̱ dſe̱i le̱ gbeyei? *Lal. 56,5. †Ies. 40,6.

¹³ ni ohĩe kpaä Iehowa moni feo le̱, moni lē̱ ṅwei mli ni eto šikpoṅ le̱ šiši le̱ no̱? ni ohe kpokpoo̱ dā dšenamo̱ ye̱ haolo̱ le̱ grimo̱ le̱ hewo̱, kē̱ ēsä ehe ní ebafite le̱? Ši nẽgbe̱ haolo̱ le̱ grimo̱ le̱ ye̱ po?

¹⁴ Aafẽne gbokle̱fonyo le̱ oyá, ni egboṅ ni eete bu le̱ mli, ni ebolo hũ ebo̱ṅle̱.

¹⁵ Ši midši Iehowa, o-Nyoṅmo̱ le̱, moni tēo̱ ṅšo̱ le̱ ši ni emli ṅšo̱kei le̱ feo hãmãhãmã le̱: Iehowa Zebaot dši egbe̱i!

¹⁶ ni mike̱ miwiemo̱i le̱ ewo odāṅ, ni *mike̱ minine hō̃ṅ le̱ eha ono̱, koni mate̱o ṅwei, ni mato šikpoṅ lo̱ šiši, ni makē̱ Zion ake̱: Mimaṅ dšio! *49,2.

¹⁷ Wó ohe no̱! wó ohe no̱! te ši odamo̱ ši, Ierusalem! bo ní onu Ieho-wa mlila kpulu le̱ ye̱ edeṅ; onu *didãmo̱ kpulu le̱, ni ole̱mo̱ mli. *Lal. 60,5. 76. 9. Ier. 25,15-18.

¹⁸ Ebihĩĩ fẽ ní efo̱ le ateṅ mokomoko be̱ ní aatšõle̱ gbe̱, ebihĩĩ fẽ ni elè̱ le̱ ateṅ mokomoko be̱ ni aamõ enine mli.

¹⁹ Ne̱ke̱ *nibii enyo̱ ne̱ eba ono̱; namo aayeo ṅko̱mo̱? Fitemo̱ ke̱ hĩekpãtãmo̱, ke̱ hõmo̱ ke̱ klante; té mafe tēṅ maše̱dše omī hũ? *47,9.

²⁰ Obii le̱ eto̱ *biti; ame̱kãmo̱kãmo̱ ši ye̱ blohũi le̱ fẽ akodši ano̱ tamo̱ bāyelo̱ ní adūle̱ ye̱ tšõne mli, ni ame̱yimo̱ obõbõ ke̱ Iehowa mlila ke̱ o-Nyoṅmo̱ le̱ kāmo̱ le̱. *Yāfó 2,11. 19.

²¹ Nohewo̱ le̱ bo ni onii yo̱ mo̱bo̱, bo ni oto̱, ši dšee ke̱ wein, bo ene̱ toi!

²² Bo̱ni o-Nuṅtšo̱, Iehowa, o-Nyoṅmo̱, moni yeo̱ emaṅ le̱ sane le̱, kē̱ ne̱: Na, mihe *didãmo̱ kpulu le̱ ye̱ odeṅ ke̱ mimlila kpulu le̱ hũ, ni onuṅ doṅṅ; *K. 17.

²³ ši mike̱-awo mei ní haoo̱ bo le̱ adeṅ, mei ni kē̱o̱ osusuma ake̱: *Kotomo̱ ši, koni wo̱tšṍ ono̱! ni oke̱ okotose̱ ſõ ši tamo̱ šikpoṅ lo tamo̱ gbe̱dšegbe̱ ní anyieo̱ no̱ le̱! *Lal. 129,8.