Yesaia 5 - Ṅmãle̱ Kroṅkroṅ Le̱

¹ Hã ní mala mišientše̱ le̱ he lala, mi-suolo̱ le̱ lala ye̱ *eweintrom le̱ he. Mišientše̱ le̱ ye̱ weintrom ko ye̱ goṅkpo̱ ko ní baä nii dšogbāṅ no̱. *27,2. Lal 80,9-16. Mark 12,1-9.

² Ni eũ mli, ní efàmo̱ emli te̱i, ni ete̱o weintšei kpakpai ye̱ mli, ni emà mõ ye̱ teṅ, ni esā etša weinbu hũ ye̱ mli; ni ehĩe kã no̱ ake eewo weinyibii, ši ewo kōṅ weinyibii.

³ Ni agbe̱ne̱, nye Ierusalembii ke̱ nye Iudahĩĩ, nyekodšoa mike̱ miweintrom le̱ teṅ!

⁴ Meni aasā afe miweintrom le̱ lolo ni mifeko? Mèhewo̱ mo̱ ni beni mible kā no̱ ake̱ ebawo weinyibii le̱, ni ewoo kōṅ weinyibii ne̱?

⁵ Odšogbãṅ! agbe̱ne̱ mibatšõnye noni mibafe miweintrom le̱: Mibadšie ehe afãbaṅ le̱, ní koloi aye; mibakũmo̱ ehe gbogbo le̱ hũ, ní anānā no̱.

⁶ Mibafele̱ butū, akplo̱ṅ he, ni asaṅ ahũṅ he, kpitikpitii ke̱ ṅmeii so̱ṅṅ aakwẽ ye̱ mli; ni miba wo atatui le̱ akitã, koni ame̱kane̱ ame̱mīſie no̱.

⁷ Edšake̱ Iehowa Zebaot weintrom dši Israel we le̱, ni Iudahĩĩ le̱ hũ, eṅmõ ni esumoo̱ ni. Ši ekwe̱ kodšomo̱ gbe, ni na, amimyeli yo̱; ekwe̱ dšale̱ gbe̱, ni na, yāfó yo̱!

⁸ Kpóo hã mei ní ṅõo̱ tšũ tšaä tšũ no̱, ke̱ mei ní ṅõo̱ ṅmõ fataä ṅmõ he, ke̱-yaši beyino̱ ní gbe̱ be̱ doṅṅ, ni nye ke̱ke̱ nyehĩo̱ šikpoṅ le̱ teṅ le̱! Mika 2,9.

⁹ Iehowa Zebaot kē̱ ye̱ mitoiiaṅ ake̱: Le̱le̱ṅ ake tšũi pī aatšṍmo̱ amaṅfõ, tšũi ni dăra ní ame̱yo̱ fe̱o po náṅ moko ahĩ ame̱mli!

¹⁰ Ši weintrom ni dale̱ še̱o̱ tšinai ntai nyoṅma hũmo̱ aaha wein bat kome pe̱, ni ké̱ adũ nii homer kome le̱, efa kome pe̱ abaná.

¹¹ Kpóo hã mei ní teo̱ ši mãṅkẽ mrã, ni ame̱yanyieo̱ dā̃ ní wa se̱, mei ní tráa ši ke̱-yašio̱ dšenamo̱ yi waä ni wein hãa ame̱hĩe woo̱ la,

¹² ni ame̱hĩeo̱ *saṅkŭ ke̱ obenta ke̱ milẽ ke̱ ble̱ ke̱ wein ye̱ ame̱kplõi le̱ ahe, ši Iehowa †nifemo̱ le̱, ame̱kwe̱e̱, ni eninenā nitšumo̱ hũ ame̱naa! *Amos 6,5. 6. †Lal. 28,5.

¹³ Nohewo̱ le̱ aaṅõ mimaṅ le̱ nom ní ame̱lee; ni hõmo̱ aagbe enumnyam gbomei le̱, ni esafo yü le̱ hũ aaṅãlã ke̱ kũmai.

¹⁴ Nohewo̱ le̱ gbohĩĩadše elē̱ esẽṅ, ni egbe̱ edāṅ hatō, koni ame̱numnyam gbomei ke̱ ame̱safo yū le̱ ke̱ mei ní feo̱ hõ ke̱ mei ní mli flio̱ame̱ le̱ fẽ akpleke ši ke-ya dše̱i.

¹⁵ Ni gbomo aaba ši, ni aaba nū hũ ši, ni hewolo̱i ahĩṅme̱ii hũ aaba ši; 2,11.

¹⁶ ni aawó Iehowa Zebaot no̱ ye̱ kodšomo̱ mli, ni Mawu Mokroṅkroṅ le̱ aafele̱ kroṅkroṅ ye̱ dšale̱ mli.

¹⁷ Ni tōgwanteṅbii aaye nii ye̱ dše̱i tamo̱ ame̱lē̱he, ni mei ní ewo fo̱ le̱ amaṅfõi le̱, gboi aaye.

¹⁸ Kpóo hã mei ni ke̱ amale-kpãi gblaä nõša ni ame̱ke̱ ſīlihe-tãṅkpēi hũ gblaä eša le̱,

¹⁹ mei ní kē̱o̱ ake̱: *Hã ní ehe afe oya ní etšu enitšumo̱ le̱ mrãmrã ni wo̱kwe̱! Hã ní Israel Mokroṅkroṅ le̱ adšina le̱ abe̱ṅke̱ ni eba, koni wo̱le le̱! *Ier. 17,16. 2 Pet. 3,4.

²⁰ Kpóo hã mei ní tšé̱o̱ efõṅ ake̱ ekpakpa ke̱ ekpakpa hũ ake̱ efõṅ! mei ní ṅõo̱ duṅ feo̱ la, ni ame̱ṅõo̱ la hũ ame̱feo̱ duṅ, mei ní ṅõo̱ dšōmo̱ feo ṅõmo̱, ni ame̱ṅõo̱ ṅõmo̱ ame̱feo̱ dšōmo̱ le̱!

²¹ Kpóo hã mei ni buo̱ amehe nilelo̱i, ke̱ mei ní ame̱tšé̱o amehe hĩetẽloi le̱! Abe̱i 3, 7. Rom. 12,17.

²² Kpóo hã mei ní feo̱ ekã ke̱ weinnumo̱, ni ame̱he waäame̱ ke̱ dā̃ ní wa futumo̱;

²³ mei ní buo̱ efõṅfelo̱ bem ye̱ nyōṅnii ahewo, ni ame̱šõo̱ dšalo̱i adšale̱ ye̱ ame̱-deṅ le̱!

²⁴ Nohewo̱ le̱ bo̱ni lalilei šãa gbetšeli ni la ní tšoo̱ šãa dſe̱i gbĩṅ le̱: nakai noṅṅ ame̱šišifã le̱ aakpo̱to̱, ni ame̱fofro le̱ aate ši tamo̱ mlu; edšake̱ ame̱kwa Iehowa Zebaot mla le̱, ni ame̱gbe Israel Mokroṅkroṅ le̱ wiemo̱ le̱ he guo̱.

²⁵ Ene̱ hewo̱ le̱ Iehowa mli wo emaṅ le̱ la, ni ekpa enine mli ewoame, ni eyiame̱ ní gõdši kpokpo, ni ame̱gbohĩĩ le̱ fe tamo̱ bē̱mo̱nii ye̱ blohũi le̱ amli. *Fẽ le̱ emlifũ le̱ edšo̱ko; ši enine le̱, ekpã mli lolo. *9,11.

²⁶ Ni eeši aflaṅā etšõ dšeṅmãdši ní yo̱ šoṅṅ le̱, ni eekpã ble̱ etšé̱ame̱ ke̱-adše̱ šikpoṅ le̱ nāgbēhe le̱: Ni na, ame̱he aafe oya ke̱-aba mrãmrã!

²⁷ Eto̱ṅ ame̱teṅ mokomoko, ni ame̱teṅ mokomoko te̱ṅ, ame̱teṅ mokomoko wo̱ṅ wo̱dõi, ni ame̱wo̱ṅ; asaṅ ame̱he̱fĩnii fẽneṅ, ni ame̱tokotai anā kpãi hũ tšere̱ṅ.

²⁸ Ame̱găimlibii le̱ anā ba, ni ame̱gãii le̱ fiā le̱ ame̱dō̱ro̱. Ame̱kpo̱ṅo̱i akoklotoi tamo̱ tſre̱bo, ni ame̱ſīliĩ le̱ anãdši tamo̱ lasũogbĕle.

²⁹ Ame̱hũmo̱ tamo̱ dšata hū̃mo̱, ni ame̱ahũ tamo̱ dšatabii, ni ame̱aši ame̱sẽṅ ni ame̱amō ame̱mīle̱lo le̱ ni ame̱awó ke̱-ate, ni dšielo̱ ko be̱.

³⁰ Ni aagbè̱ awole̱ nakai gbĩ le̱ tamo̱ ṅšo̱ gbē̱o̱: ni ke̱ akwe̱ šikpoṅ le̱, na duṅ ke̱ aw̌ere̱hō so̱ṅṅ, ni la hũ aawo duṅ ye̱ eblo̱tuĩ le̱ amli.