Yesaia 46 - Ṅmãle̱ Kroṅkroṅ Le̱

¹ Bel eba ši, Nebo ekoto ši; ame̱mãgãi le̱ ake̱-hã gbe̱ſā̃ koloi ke̱ dšatšutẽremo̱ koloi: nii ni nyetĕreo̱ ke̱-foo̱ ši le̱ etšṍ dšatšu ke̱ tšĩmo̱ ní hãa to̱ö̱ame̱. Ier. 50,2.

² Ame̱koto ši, ame̱fẽ ame̱ba ši; ame̱nyẽẽ dšatšu le̱ ame̱dšie, ni ame̱dientše̱ le̱, aṅõame̱ nom.

³ Nyeboami toi, nye Iakob we, mei fẽ ní eſe̱ ye̱ Israel we le̱, nye mei ní mihĩenye ke̱-dše̱ mũsũṅ bēbe, ní mitĕre-nye ke̱-dše̱ fo̱mo̱he le̱;

⁴ nĩ ke̱-yaši *gbo̱le̱ mli le̱, mi noṅṅ ni, ni ke̱-yaši waṅdšē mli hũ mi noṅṅ matĕre: mi mife, ni mi noṅṅ mahĩe, mi noṅṅ matĕre, ni madšie. *Lal. 71,12.

⁵ Namo he nyeke̱mi aato, ni eke̱mi aaye egbo̱? Namo nyeke̱mi aasusu ni eke̱mi aafe pe̱? 44,9-20.

⁶ Ame̱fo̱teo̱ šika ke̱-dše̱o̱ fotro mli ame̱ſieo̱ ši, ní ame̱ṅmẽo̱ dſie̱te̱i hũ ye̱ nsẽni mli; ame̱be̱ö̱ šikaṅālo̱ apã ni efeo̱ nyoṅmo̱ ko ni ame̱kotoo̱ ši ni ame̱dšáalo̱!

⁷ Ame̱ṅõo̱le̱ ame̱tſaä ame̱kõṅ, ame̱tĕreo̱le̱ ni ame̱ke̱le̱ yamãa emā̃he, ni emãa ši, etšĩi ehe ke̱-dše̱e̱ emā̃he le̱: eblo̱ö̱ atšé̱o̱le̱, ši eheree no̱; enyẽẽ mo yiwala ehere ke̱-dše̱ haomo̱ mli.

⁸ Nyekaia ene̱, ni nyefĩa ši; nyeke̱woa nyetšuiiaṅ, nye no̱tõlo̱i!

⁹ Nyekaia blemanii ní dše̱ tetēte le̱, ake̱ mi noṅṅ midši Mawu, ni moko be̱ se̱ doṅṅ, midši Nyoṅmo̱, ni mokomoko tamo̱o̱mi; 44,6.

¹⁰ mi ní midše̱o̱ šišidšē le̱ midšadšeo̱ nāgbēnii le̱, ni midše̱o̱ blema bēbe midšadšeo̱ nii ní anáko afe le̱; mikē̱o̱ ake̱: Miyiṅtō le̱ aaba mli, ni nibii fẽ ní sa mihĩe le̱ mafe! 42,9.

¹¹ Mītšé̱ okropoṅ ko ke̱-mīdše̱ bokã, ke̱ miyiṅtō nā nū le̱ ke̱-mīdše̱ maṅse̱ šoṅṅ. Mi miwie, ni mi noṅṅ mahã aba mli; mito miyiṅ, ni mafe hũ! 41,2.

¹² Nyeboami toi, nye tšuisalo̱i, ní nyeke̱ dšale̱ teṅ edšeke̱ le̱!

¹³ Mike̱ midšale̱ le̱ ebe̱ṅke̱, ebe̱ šoṅṅ, ni miyiwalaheremo̱ le̱ hũ etše̱ṅ. Ni mike̱ yiwalaheremo̱ aahã ye̱ Zion, ni mike̱ minumnyam le̱ aahã Israel.