Yesaia 44 - Ṅmãle̱ Kroṅkroṅ Le̱

¹ Ši agbe̱ne̱, bo toi, mitšũlo̱ Iakob, bo Israel ní mihalao! 41,8.

² Bo̱ni Iehowa, moni feo, mo hũ ní šõo ní eye ebuao ke̱-dše̱ onye mũsũṅ bēbe le̱, kē̱ ne̱: Kāše gbeyei, mitšũlo̱ Iakob, ke̱ bo *Iešurun ní mihalao! *5 Mose 32,15; 33,5. 26.

³ Ši mike̱ nu aaſie mei ní kũmai yeo̱ame̱ le̱ ano̱, ke̱ fāi hũ ye̱ šikpoṅ gbĩṅ no̱: mike̱ mimumo̱ le̱ aaſie oseši no̱, ke̱ midšō̱mo̱ hũ ye̱ oſīei ano̱; 32,15. Ioel 3,1.

⁴ ni ame̱akwẽ ye̱ dſe̱i ateṅ, tamo̱ fā nā kpãi yo̱ fāi atoi.

⁵ Mone̱ aakē̱ ake̱: Iehowa nõ dšimi, ni mone̱ hũ, aaṅõ Iakob gbe̱i le̱ awo ehe; ni moko hũ ke̱ enine aaṅmã ake̱ Iehowa nõ dšile̱, ni eeṅõ Israel gbe̱i ewo ehe.

⁶ Bo̱ni Iehowa, Israel maṅtše̱ ke̱ ekpõlo̱, ní dši Iehowa Zebaot le̱, kē̱ ne̱: *Midši kleṅkleṅmo ke̱ se̱kpēmo, ni Nyoṅmo ko be̱, †dša mi! *41,4. †43,11.

⁷ Ni namo tamo̱mi, ke̱-dše̱ beyino̱ ní mito blema maṅ le̱? Hã edše kpo ni ebadšadše ni eke̱-mãmo̱ mihĩe; *ni ame̱-dšadše wó̱se̱ sãdši ke̱ sãdši ni baba le̱ ame̱tšõ! 41,22.

⁸ Nyehe akakpokpoa ni nyekašea gbeyei! Ani dšee blema bēbe midse̱ midšadše mitšõnye ni mihã nyenu? Ni nyedši midasefoi! Ani mise̱ le̱ Nyoṅmo̱ ko ye̱? Ni te̱sã ko hũ be̱: milee eko!

⁹ Amãgãfelo̱i le̱ fẽ efe yaka, ni ame̱tšuihenii le̱ ehĩĩ hãã noko; ni ame̱dientše̱ ame̱yeo̱ ame̱he odase ake̱ ame̱naa nii ni ame̱lee nii, hewo̱ le̱ ame̱hĩe aagboi.

¹⁰ Namo ešõ nyoṅmo̱ ko pẽṅ, lo eſie amãgã ko, ní ehĩĩ hãã noko kwrā? 45,16. Ier. 10,3-16. Lal. 115,4-5.

¹¹ Na, ame̱nanemei le̱ fẽ hĩe aagboi; ši ṅālo̱i le̱, gbomei ateṅ noṅṅ ame̱dše̱: kē̱ ame̱fẽ ame̱nā bakpe ši ni ame̱damo̱ ši le̱, ame̱he aakpokpo, ni ame̱hĩe aagboi! 42,17.

¹² Sõlo̱ tſaä dade nā, ni eke̱ ṅãi-ke̱-la tšuo̱ he nii, ni eke̱ hamle sõo̱, ni eke̱ eninešiwale̱ tšuo̱ he nii; hõmo̱ yeo̱le̱ ni ehewale̱ tãa, enuu nu hũ, hewo̱ le̱ eto̱ö̱ biti! 40,18-20.

¹³ Tšogbo̱lo̱ tſaä kpã, eke̱ kadimo̱nii kadio̱, ni eke̱ ṅādade gbo̱ö̱ he, ni eke̱ kompase kadio̱; efeo̱le̱ tamo̱ gbomo su, tamo̱ gbomo hefe̱o, ní ehĩ ši ye̱ šĩa.

¹⁴ Eyatōo̱ tšenedrutšei ehãa ehe, ni eṅõo̱ aplo ke̱ odum hũ, ni ehalaä kō le̱ṅ tšei le̱ ateṅ eko, ete̱oo̱ se̱se̱o hũ ni nyoṅmo̱ne̱mo̱ hãa edaä;

¹⁵ ni etšṍo̱ lai ehãa gbomo: eṅõo̱ eko ew̌ereo̱, eše̱reo̱ eko ni eṅõ-šãa abolo; ni eṅõo̱ no noṅṅ eko efeo̱ nyoṅmo̱, ni edšáa! eke̱ eko feo̱ amãgã, ni akotoo̱le̱!

¹⁶ Ešăa fã ye̱ la mli; eyeo̱ lō hũ ye̱ fã no̱; eflo̱oo̱ lō ye̱ no̱ ni eyeo̱ eto̱ö̱; ew̌ereo̱ ni ekē̱o̱ ake̱: Yie̱! mihe edo̱, mina la!

¹⁷ Ši noni eſe̱ le̱, eke̱-feo̱ nyoṅmo̱, emãgã: ekotoo̱le̱, edšáale̱ ni eso̱leo̱ etšē̱o̱-le̱, ni ekē̱o̱ ake̱: Dšiemo̱mi, edšake̱ bo dši minyoṅmo̱!

¹⁸ Ame̱lee noko, ni ame̱naa nā hũ, edšake̱ eſila ame̱hĩṅme̱ii, ni ame̱kana nii, ke̱ ame̱tšuĩi hũ, ni ame̱kayo se̱!

¹⁹ Ni mokomoko dſẽṅmo̱ baa no̱, asaṅ nilē lo sanese̱ko̱mo̱ ko be̱, ni aakē̱ ake̱: Mišã fã ye̱ laṅ, ni mišã abolo hũ ye̱ eṅãi le̱ no̱, ni miflo̱o lō ye̱ no̱ miye; aso maṅõ noni eſe̱ le̱ mafe nihĩnii? aso makoto ši mahã tšokuku lo?

²⁰ Moni nyieo̱ lamlu se̱ le̱, tšui ní ašišiu mīhã ēdū gbe̱, ni enyẽṅ esusuma edšie, ni ekē̱ṅ ake̱: Aso dšee apasa yo̱ mininedšŭrõ ne̱?

²¹ Kaimo̱ ene̱mei, Iakob, ke̱ Israel hũ, edšake̱ *mitšũlo̱ dšio! ni †mišõo, ni mitšũlo̱ dšio; ō Israel, mihĩe kpaṅ ono! *41,6. †K. 2.

²² *Migbe onõfõṅfemo̱i le̱ tamo̱ atatu ko, ke̱ ohe ešai le̱ hũ tamo̱ afua ko: Kpalemo̱ ke̱-ba miṅõ, ši mikpõo! *1,18; 43,25.

²³ Nyelaä nyã́mo̱ lala, nye ṅweii, edšake̱ Iehowa efe! Nyeboa oše, nye šikpoṅ le̱ šišigbe̱i le̱! Nyewóa nyã́mo̱ lala no̱, nye gõdši, kō ke̱ emli tšei le̱ fiä; *edšake̱ Iehowa ekpõ Iakob, ni ehĩe eba nyam ye̱ Israel mli! 49,13; 55,12. Lal. 96,11.

²⁴ Bo̱ni Iehowa, okpõlo̱ le̱, ke̱ moni šõo ke̱-dše̱ onye mũsũṅ le̱, kē̱ ne̱: Mi, Iehowa, dši moni feo̱ nibii fẽ, moni eko-metō egbleo̱ ṅwei mli, ni elē̱o̱ šikpoṅ le̱ mli, ni moko fataa ehe le̱;

²⁵ moni hãa amale gbalo̱i akadii feo̱ yaka, ni ehãa klamo̱i yeo̱ se̱ke̱; moni kũo̱ nilelo̱i anā, ni ehãa ame̱nilē le̱ tšṍo̱ kwašiafemo̱; 29,14.

²⁶ moni mãa etšũlo̱ wiemo̱ no̱ mĩ́, ni ehãa ebo̱foi agbale̱ baä mli; moni kē̱o̱ ye̱ Ierusalem he ake̱: Mei aahĩ emli! ke̱ Iuda mãdši le̱ ake̱: Aamãmo̱ame̱, ni matē emaṅfõ le̱ ši mamã ši! le̱;

²⁷ moni kē̱o̱ bu kwo̱ṅkwo̱ṅ le̱ ake̱: Omli agbī! ni mahã ofāi le̱ hũ amī̃ le̱! 2 Mose 14,21. Ios. 3,9-17.

²⁸ Moni kē̱o̱ ye̱ *Koreš he ake̱: Mitōkwe̱lo̱ dšile̱! ni eehã nii ni sa mihĩe le̱ fẽ aba mli, ni eekē̱ ye̱ Ierusalem he ake̱: Aamãle̱! ke̱ so̱lemo̱we le̱ hũ ake̱: Aato šiši! le̱. *45,1. Ezra 1,1-3.