Yesaia 42 - Ṅmãle̱ Kroṅkroṅ Le̱

¹ Na, *mitšũlo̱ moni mihĩe emli, moni mihala ni †mináa ehe tšui le̱! Mike̱ Mimumo̱ le̱ eſie eno̱, ni eke̱ kodšomo̱ aate ayahã dšeṅmãdši le̱. *49,1-6; 52,13; Kwe̱ 41,8. Mat. 12,18-21. †Mat. 3,17.

² Eblo̱ṅ ni ewóṅ egbē no̱, ni ehãṅ anu egbē ye̱ blohũiaṅ.

³ Gălã ní amĩa le̱, ekūṅ, ni kane mli odonti ní tšoo̱ enii le̱, egbeṅ, ni eedšie kodšome̱ kpo ye̱ ano̱kwale nā. Lal. 34,19.

⁴ Esane nā edšo̱ṅ, ni enidšiaṅ edšeṅ wui ke̱-yaši beyino̱ ní eke̱ kodšomo̱ aamã ši ye̱ šikpoṅ le̱ no̱, ni ṅšo̱kpo̱i le̱ aakwe̱ emla le̱ gbe̱.

⁵ Bo̱ni Nyoṅmo̱ Iehowa, — moni bo̱ ṅwei ni egble mli, ní elē̱ šikpoṅ ke̱ emli nibānii le̱ amli, ni eke̱ susuma hãa eno̱ bii le̱, ní eke̱ mumo̱ hãa mei ni nyieo̱ no̱ le̱, — kē̱ ne̱:

⁶ Mi, Iehowa, mitšé̱o ye̱ dšale̱ mli, ni mimõ onine mli, ni mibā oyi ni miṅõo mife maṅ le̱ kpãṅmo̱ ke̱ dšeṅmãdši le̱ ala; 49,6. 8.

⁷ koni ogble ſilafoi ahĩṅme̱ii, ni odšie mei ni awoame̱ tšũṅ ke̱ mei ní trá duṅ mli le̱ hũ ke̱-dše̱ gbokle̱foiatšũ le̱ṅ. 35,5.

⁸ *Midsi Iehowa, migbe̱i dši no, †ni mike̱ minumnyam le̱ hãṅ mokroko, ni mi-ke̱ miyidšiemo̱ le̱ hũ hãṅ amãgãi! *2 Mose 3,16. †Ies. 48,11.

⁹ Na, tšutšunii le̱ eba mli, ni nibii hēi midšadšeo̱ ne̱, mīhã nyenu he dãni epue. 41,2. 27.

¹⁰ Nyelaä lala hē nyehãa Iehowa, nyelaä nyedšiea eyi ke̱-dše̱a šikpoṅ le̱ nāgbēhe le̱! Nye mei ni nyenyieo̱ ṅšo̱ hĩe, ke̱ nibii fẽ ní yo̱ emli le̱, ṅšo̱kpo̱i le̱, ke̱ mei ni hĩo̱ no̱ le̱!

¹¹ Nyehãa ṅã ke̱ eno̱ mãdši le̱ aholea ame̱gbẽi ano̱, ke̱ akrowai ní Kedar yo̱ mli le̱; nyehãa mei ni hĩo̱ te̱sāi amli le̱ alaä nyã́mo̱ lala, nyehãa ame̱bo̱ oše ke̱-dše̱a gõdši le̱ ayiteaṅ!

¹² Ame̱ke̱ anumnyam ahã Iehowa, ni ame̱dšadše eyidšiemo̱ le̱ ye̱ ṅšo̱kpo̱i le̱ ano̱!

¹³ Iehowa aafã tamo̱ kãkãlo̱ ko, eetē hĩedō̱ ši tamo̱ tabilo̱; eeblo̱ ni eebo̱ oše; eke̱ ehenye̱lo̱i le̱ aaye dẽṅdẽṅ!

¹⁴ Mibu minā āhũ, mife diō, mimĩa mihĩe: ši mablo̱ tamo̱ yō ní kõmoo̱, makẽmo̱ ni mamũ hē̱hē̱.

¹⁵ Makpãtã gõdši ke̱ goṅkpo̱i ahĩe, ni mahã ame̱no̱ dſe̱i fẽ agbĩ, ni mahã fāi atšṍmo̱ fākpo̱i, ni mahã kpākpoi hũ amī̃!

¹⁶ Ni mike̱ ſilafoi aatšṍ gbe̱ ko ní ame̱lee no̱, ni mahã ame̱nyie tempõṅ ko ní ame̱lee no̱; maṅõ duṅ mafe la ye̱ ame̱hĩe, ni heni yo̱ dokoidokoi le̱ mahã afe tre̱nē̱. Nii ne̱ mafe mahãame̱ ni miṅmē̃ṅ he. 35,5. 8.

¹⁷ Ši mei ní ke̱ ame̱hĩe fōo̱ amãgãi ano̱, ni ame̱kē̱o̱ amãgãi ní aſie ake̱. Nyedši wo̱nyoṅmo̱i le̱! ame̱akũ ame̱se̱, ni ame̱hĩe aagboi. 44,9-20.

¹⁸ Nye toimũlo̱i, nyeboa toi; nye ſilafoĩ, nyekwe̱a ní nyenaä nii! 43.8.

¹⁹ Namo eſila tamo̱ mitšũlo̱ le̱? Namo emũ toi tamo̱ mibo̱fo ní mitšũ le̱? Namo eſila tamo̱ moni ke̱mi bo̱ nanyo le̱? Namo eſila tamo Iehowa tšũlo le̱? 41,8.

²⁰ Ona nibii babaō, ši oyoo; etoii anā kã, ši enuu nii. 53,1.

²¹ Esa Iehowa hĩe ye̱ edšale̱ le̱ hewo̱, ake̱ eehã mla le̱ ada ni eewo ehĩe nyam.

²² Ši le̱ le̱, maṅ ní atſale̱ odšo ní ahale̱ ni; adũame̱ fẽ ye̱ bui amli, aṅõ-ame̱ atē gbokle̱foiatšũiaṅ; amõmo̱ame̱, ni dšielo̱ ko be̱; ahaame̱, ni moko be̱ ni kē̱o̱ ake̱: Oke̱-kũ se̱ ohã!

²³ Nyeteṅ namo aabo ene̱ toi? ni eka etoi ní enu nii ní baba le̱?

²⁴ Namo ke̱ Iakob hã ní ahale̱, ni eke̱ Israel hã odsotſalo̱i? Ani dšee Iehowa ní wo̱fe eša wo̱šile̱ le̱ ni, moni ame̱kplẽẽ egbè̱i le̱ ano̱ nyiemo̱, ni ame̱boo emla le̱ toi le̱?

²⁵ Nohewo̱ le̱ efo̱se mlifũ ní nā wa ke̱ ta ní mli wa hũ eſie ame̱no̱; ni eše̱re la ewo ame̱he ke̱-kpe, ši ame̱lee; ešãame̱, ši ame̱ke̱-woo ame̱tšui mli.