Yesaia 40 - Ṅmãle̱ Kroṅkroṅ Le̱

¹ Nyeše̱dšea, nyeše̱dšea mimaṅ le̱ mī! nye-Nyoṅmo̱ le̱ kē̱!

² Nyeke̱ *Ierusalem awiea tšuidšŭrõ nā, ni nyedšadšea nyetšōale̱, ake̱ agbe etawū be le̱ nā, ake̱ ake̱ enišaianii le̱ efale̱, ake̱ ená †toi enyo̱ ke̱-dše̱ Iehowa deṅ ye̱ ehe ešai le̱ fẽ hewo! *Hos. 2,16. †Zak. 9,12.

³ Moko gbẽ mībo ye̱ ṅã le̱ no̱ ake̱: Nyedšea Iehowa gbe̱ le̱, nyedšadšea gbe̱dšegbe̱ ko ye̱ ṅã kpatā le̱ ne̱ nyehãa wo-Nyoṅmo̱ le̱! Luk. 3,4-6. Ioh. 1,23.

⁴ Awó dšō̱-fẽ-dšō̱ no̱, ni ahã gõdši ke̱ ṅmeṅmei fẽ aba ši, ni ahã hei ní yo̱ dokoidokoi le̱ afe tre̱nē̱, ni hei ní yo̱ gõdšigõdši le̱ afe kplanā.

⁵ Ni adšie Iehowa anumnyam le̱ kpo, ni helo fẽ-tſẽm ana; Edšake̱ Iehowa nā ene̱ dše̱!

⁶ Gbē ko kē̱: Blo̱mo̱! Ni ekē̱: Té miblo̱ mikē̱ tẽṅ? *Helo fẽ le̱ dſe̱i ni, ni ehefe̱o le̱ fẽ tamo̱ ṅãno̱ fo̱fo̱i: *1 Pet. 1,23-25. Iak. 1,10. 11. Lal. 90,5. 6.

⁷ dſe̱i gbĩo̱, fo̱fo̱i hũ ṅălãa; edšake̱ Iehowa mumo̱ ní emũo̱ le̱ tſaä ke̱-tšṍo̱ no̱. Le̱le̱ṅ, dſe̱i dši maṅ le̱!

⁸ Dſe̱i gbĩo̱, ni fo̱fo̱i hũ ṅălãa: ši wo̱-Nyoṅmo̱ le̱ *wiemo̱ le̱ aadamo̱ ši ke̱-ate nāno̱! *Lal. 119,89. Luk. 21,33.

⁹ Kwo̱ ke̱-ya goṅ ni kwo̱ ko no̱, bo sanekpakpadšadšelo̱ Zion! wó ogbē no̱ ke̱ hewale̱, sanekpakpadšadšelo̱ Ierusalem! Wó no̱, kāše gbeyei; kē̱mo̱ Iuda mãdši le̱ ake̱: Na, nye-Nyoṅmo̱ le̱ ne̱!

¹⁰ Na, Nuṅtšo̱ Iehowa miba ke̱ hewale̱, ni enine le̱ aaye no̱ ahãle̱; na, ehĩe enyõmo̱wo le̱ ke̱-mība, ni enãdšiaṅtō le̱ nyie ehĩe! 62,11.

¹¹ Eelè̱ etōiku le̱ tamo̱ tōkwe̱lo̱; eehĩe etōbii le̱ ye̱ ekpo̱ko̱iaṅ, ni eeholeame̱ ešãkã etšitši, ni tōnyemei le̱ hũ, eekplaame̱ ble̱ō. Ioh. 10,11. 12.

¹² Namo susuo̱ nui le̱ ye̱ eko̱ko̱ṅ, ni eke̱ klakate susuo̱ ṅweii, ni eke̱ kāṅõ kaä šikpoṅ sũ, ni eṅmẽo̱ gõdši le̱ ye̱ nsẽni mli ke̱ ṅmeṅmei hũ ye̱ niṅmē̃nii amli?

¹³ Namo kaä Iehowa Mumo̱ le̱ ekwe̱o̱, ni mẽ ṅāwolo̱ tšōo̱le̱ nii? 1 Kor. 2,13. Rom. 11,34.

¹⁴ Namo eke̱-too̱ adšina, ni etšõo̱le̱ nii, ni etšõo̱le̱ kodšomo̱ gbe̱, ni etšõo̱le̱ nilē, ni ehãa eleo̱ sanese̱ko̱mo̱ gbe̱?

¹⁵ Na, dšeṅmãdši le̱ tamo̱ nukuli ye̱ blagē he, ni abuo̱ame̱ tamo̱ mlukuli ní kpe̱te̱ nsẽni he; na, eholeo̱ ṅšo̱kpo̱i le̱ ano̱ tamo̱ mlu!

¹⁶ Ni Lebanon še̱e̱ lai ní ašãa, ni emli koloi le̱ hũ še̱e̱ šā̃-afo̱le.

¹⁷ Dšeṅmãdši le̱ fẽ dšee noko ye̱ ehĩe, ebuo̱ame̱ ake̱ ame̱dšee fē̱ifē̱i ke̱ yakayakanii hũ.

¹⁸ Bĕle̱ namo he nyeke̱ Mawu aato mo̱, ni mẽ subãṅ nyeke̱-ato ehe? 44,9-20. Bo̱f. 17,29.

¹⁹ Amãgã le̱, ṅālo̱ ſieo̱, ni šikaṅālo̱ haä he šika, ni eke̱ dſie̱te̱i kõsõṅkõsõi woo̱le̱.

²⁰ Moni be̱ nakai kēnii le̱ eko le̱, ehalaä tšo ko ní kpo̱to̱o̱; etaoo ṅālo̱ ko ni le ṅā ehãa ehe, ni egbo̱ö̱ amãgã ní hosoo!

²¹ Ani nyelee ni nyenuko hũ? ani agbakonye ke̱-dše̱ šišidšē? ani nyenako šikpoṅ le̱ šišitōi le̱ anā?

²² Le̱ etá šikpoṅ le̱ yiteṅ ati le̱ no̱, ni eno̱ bii le̱ tamo̱ agāi; le̱ *elē̱o̱ ṅwei mli tamo̱ muhō̱, ni ešiole̱ tamo̱ bū ní ahĩo̱ mli; *Lal. 104,2.

²³ le̱ ehãa lume̱i feo̱ ſe̱m, ni ehãa šikpoṅ no̱ kodšolo̱i hũ tšṍo̱ yakayakanoko.

²⁴ Amrō pe̱ ní ate̱oame̱ le̱, amrõ pe̱ ni adũame̱ le̱, amrõ pe̱ ní ame̱tšo le̱ tšẽ fã ye̱ šikpoṅ le̱: etſaä ke̱-tšṍo̱ ame̱no̱ ni ame̱ṅălãa, ni lasũogbĕle lōo̱ame̱ ke̱-yaã tamo̱ tutū.

²⁵ Bĕle̱ namo he nyeke̱mi aato, ni eke̱mi aaye egbo̱? Mokroṅkroṅ lo̱ kē̱.

²⁶ Nyeholea nyehĩṅme̱ii ano̱ ke̱-yaä ṅwei, ni nyekwe̱a: Namo bo̱ ene̱mei? Le̱ moni edšieo̱ ame̱safo le̱ kpo ye̱ yibo̱ nā, ni etše̱o̱ ame̱fẽ *ke̱ ame̱gbe̱ii; enyẽmo̱ ní fá ke̱ ehewale̱ kple le̱ hewo̱ le̱ ame̱teṅ ekomeflo po eſe̱e̱. *Lal. 147,4.

²⁷ Bĕle̱ bo Iakob, mẽba okē̱o̱, ni bo Israel, owieo̱ ake̱: Aṅõ migbe̱ le̱ atē Iehowa, ni mikodšomo̱ eho mi-Nyoṅmo̱ le̱ hĩe le̱?

²⁸ Ani olee, ani onuko? nāno̱ Nyoṅmo̱ le̱, Iehowa *ní bo̱ šikpoṅ le̱ nāgbēhei le̱, egbo̱dšo̱o̱ ni asaṅ eto̱o̱le̱, ni †edſẽṅmo̱ le̱ anyẽẽ mli atao. *45,12. †K. 18.

²⁹ Le̱ ehãa moni egbo̱dšo̱ lo̱ hewale̱, ni moni be̱ nyẽmo̱ le̱ ehãa ehewale̱ fáa.

³⁰ Oblahĩĩ ní edše no̱ le̱, ame̱gbo̱dšo̱ö̱ ni eto̱ö̱ame̱, ni mei ní eše̱ oblahĩĩ tete le̱, ame̱gbēgbēo̱ ši;

³¹ ši mei ní hĩe kã Iehowa no̱ le̱ náa hewale̱ hē, ame̱holeo̱ ame̱fĩdši ano̱ tamo̱ *okropoṅi, ame̱dšoo̱ foi, ni eto̱o̱amo̱, ame̱nyieo̱ hũ, nĩ ame̱gbo̱dšo̱o̱. *Lal. 103,5.