Yesaia 29 - Ṅmãle̱ Kroṅkroṅ Le̱

¹ Kpóo hã *Ariel, Ariel, maṅ heni David bo̱ nsra ye̱ le̱! Nyeke̱ afi afataä afi he, nyehãa gbĩĩ dšudši le̱ abo̱lea ši! *K. 7. 8.

² ši mahã efī Ariel, ṅko̱mo̱yeli ke̱ aw̌ere̱hō aaba, ni eetšṍ tamo̱ Ariel ehãmi!

³ Ni mabo̱ nsra mawo ohe ke̱-akpe, ni mike̱ bulo̱i aabo̱leo ke̱-akpe, ni matſa káwō gbogboi mawo ohe. Luk. 19,43.

⁴ Ni aabao ši, šikpoṅ oowie ke̱-adše̱, owiemo̱ aagbē̱ ble̱ō ke̱-adše̱ sũ mli; ogbẽ aafe tamo̱ sisa nõ ke̱-adše̱ šikpoṅ, ni owiemo̱ aafe able̱bi ke̱-adše̱ sũ mli.

⁵ Ni ohenye̱lo̱i le̱ ayifále̱ aafe tamo̱ mlu bo̱do̱bo̱do̱, ni yiwalo̱i le̱ ayifále̱ aafe tamo̱ tutū ní hoo̱ ke̱-yaä; ni ene̱ aaba trukā ye̱ hĩṅme̱itſā mli.

⁶ Ni Iehowa Zebaot aabasrao ke̱ nyoṅmo̱šimo̱ ke̱ šikpoṅhosomo̱, ke̱ gbē̱mo̱ kpeteṅkple, ke̱ lasũogbĕle ke̱ ahum, ke̱ *lalile̱i ní šãã nii. *30,30.

⁷ Ni dšeṅmãdši fẽ asafo yū ni ke̱ Ariel wuo̱ le̱, mei fẽ ní ke̱le̱ ke̱ emō̃ le̱ wuo̱ le̱, ke̱ mei ní haoo̱le̱ le̱ aatšṍ tamo̱ nyōṅ lamõ mli ninã.

⁸ Ši tamo̱ bo̱ni moni hõmo̱ yeo̱le̱ làa, ni na, ēye nii, ni beni ehĩe aatšẽ le̱, esusuma kã eflo: lo tamo̱ bo̱ni moni kũmai yeo̱le̱ láa, ni na, ēnu nu, ni beni ehĩe aatšẽ le̱, eto̱ biti ni esusuma mīſe nu lolo le̱: nakai dšeṅmãdši fẽ asafo yū ni ke̱ Zion goṅ le̱ wuo̱ le̱ aafe!

⁹ Nyehe adšõa nyehe ni nyenā akpe̱a nyehe! nyeſĩlaä nyehe ni nyetšṍmo̱a ſilafoi! Ame̱tŏ̱ro̱ dā̃, ši dšee ke̱ wein; ame̱mīdidã, ši dšee ke̱ dā̃ ní wa.

¹⁰ Ši moṅ Iehowa efo̱se wo̱ ní mli tšī mumo̱ eſie nyeno̱, ni eṅã́mo̱ nyehĩṅme̱ii ní dši gbalo̱i le̱, ni nyeyitšei ní dši ninalo̱i le̱ eha ame̱no̱. 6,10; 19,14. Rom. 11,8.

¹¹ Ni ene̱mei ahe ninā le̱ etšṍ tamo̱ wolo ko ní aso̱o nā mli wiemo̱i ehãnye: ké̱ ake̱ ne̱ke̱ wolo ne̱ hã woloṅlelo̱ ko ake̱: Kanemo̱ ene̱! le̱, ebakē̱ ake̱: Mi-nyẽṅ, edšake̱ aso̱o nā!

¹² ni ké̱ ake̱ wolo le̱ hã moni lee woloṅ ake̱: Kanemo̱ ene̱! le̱, ebakē̱ ake̱: Milee woloṅ!

¹³ Ni Nuṅtšo̱ le̱ kē̱: Ake̱ noni ne̱ke̱ maṅ ne̱ be̱ṅke̱o̱mi ke̱ *ame̱dā ke̱ke̱, ni ame̱ke̱ ame̱nābu ke̱ke̱ woo̱mi, ši ame̱tšui etši ehe ke̱-dše̱ mihe ke̱-te šoṅṅ, ni gbeyei hũ ní ame̱šeo̱mi le̱ gbomei akitã ní ame̱kase ke̱ke̱ ni, *1,15; 58,2. 3. Mat. 15,39.

¹⁴ hewo̱ le̱, na, mike̱ ne̱ke̱ maṅ ne̱ aaye nākpe̱ sane, nākpe̱ sane ke̱ sane ní hãa mo he dšõo̱ ehe, ni ame̱nilelo̱i le̱ anilē aafite, ni ame̱hĩetẽlo̱i le̱ ahĩetē̃ le̱ aalādše! 44,25. 1 Kor. 1,19.

¹⁵ Kpóo hã mei ní ṅõo̱ ame̱yiṅtōi ame̱tẽo̱ Iehowa gbidigbidi, ni ame̱nitšumo̱i yo̱ duṅ mli, ni *ame̱kē̱o̱ ake̱: Namo naäwo̱, lo namo le wo̱? le̱! *Lal. 10,11.

¹⁶ Nyemīfe ašĩtū! Aso aabu gbe̱šõlo̱ le̱ tamo̱ sũ? ni nō ní afe le̱ aakē̱ ye̱ moni fele̱ le̱ he ake̱: Dšee le̱ efemi! lo nõ ní ašõ le̱ aakē̱ ye̱ moni šõle̱ le̱ he ake̱: Elee noko? *45,9.

¹⁷ Nto eſe̱ fiō ke̱ke̱ ní Lebanon aatšṍ *abō̱, ni abō̱ le̱ hũ aabule̱ kō? *32,15.

¹⁸ Nakai gbĩ le̱ no̱ le̱ toimulo̱i tete aanu wolo le̱ mli wiemo̱i le̱, ni *ſilafoi ahĩṅme̱ii hũ aadše̱ kusūfemo̱ ke̱ duṅ mli ana nii; *35,5.

¹⁹ ni mei ní nii yo̱ mo̱bo̱ le̱ hũ aaná mīše̱ ye̱ Iehowa mli, ni gbomei ateṅ ohĩafoi amli aafliame̱ ye̱ Israel Mokroṅkroṅ le̱ mli.

²⁰ Edšake̱ yiwalo̱i le̱ aatã, ni hefe̱oyelo̱i le̱ ase̱ aafo, ni mei fẽ ni šio̱ kpe ye̱ nõša hewo̱ le̱ aaflo̱ame̱ aſie,

²¹ ke̱ mei hũ ni hãa mo tõo̱ ye̱ sane mli, ni ame̱tšõ̀o̱ moni *kodšoo̱ame̱ le̱ tšōne ye̱ agbó nā, nĩ ame̱ke̱ yakayakasane tšṍo dšalo̱ sane hĩe ame̱buo̱ ši lo̱. *Amos 5,10.

²² Nohewo̱ le̱ bo̱ni Iehowa, moni kpõ Abraham le̱, kē̱ ye̱ Iakob we le̱ he ne̱: Agbe̱ne̱ Iakob hĩe gboṅ doṅṅ, ehĩe eſieṅ ši doṅṅ.

²³ Ši ké̱ le̱ ke̱ ebii le̱ na mininenā nitšumo̱i le̱ ye̱ ame̱teṅ le̱, ame̱ahã migbei le̱ afe kroṅkroṅ, ni ame̱ahã Iakob Mokroṅkroṅ le̱ afe kroṅkroṅ, ni ame̱aše Israel Nyoṅmo̱ le̱ gbeyei.

²⁴ Nĩ mei ní dũo̱ gbe̱ ye̱ mumo̱ mli le̱ aaná dſẽṅmo̱, ni mei ní wieo̱ hũhū̃hũ lo̱ aakase nilē,