Yesaia 28 - Ṅmãle̱ Kroṅkroṅ Le̱

¹ Kpóo hã Efraim dā̃to̱lo̱i le̱ ahewō akekre le̱, ke̱ enumnyam fo̱fo̱i fe̱fe̱o ni ṅă-lãa, ní yo̱ mei ní etŏ̱ro̱ ke̱ wein le̱ adšō̱ ní baä nii le̱ yiteṅ le̱!

² Na, Nuṅtšo̱ le̱ ye̱ hewalo̱ ke̱ kã-kãlo̱ ko ní tamo̱ nyoṅmo̱ṅte̱ ní ne̱o̱, tamo̱ ahum ni kpãtãa nii ahĩe, tamo̱ nyoṅmo̱ne̱mo̱ ke̱ nu babaō ní hoo̱ lulūlu, le̱ eke̱ enine aaṅõame̱ atſia ši!

³ Ni Efraim dā̃to̱lo̱i ahewō akekre le̱ ake̱ nãdši aanānā no̱;

⁴ ni enumnyam fo̱fo̱i fe̱fe̱o ní ṅălãa ní yo̱ dšō̱ ní baä nii lo̱ yiteṅ le̱ aatšṍ tamo̱ agbãmi ní tšu mrã dãni še̱ tšule̱-be, ni mofẽmo ní aana le̱, edeṅ ní eše̱o̱ pe̱ le̱, eye.

⁵ Nakai gbĩ le̱ no̱ le̱ Iehowa Zebaot aatšṍ akekre fe̱fe̱o ke̱ anumnyam fai ehã emã le̱ṅ mei ní aaſe̱ le̱,

⁶ ke̱ kodšomo̱ mumo̱ hũ hã moni táa ši kodšoo̱ le̱, ke̱ hewale̱ hũ hã mei ní ſieo̱ ta ke̱-yaä agbó nā le̱.

⁷ Ši mene̱mei hũ mīdidã ke̱ wein, ni dā̃ ní wa ewoame̱ se̱ke̱! Oso̱fo ke̱ gbalo̱ fẽ mīdidã ke̱ dā̃ ní wa, wein emĩame̱ po, dā̃ ewoame̱ se̱ke̱, ame̱mīdidã ye̱ ni-nā mli, ame̱mīhaha momo ye̱ saneyeli mli.

⁸ Edšake̱ okplõi le̱ fẽ no̱ eyimo̱ obõ to̱ ke̱ ſē ke̱ mũdši so̱ṅṅ ní gbe̱ be̱ doṅṅ.

⁹ “Bĕle̱ namo nilẽ ebatšõ mo̱? ni namo eehã enu sane le̱ šiši? mei ní etše fufo̱, lo mei ní atšeame̱ fufo̱ le̱?

¹⁰ Edšake̱ [ame̱kē̱o̱ ake̱]: mla nyie mla se̱, mla nyie mla se̱; akpo̱ nyie akpo̱ se̱, akpo̱ nyie akpo̱ se̱; fiō ye̱ bie̱, ni fiō ye̱ bie̱ hũ!”

¹¹ Ši momohā nābu ke̱ *maṅse̱ wiemo̱ eke̱-awie etšõ ne̱ke̱ maṅ ne̱; *1 Kor. 14,21.

¹² edšake̱ ekē̱ame̱ ake̱: *Hedšō̱mo̱ ne̱! nyehãa mei ní eto̱ame̱ le̱ adšō̱a ame̱he! ni tšuiwō ne̱! ši ame̱kplẽẽ toibō. *Mat. 11,28. 29.

¹³ Nohewo̱ le̱ Iehowa wiemo̱ lo̱ aatšṍ “mla nyie mla se̱, mla nyie mla se̱; akpo̱ nyie akpo̱ se̱, akpo̱ nyie akpo̱ se̱; fiō ye̱ bie̱, ni fiō ye̱ bie̱ hũ” ahãame̱; koni ame̱yagbēgbē ame̱se̱, ni akũmo̱ame̱, ni adũame̱, ni amõmo̱ame̱. K. 10.

¹⁴ Nohewo̱ le̱ nyeboa Iehowa wiemo̱ le̱ toi, nye hefe̱oyelo̱i ní yeo̱ maṅ ne̱ ní yo̱ Ierusalem le̱ no̱ le̱!

¹⁵ Edšake̱ nyekē̱o̱ ake̱: Wo̱ke̱ gbĕle ekpãṅ, ni wo̱ke̱ gbohĩĩadše eye efua! ké̱ kplebi ní eyi ke̱-teke no̱ le̱ mīho le̱, eše̱ṅ wo̱no̱ kwrā! edšake̱ wo̱ke̱ amale efe wo̱bobāhe, ni wo̱yatẽ wo̱he ye̱ kũtũmpo̱o šiši!

¹⁶ Nohewo̱ le̱ bo̱ni Nuṅtšo̱ Iehowa kē̱ ne̱: Na, *mike̱ šišitō-te̱ ko emã ši ye̱ Zion, te̱ ni aka akwe̱, koṅte̱ ní dšra wa ní mã ši šiṅṅ. Moni heo̱ yeo̱ le̱ edšoo foi. *Lal. 119,22. Rom. 9,33; 10,11. 1 Pet. 2,6.

¹⁷ Ni maṅõ kodšomo̱ mafe susume̱ kpã, ni mike̱ dšale̱ aafe kŭlomŭlo; ni nyoṅmo̱ṅte̱ aalō amale-abobāhe le̱, ni nu aaṅõ tēmo̱he le̱ ke̱-ate.

¹⁸ Ni nyeke̱ gbĕle kpãṅmo̱ le̱ se̱ aafo, ni bo̱ni nyeke̱ gbohĩĩadše eye efua le̱ damo̱ṅ ši; ni ke̱dši kplebi ní eyi ke̱-teke no̱ le̱ mīho le̱, eenānā nyeno̱.

¹⁹ Šiiabo̱ ní eebaho le̱, eelōnye ke̱-ate; edšake̱ ebabo dā lebi ke̱ ſane ke̱ nyōṅ: ni sane le̱ šišinumo̱ le̱, gbeyei so̱ṅṅ ebafe. 26,16. Lal. 119,67.

²⁰ Ši sā le̱ ke̱e̱ bo̱ni mo aanyẽ emli akpã ye̱ no̱, ni no̱hānõ le̱ hũ elē̱ē̱ bo̱ni mo aanyẽ akota ehe awo mli.

²¹ Edšake̱ Iehowa aate ši adamo̱ ši tamo̱ bo̱ni efe ye̱ *Perazim goṅ le̱ no̱ le̱, ni eegri tamo̱ bo̱ni efe ye̱ †Gibeon dšō̱ le̱ṅ le̱, koni etšu enii ní dši nākpe̱ nitsumo̱ le̱, ni efe enii ní dši hedšõmo̱ nifemo̱ le̱. *2 Sam. 5,20. †1 Kron. 14,16.

²² Nohewo̱ le̱ nyekaṅõ-fea fe̱oyeli doṅṅ, koni akamĩa nyekpãi le̱ amli; edšake̱ minu *hĩekpãtãmo̱ ke̱ noni amã no̱ mĩ́ ko he ke̱-dše̱ Nuṅtšo̱ Iehowa Zebaot ṅõ, ni ebaba šikpoṅ mū le̱ fẽ no̱. *10,22. 23.

²³ Nyeboa toi, ni nyenua migbē, nyefea toi, ni nyenua miwiemo̱ le̱!

²⁴ Ani hũlo̱ le̱ hũ so̱ṅṅ ehũo̱ dāne̱, koni edũ nii? lo tša so̱ṅṅ etšaä ešikpoṅ le̱ ni edſăra mli kpo̱i?

²⁵ Nto ké̱ edšadše hĩe le̱, eſăa kowe̱ ni ekpĩtĩo̱ kumino eſăa, ni edũo̱ ṅmā̃ srẽnē̃ ke̱ akoko hũ ye̱ egbe̱he, ni edũo̱ able ye̱ ehũsũi le̱ ano̱?

²⁶ Edšake̱ atšõle̱ bo̱ni efe ehã pe̱pē̱pe̱, e-Nyoṅmo̱ le̱ tšõle̱.

²⁷ Edšake̱ ake̱ ṅmā̃gbẽmo̱ſīli egbēē kowe̱, ni ake̱ ſīlinane hũ tšṍṍ kumino no̱, ši moṅ tšo ake̱-gbẽo̱ kowe̱ ni ake̱ dẽhĩemo̱tšo gbēo̱ kumino.

²⁸ Ani abolo able le̱, fle̱mo̱ afle̱o̱le̱? Dabi, dšee dāne̱ egbẽo̱ ni egblaä eſīlinãdši le̱ ke̱ ekpo̱ṅo̱i le̱ ke̱-tšṍo̱ no̱, dšee fle̱mo̱ efle̱o̱le̱.

²⁹ No hũ dše̱ Iehowa Zebaot deṅ; ehãa ṅā ní yo̱ nākpe̱ ke̱ nilē ní fá babaō!