Yesaia 17 - Ṅmãle̱ Kroṅkroṅ Le̱

¹ *Damasko kodšomo̱ he gbalo̱: Na, abuu Damasko ašii mãdši ano̱ doṅṅ, ši moṅ, etšṍ amaṅfõ! *Ier. 49,28. Amos 1,8.

² Ašĩ Aroer mãdši le̱ aſie ši ahã koloikui, ni ame̱abumo̱ ši ye̱ dše̱i, ni mokomoko eſieṅame̱.

³ Efraim mō̃ ní wa le̱ ke̱ *Damasko maṅtše̱yeli le̱ ke̱ nii ní eſe̱ ye̱ Aram le̱ ase̱ aafo, ame̱atamo̱ Israelbii le̱ anumnyam le̱, Iehowa Zebaot kē̱. *7,1. 3.

⁴ Ni aaba mli ye̱ nakai gbĩ le̱ no̱ ake Iakob anumnyam le̱ no̱ aagbo̱, ni ehelo ní ewo fo̱ le̱ aatã lō.

⁵ Ni eefe tamo̱ ṅmā̃kūlo̱ ní buaä ṅmā̃ ni māmo̱ ši le̱ nā, ni eke̱ enine kũmoo̱ ṅmā̃tšei le̱; lo tamo̱ moni yeo̱ ṅmā̃ kpe̱kpe̱o ye̱ Refaim dšō̱ le̱ṅ.

⁶ Ši kẽle̱ kpe̱kpe̱bii komei aaſe̱ ye̱ mli; tamo̱ bo̱ni ké̱ ahoso mũtšo ní ſe̱o̱ yibii enyo̱ alo etẽ ye̱ tšo le̱ yiteṅ tō̃, edſe̱ō, lo enumo̱ō, ye̱ enidši ní ewo pī le̱ amli le̱, Iehowa, Israel Nyoṅmo̱ le̱, kē̱.

⁷ Nakai gbĩ le̱ no̱ le̱ gbomo hĩe aatšṍ efelo̱ le̱, nĩ ehĩṅme̱ii aakwe̱ Israel Mokroṅkroṅ le̱ gbe̱;

⁸ ni ehĩe tšṍṅ afo̱lešãlate̱i le̱ ni dši eninenā nitšumo̱i le̱ doṅṅ, ni nii ní eninewābii fe le̱ hũ, wo̱ṅkōi le̱ ō, hũlũ amãgãi le̱ ō, ekwe̱ṅ doṅṅ.

⁹ Nakai gbĩ le̱ no̱ le̱ emãdši ní wa le̱ aatšṍmo̱ tamo̱ hei ní ašĩ aſie ši ye̱ kōṅ lo goṅ yiteṅ, ní ašĩ aſie ši ye̱ Israelbii le̱ ahĩe, ni ame̱atšṍmo̱ amaṅfõ kwrā!

¹⁰ Edšake̱ ohĩe ekpa oyĩwalaheremo̱ Nyoṅmo̱ le̱ no̱, ni okaii ohewale̱ *te̱sā le̱; hewo̱ le̱ oofe ṅmõdši ní yo̱ fe̱o, ni oote̱o maṅse̱ tšei ye̱ mli. *5 Mose 33,15. 18.

¹¹ Gbĩ ní ote̱o le̱ oofo afãbaṅ owo he, ni lebi le̱ oohã owui ní odũ le̱ agba afofro; ši kpamo̱ ke̱ yeligbĩ le̱ aatšṍ hedšramo̱ ni ehĩĩ tšámo̱.

¹² Ao! mãdši babaō ahōfemo̱ ní gbē̱o̱ tamo̱ ṅšo̱ gbē̱o̱! ke̱ dšeṅmãdši ahū̃mo̱ ní tamo̱ nu ní nā wa hū̃mo̱!

¹³ Dšeṅmãdši le̱ aahū̃ tamo̱ nu babaō hū̃o̱; ši eeṅã́ ame̱yi ni ame̱adšo foi ke̱-ate šoṅṅ, ni aawoame̱ foi tamo̱ gõdši ano̱ tutū ye̱ kō̱yo̱ nā, tamo̱ lasũogbĕle mli mlu ye̱ ahum nā.

¹⁴ Ni *gbe̱ke̱nāši le̱, na, ṅmiṅmi eba, ni dãni še̱o̱ lebi le̱, ame̱be̱. Ene̱ dši mei ní haäwo̱ le̱ agbe̱nā, ke̱ mei ni tſaäwo̱ odšo le̱ agbe̱fãṅnõ! *27,36.