Yesaia 14 - Ṅmãle̱ Kroṅkroṅ Le̱

¹ Ši Iehowa mũsũṅ aatšõle̱ ye̱ Iakob he, ni eená Israel he tšuidšũrũ *ekoṅ, ní eke̱ame̱ aato ame̱šikpoṅ le̱ no̱; ni gbo̱i aabafata ame̱he, ni ame̱akpe̱te̱ Iakob we le̱ he. *Zak. 1,17.

² Ni *mãdšimãdši le̱ aaṅõame̱ ni ame̱ke̱ame̱ aaba ame̱šihĩle̱he le̱, ni Israel we le̱ aaṅõame̱ afe ame̱nii ye̱ Iehowa šikpoṅ le̱ no̱, ni ame̱tšṍmo̱ wehĩĩ ke̱ weyei; ni ame̱aṅõ ame̱nomṅõlo̱i le̱ anom, ni ame̱aye ame̱haolo̱i le̱ ano̱. *49,2.

³ Ni aaba mli ake̱ gbĩ ni Iehowa aahão hedšō̱mo̱ ke̱-adše̱ ow̌ere̱hō ke̱ ohaomo̱ ke̱ nyṍṅ ní ayeo ní nā wa le̱ mli le̱,

⁴ ooṅõ ne̱ke̱ abe̱ ne̱ obu Babel maṅtše̱ le̱ ni ookē̱ ake̱: Té fe tēṅ ni haolo̱ le̱ be̱ doṅṅ ne̱? ti fe tēṅ ní nāgbamo̱ le̱ se̱ efo ne̱?

⁵ Iehowa ekũ meifõdši adeṅtšo le̱, ke̱ no̱yelo̱i le̱ amaṅtše̱tšo le̱,

⁶ moni ke̱ mlila tſia mãdšimãdši le̱ anii, ni etoo enine ši, ní eke̱ mlifũ yeo̱ dšeṅmãdši le̱ ano̱, ni eyiwale̱ se̱ efoo le̱!

⁷ Šikpoṅ mū le̱ fẽ ená hedšo̱le̱, ni eno̱ edšo̱, ni ame̱mīla nyã́mo̱ lalai. Hab. 2,20.

⁸ Se̱se̱oi le̱ ke̱ Lebanon tšenedrui le̱ mīyeo yō̱ ake̱: Gbĩĩabo̱ ní okã ši ne̱, moko baṅ ebatōṅwo̱. 37,25.

⁹ Gbohĩĩadše po ní yo̱ šiši le̱, ohewo̱ le̱ ebú ke̱-mība ebakpeo; eta sisai amli ye̱ ohewo̱, ke̱ šikpoṅ le̱ no̱ onukpai le̱ fẽ, ni ehã dšeṅmãdši le̱ amaṅtše̱mei le̱ fẽ ete ši ke̱-dše̱ ame̱sẽii ano̱.

¹⁰ Ame̱fẽ-tſẽm ame̱ahere no̱ ame̱akē̱o ake̱: Ani bo hũ ogbo̱dšo̱ tamo̱wo̱ noṅṅ? otsṍ tamo̱wo̱ noṅṅ pe̱?

¹¹ *Aba ogbodšē le̱ ši ke̱-ba gbohĩĩadše ke̱ osaṅkūi agbē̱mo̱ le̱ hũ; osā ní aṅmẽ ye̱ ošiši dši omlẽgẽi, ni ono̱hānõ hũ dši gõgõmii. *Ezek. 32,18. 19.

¹² Té fe tēṅ ní odše̱ ṅwei obagbē ši ne̱, bo tolō ni okpe̱o̱ he̱ṅṅ! Té fe tẽṅ ní afoö afõ šikpoṅ ne̱, bo ni obaã dšeṅmãdši le̱ aši le̱!

¹³ Ši bo le̱ okē̱ ye̱ otšuiṅ ake̱: Makwo̱ ke̱-ya ṅwei, ni mawí mimaṅtše̱sẽi le̱ no̱ ke̱-ateke Nyoṅmo̱ ṅulamii le̱, ni maho matá *kpẽ-goṅ le̱ no̱ ye̱ kōyigbe̱ nāgbēhei le̱ tō̃; *Ezek. 28,14.

¹⁴ makwo̱ ke̱-ateke atatuĩaṅ hei groṅṅi le̱, ni matamo̱ moni yo̱ ṅwei šoṅṅ le!

¹⁵ Moṅ, aaba oši ke̱-ate gbohĩĩadše, ke̱-ate bu le̱ šiši tō̃!

¹⁶ Mei ní aanao le̱ aakwe̱o diṅṅ, ame̱adſẽṅ ohe ake̱: Ani nū le̱ ní hã šikpoṅ le̱ hoso, ní ehã maṅtše̱yelii ahe kpokpo le̱ ne̱?

¹⁷ Moni hã dše le̱ṅ tšṍ ṅã kpatã, ni ebutu emli mãdši le̱, ní eṅmē̃ē̃ enomii le̱ ahe ni ame̱ya ame̱maṅ le̱ ne̱?

¹⁸ Dšeṅmãdši le̱ amaṅtše̱mei le̱ fẽ le̱, ame̱fẽ-kwa ame̱kãmo̱kãmo̱ ši ke̱ anumnyam, mofẽmo ye̱ ewe;

¹⁹ ši bo le̱, aše̱o afõ ši ke̱-dše̱ ogbonyobu le̱ mli, tamo̱ tšonine ní agbe he guo̱, ni mei ní enyõnyõi ní ake̱ klante egbulo̱ame̱ ní ame̱kpleke ši ke̱-te bu le̱ṅ te̱i le̱ amli le̱ eha ohe, tamo̱ gbonyo ní anānā eno̱. 34,8. Ier. 22,19.

²⁰ Ake bo fataṅ ame̱he ye̱ fū̃ mli, edšake̱ ofite ošikpoṅ le̱, ni ogbe omaṅbii le̱; atšĩṅ efõṅfelo̱i aſĩei tã gbĩkogbĩko!

²¹ Nyesãa gbēhe nyetoa ebii le̱ *ye̱ ame̱tše̱mei anõša le̱ hewo̱, koni ame̱kate ši ame̱mīṅõ šikpoṅ le̱ ame̱mīfe ame̱nõ ni ame̱wo dše le̱ṅ obõ ke̱ mãdši. *2 Mose 20,5.

²² Ši mate ši mawoame̱, Iehowa Zebaot kē̱, ni mafo Babel gbe̱i ke̱ noni eſe̱ le̱ ke̱ bi ke̱ nābi maše̱ mafõ! Iehowa kē̱.

²³ Asaṅ mahã etšṍ ko̱to̱ko̱i agbe̱fãṅnõ ke̱ nu kpākpoi so̱ṅṅ, ni mike̱ fitemo̱-blo̱ le̱ aabē̱le̱! Iehowa Zebaot kē̱.

²⁴ Iehowa Zebaot ekã kitã ake̱: Le̱-le̱ṅ, bo̱ni misusu le̱, nakai ebaba mli, ni bo̱ni mito miyiṅ le̱, nakai ebamã ši:

²⁵ ake̱ makũ Ašur mli ye̱ mišikpoṅ le̱ no̱, ni manānā eno̱ ye̱ migõdši le̱ ano̱, ni epã le̱ aadše ame̱no̱, ni edšatšu le̱ hũ adše ame̱kue̱ no̱.

²⁶ Ene̱ dši yiṅ ní ato ye̱ šikpoṅ mū le̱ fẽ he, ni ene̱ dši nine ní akpã mli ye̱ dšeṅmãdši le̱ fẽ no̱.

²⁷ Edšake̱ Iehowa Zebaot eto eyiṅ, ni namo aakũ nā? ni ekpã enine mli, ni namo aakpalele̱?

²⁸ Afi *ní maṅtše̱ Ahaz gbo le̱ no̱ kodšomo̱ he gbale̱ ne̱. *2 Kron. 28,27.

²⁹ Bo *Filistea mū le̱ fẽ, kānyã́ ake̱ tšo ní yio le̱ ekũ! Ši šikpã aadše̱ onũfũ le̱ šisĩfã le̱ mli aba, ni ebi aatšṍ onũfũ flikilo̱ ní nā yo̱ la. *Ier. 47.

³⁰ Ši ohĩafoi amli ohĩafoi le̱ aaná nii aye, ni nõnalo̱i hũ aakãmo̱ ši ſeſēſe; ši mike̱ hõmo̱ aagbe ošišifã le̱, ni omei ní aaſe̱ le̱ hũ, eegbeame̱.

³¹ Bo agbó, wo̱ lele! Bo maṅ, blo̱mo̱! Bo Filistea fẽ, otšui afã! Edšake̱ lasũ ko dše̱ kōyigbe̱ mība, ni etabilo̱i le̱ ateṅ mokomoko ekpeṅ se̱.

³² Ni mẽ hetõ aahã dšeṅmaṅ le̱ bo̱-foi le̱? No dši ake̱ Iehowa to Zion šiši, ni emaṅ le̱ mli šitſialo̱i le̱ aababa abo ye̱ dše̱i!