Yesaia 13 - Ṅmãle̱ Kroṅkroṅ Le̱

¹ *Babel kodšomo̱ be gbalo̱ ní Amoz bi Iesaia na ne̱: *Ier. 50,51.

² Nyešia aflaṅā ye̱ goṅ kpatā no̱, nyewóa nyegbē no̱ *nyetšé̱aame̱, nyefõaame̱ nine, ni ame̱bote abladei agbói le̱ amli! *K. 17.

³ Miwo mikroṅkroṅbii le̱ akpo̱, mitšé̱ mihewalo̱i le̱ hũ mihã mimlifũ le̱, mimei ní nyã́a ke̱ hewō le̱.

⁴ Na, āfe hō ye̱ gõdši le̱ ano̱ tamo̱ mei babaō hōfemo̱! Na, dšeṅmãdši ní ebua ame̱he nā ke̱-dše̱ maṅtše̱yelihei le̱ ahōfemo̱ ni: Iehowa Zebaot mīkane eta le̱ eto tawū.

⁵ Ame̱dše̱ šikpoṅ ni yo̱ šoṅṅ ke̱ ṅwei nāgbēhe ame̱mība: Iehowa ke̱ emlifũ tawūnii le̱, koni efite šikpoṅ mū le̱ fẽ.

⁶ Nyewoa lele, *ši Iehowa gbĩ le̱ eše̱ ši etã; eba tamo̱ hĩekpãtãmo̱ ní dše̱ Ofe le̱ deṅ. *Ioel 1,15.

⁷ Hewo̱ le̱ nidšiaṅ fẽ-tſẽm aadše wui, ni gbomei ádesãi atšuii fẽ aafã;

⁸ ni ame̱adšidšā, ṅmiṅmi ke̱ kō̃mo̱ aamõmo̱ame̱; ame̱ababla ši tamo̱ yō ní kõmoo̱; ame̱akwe̱kwē̱ ame̱hĩeaṅ ke̱ nākpe̱, ni ame̱hĩeaṅ aatšu tamo̱ la.

⁹ Na, Iehowa gbĩ le̱ mība ke̱ yiwale̱ ke̱ mlila ke̱ mlifũ ní nā wa, koni ebafe šikpoṅ le̱ fẽ amaṅfõ, ní ekpãtã emli ešafelo̱i le̱ ahĩe ke̱-dše̱ no̱.

¹⁰ Ni ṅwei ṅulamii ke̱ *oṅwẽ kpe̱ṅ; †hũlũ aawo duṅ ye̱ ekpodšē mli, nyoṅtšĕre hũ hẽṅ ela le̱ akpe. *Amos 5,8. Hiob 9,9. †Ezek. 32,7. Ioel 2,10; 3,4; 4,15. Mat. 24,29.

¹¹ Ni mawo dše le̱ nyõmo̱ ye̱ ame̱nõ-fõṅ le̱ hewo̱, ke̱ meifõdši hũ ye̱ ame̱nõša le̱ hewo̱, ni mahã hewolo̱i ahetšṍmo̱ le̱ se̱ afo, ni maba yiwalo̱i aheno̱wómo̱ le̱ ši.

¹² Ni mahã ádesã dšra awa fè šika kro̱ṅṅ, ke̱ gbomo hũ fè *Ofir šika ṅmīṅmi. *1 Maṅ. 9,28.

¹³ Nohewo̱ le̱ mahã ṅwei akpokpo, ni šikpoṅ le̱ aahoso ke̱-adše̱ egbe̱he ye̱ Iehowa Zebaot mlila le̱ nā, ke̱ emlifũ ni nā wa le̱ gbĩ le̱ hewo̱.

¹⁴ Ni aaba mli ake̱ ame̱afe tamo̱ soṅãi ní afãle̱ ke̱ tōi ní moko be̱ ní buaä ame̱nā: mofẽmo aatšṍ ehe ke̱-ate emaṅ, mofẽmo aadšo foi ke̱-ate ešikpoṅ no̱.

¹⁵ Mofẽmo ní aana le̱, aatšule̱ nõ, ni mofẽmo ni aamõ le̱, eenyõ ye̱ klante nā.

¹⁶ Ni *ame̱bii le̱, aaṅõame̱ atſia ši ye̱ ame̱hĩe, aahaha ame̱wei le̱, ni ame̱ṅãmei hũ, aatoame̱ kabonā. *Lal. 137,8. 9.

¹⁷ Na, matē Mediabii aši mawoame̱, mei ní ebuṅ dſie̱te̱i, ni šika hũ ame̱nyáṅ he,

¹⁸ ame̱gãii le̱ aaṅõ oblahĩĩ atſia ši, ame̱mli etšõṅame̱ ye̱ *bii ní yo̱ mũsũṅ tete he, ni amehĩṅmeii hoṅ gbekẽbii ahe. *K. 16.

¹⁹ Ni Babel ní dši maṅtše̱yelihei anumnyam ke̱ Kaldeabii ahewō le̱ wulamo̱ le̱, aatšṍ *tamo̱ Sodom ke̱ Gomora beni Nyoṅmo̱ butuame̱ le̱. *1 Mose 19,24. 25.

²⁰ Moko ehĩṅ dše̱i gbĩkogbĩko, ni asaṅ ake̱ dše̱i efeṅ šihĩle̱he ye̱ yino̱ ko yino̱ ko no̱; ni Arabianyo tete ešiṅ ebū ye̱ dše̱i, ni tōkwe̱lo̱i le̱ hũ hãṅ ame̱tōi abumo̱ ši ye̱ dše̱i;

²¹ ši ṅãṅ koloi aakãmo̱ ši ye̱ dše̱i, ni ame̱tšũi le̱ amli aayimo̱ obõbõ ke̱ patui, ni dugumai hũ aahĩ dše̱i, ni sasabonsami aadšò ye̱ dše̱i;

²² ni klãdši aablo̱ ye̱ ame̱mṍdši le̱ amli, ke̱ ṅãṅgbēi hũ ye̱ ame̱tšũi fe̱fe̱dši le̱ amli. Ni ebe le̱ eše̱ etã, egbĩĩ le̱ hũ etše̱ṅ doṅṅ. 34,10-15.