Yesaia 1 - Ṅmãle̱ Kroṅkroṅ Le̱

¹ Amoz bi Iesaia ninā ní ena ye̱ Iuda ke̱ Ierusalem hewo̱ ye̱ Iuda maṅtše̱mei Uzia ke̱ Iotam ke̱ Ahaz ke̱ Hezekia yino̱ ne̱.

² Ṅwei, bo toi, ni šikpoṅ, femo̱ toi! ši Iehowa miwie: Milè̱ bii ni ame̱dăra, ni miwó ame̱no̱ hũ; ši ame̱ le̱, ame̱tše mihĩe atũa! 5 Mose 32,1. 5. 6.

³ Tšina le etse, ni tedši hũ le enuutšo̱ niyeniianõ: ši Israel le̱, le̱ le̱ elee, mimaṅ le̱ hũ dſẽṅṅ no̱!

⁴ Ao! dšeṅmaṅ ní feo̱ eša, maṅ ní sõ kã ame̱no̱, efõṅfelo̱i aſĩei, bii ni efite! Ame̱kwa Iehowa, amegbe Israel Mokroṅkroṅ le̱ he guo̱, ame̱kũ ame̱se̱ ke̱-te!

⁵ Mẽhewo̱ *aakã he atſianye nii, ni nyeyaä se̱se̱ lolo ne̱? Yitšo mū le̱ fẽ he miye, ni tšui mū le̱ hũ egbo̱dšo̱! *Ier. 2,30. Ezek. 21,18.

⁶ *Ke̱-dše̱ naneši āhũ ke̱-yaši yiteṅ fẽ le̱ hekoheko be̱ ní eye emū: ši pilamo̱i ke̱ hei ní etẽre̱tẽre̱i ke̱ fadši ṅmõdši so̱ṅṅ; anyãmo̱ko, ni afĩmo̱ko no̱, ni atoko no̱ mũ hũ! *5 Mose 28,35.

⁷ Nyešikpoṅ le̱ etšṍ amaṅfõ, nyemãdši le̱ ake̱ la ešã; nyeṅmõdši le̱, gbo̱i miye ye̱ nyehĩe, etšṍ amaṅfõ, tamo̱ no̱ni gbo̱i ebutu!

⁸ Ni ašĩ Zion biyō le̱ tamo̱ weintrom mli asese ko, tamo̱ agorigo ṅmõ mli wō̱he, tamo̱ maṅ ní awo ehe ká.

⁹ *Efe ake̱ Iehowa Zebaot eſe̱e̱ ſē̱no bibiõ ko ehãāwo̱ kũle̱, wo̱tšṍ tamo̱ †Sodom, ni wo̱fe tamo̱ Gomora pe̱! *Rom. 9,29. †1 Mose 19,24. 25. 5 Mose 29,21-27.

¹⁰ Nye *Sodom lume̱i, nyeboa Iehowa wiemo̱ le̱ toi! Nye Gomora maṅ, nyefea toi nyehãa wo̱-Nyoṅmo̱ le̱ mla le̱! *Ier. 29,14. Yāfó 4,9.

¹¹ Iehowa kē̱: Meni nyefo̱lei babaō le̱ feo̱ hãami? Šã-afo̱lei ní ake̱ tōagboi šãa le̱ ke̱ lè̱-koloi afo̱ le̱ edše mitšine, ni tšinai ke̱ tōgwanteṅi ke̱ tōkpakpoi alá le̱ esaa mihĩe! Lal. 50,8. Abe̱i 21,27. Ier. 9.10. Amos 5,22.

¹² Ke̱dši nyeba nyebapue ye̱ mihĩe le̱, namo taoo̱ ene̱ ye̱ nyedeṅ ake̱ nyebanānā mikpoi le̱ ano̱?

¹³ Nyeke̱ yakayaka niyenii-afo̱lei aka-baä doṅṅ: edši tšofã-ke̱-ṅma ni mihĩo̱! Nyõṅ hē ke̱ hedsō̱mo̱gbĩ ke̱ gwai ní nyebo̱ö̱ le̱, nišaianii ke̱ gbĩdšũrõyeli fẽ le̱, misumo̱o̱.

¹⁴ Misusuma mīhĩ nyenyõdši hĕi ke̱ nyegbĩĩ dšudši le̱; ame̱dši haomo̱ hãmi, etomi po ke̱ ame̱hĩemo̱!

¹⁵ Ni ké̱ nyegbe̱ nyenidši amli le̱, maṅõ mihĩe matēnye; ni ké̱ nyeso̱le babaō tete le̱, miboṅnye toi: nyenidši ahe eyimo̱ ke̱ lá! Abe̱i 15,29. Ies. 59,1-3. Ioh 9,31.

¹⁶ Nyedšua nyehe, nyetšumo̱a nyehe! Nyedšiea nyenifemo̱nii fõdši le̱ ke̱-dšea mihĩe! Nyefoa efõṅfemo̱! Ioel 3,11. 13. Mika 6,6-8.

¹⁷ Nyekasea ekpakpafemo̱! Nyetaoa dšale̱ saneyeli se̱gbe̱! Nyekãa amimyelo̱! Nyeyea awusã sane nyehãale̱! Nyefãa okũlafo he! K. 23. Ier. 7,8-7. 1 Sam. 16,32.

¹⁸ Iehowa kē̱: Nyebaä ko ní wo̱batao nā! Ké̱ nyehe ešai le̱ tšuo̱ tamo̱ lá po, *ame̱aye̱ tamo̱ snō; ké̱ ame̱tšuo̱ tamo̱ munēle le̱, ame̱atšṍmo̱ tamo̱ tōhetšo̱í ye̱ṅ. *43,26; 14,22. Lal 51,9.

¹⁹ Ké̱ nyemĩsumo̱ ni nyebo toi le̱, nyeaye šikpoṅ le̱ no̱ nii kpakpai! 3 Mose 28,18. 19.

²⁰ Ši ke̱dši nyekplẽẽ ni nyetše atũa le̱, klante moṅ aayenye! Edšake̱ Iehowa nābu ewie. 3 Mose 26,25.

²¹ Té fe tẽṅ ní maṅ ní yeo ano̱kwa le̱ etšṍ ehe adſamaṅ ne̱? Sá le̱ emli eyi obo ke̱ dšale̱ saneyeli; dšale̱ hũ hĩ ši ye̱ mli; ši agbe̱ne̱ *awuyelo̱i so̱ṅṅ! *Mat. 23,37.

²² Odſie̱te̱i le̱ etšṍ dſie̱te̱ifei, ni owein le̱, aši mli nu.

²³ Olumei le̱ kaniṅkadšelo̱i ke̱ dšulo̱i ananemei ni; ame̱teṅ mofẽmo sumoo̱ nyōṅnii, ni edio̱ nyõmo̱wo se̱; ame̱yee awusã sane ame̱hããle̱, ni okũlafo ko sane hũ baa ame̱hĩe. K. 17.

²⁴ Nohewo le̱ Nuṅtšo̱, Iehowa Zebaot, Israel hewalo̱ le̱ wiemo̱ ne̱: Ao! maye mihe ke̱-adše̱ mihaolo̱i le̱ adeṅ, ni mato mihe owele ye̱ mihenye̱lo̱i le̱ ano̱!

²⁵ Ni matšṍ minine ke̱-aba ono̱, ni masĕre *odſie̱te̱ifei le̱ ke̱ adi, ni madšie omli futumo̱nii le̱ fè. *K. 22. Mal. 3,2. 3.

²⁶ Ni maṅõ okodšolo̱i le̱ mahão ekoṅ tamo̱ tšutšu le̱, ke̱ odšinafoi le̱ hũ tamo blema le̱; *no se̱ le̱ aatšé̱o dšale̱ maṅ ke̱ maṅ ni yeo̱ ano̱kwa. *Zak. 8,3.

²⁷ Ake̱ kodšomo̱ aakpõ Zion, ni ake̱ dšale̱ aakpõ emli mei ní aakũ ame̱se̱ le̱. 46,13.

²⁸ Ši mlatõlo̱i ke̱ ešafelo̱i le̱, aakpãtã amefe ame̱hĩe, ni aaplenē mei ní kwaa Iehowa le̱.

²⁹ Ši ame̱hĩe aagboi ye̱ tšei kplei ni nyedio̱ se̱ le̱ ahewo̱; ni ame̱hĩe aaſie ši ye̱ tromi ni saä nyehĩe le̱ ahewo. 65,3.

³⁰ Edšake̱ nyeatamo̱ tšo kple ko ní eyibāi egbi, ke̱ trom ko ní nu be̱ mli;

³¹ ni hewalo̱ aatšṍ tamo̱ ananaṅsē, ni enitšumo̱ aatamo̱ lasrẽmi, ní ame̱yi enyo̱ le̱ fẽ-kwa ame̱ašã, ni moko be̱ ni aagbe!