Yeremia 7 - Ṅmãle̱ Kroṅkroṅ Le̱

¹ Wiemo̱ ní dše̱ Iehowa ṅõ ba Ieremia ṅõ ne̱:

² Yadamo̱ Iehowa we le̱ agbó le̱ teṅ, ni oyašie̱ wiemo̱ ne̱ ye̱ dše̱i ni okē̱: Nyeboa Iehowa wiemo̱ le̱ toi, nye Iudabii fiā, ní nyetšṍo̱ ne̱ke̱ agbói ne̱ amli, nyeyadšáa Iehowa le̱!

³ Bo̱ni Iehowa Zebaot, Israel Nyoṅmo̱ le̱, kē̱ ne̱: Nyesāa nyegbè̱i ke̱ nyenifemo̱nii le̱, ni mahã nyehĩ ši ye̱ bie̱ ne̱. 26,13. Ies. 1,16.

⁴ Nyeke̱ nyehĩe akafõa apasa wiemo̱i le̱ ano̱ ake̱: Iehowa so̱lemo̱we, Iehowa so̱lemo̱we, Iehowa so̱lemo̱we le̱ ne̱!

⁵ Moṅ, ke̱dši nyesā nyegbè̱i ke̱ nyenifemo̱nii le̱ le̱le̱ṅ, ke̱dši nyekodšo mo ke̱ enanyo teṅ dšogbāṅ,

⁶ ke̱dši nyeyee *gbo̱ ke̱ awusã ke̱ okũlafo amim, ni nyeſiee moko ní efeko noko lá ši ye̱ bie̱ ne̱, ni nyenyiee nyoṅmo̱i krokomei ase̱, ni nyeke̱-fe nyedientše̱ nyehe efõṅ le̱: *2 Mose 22,21. 22.

⁷ no le̱ mahã nyehĩ ši ye̱ bie̱ ne̱, ye̱ šikpoṅ ni miṅō-hã nyetše̱mei le̱ ke̱-dše̱ nāno̱ āhũ ke̱-yašĩ nāno̱ le̱ no̱.

⁸ Na, nye le̱ nyeṅõo̱ nyehĩe nyefõo̱ apasa wiemo̱i ní he be̱ se̱námo̱ le̱ ano̱!

⁹ Aso nyeadšu, nyeaye awui, nyeafite gblã, nyeakãmo̱ apasa kitãi, ni nyeate nyeyašã tšofã-ke̱-ṅma nyehã Baal, ni nyeayanyie nyoṅmo̱i krokomei ní nyelee le̱ ase̱,

¹⁰ dãni nyeba nyebadamo̱ mihĩe ye̱ šia ne̱ ní aṅõ migbe̱i awole̱ le̱, ni nyekē̱ ake̱: *Wo̱he edše mli! koni nyeyafe nihĩnii ne̱ fẽ ekoṅ lo? *4,10.

¹¹ Aso ne̱ke̱ šia ne̱ ní aṅõ migbe̱i awole̱ le̱ etšṍ *odšotſalo̱i abu ye̱ nyehĩe lo? Mi hũ, na, mina momo! Iehowa kē̱. *Mat. 21,13.

¹² Ši agbene nyeyaä mišihĩle̱he ni yo̱ *Šilo le̱, heni mihã migbe̱i le̱ hĩ tšutšu le̱, ni nyeyakwe̱a noni mifele̱ ye̱ mimaṅ Israel nifõdšianii le̱ ahewo̱. *Ios. 18,1. 1 Sam. 4,12. Lal. 78,60.

¹³ Ni agbe̱ne̱ le̱, ake̱-ni nyetšu ne̱ke̱ nitšumo̱i ne̱ fẽ, Iehowa kē̱, ni *miwieo̱ mitšõo̱nye, miteo ši lebi mā̃ṅkpa miwieo̱ dā, ni nyeboo toi, ni misā mitšé̱o̱nye, ni nyeheree no̱ *Abe̱i 1,34. Ies. 65,12.

¹⁴ hewo̱ le̱, *mafe šĩa ne̱ ní aṅõ migbei awole̱, ní nyeṅõo̱ nyehĩe nyefõo̱ no̱ le̱, ke̱ šihĩle̱he le̱ ní miṅō-hã nye ke̱ nyetše̱mei le̱, teke bo̱ noṅṅ ni mife Šilo le̱; *26,6.

¹⁵ ni maše̱re̱nye maſie ke̱-adše̱ mihĩe, *take̱ bo̱ni miše̱re̱ nyenyemimei le̱ fẽ, ni dši Efraim sešibii le̱ fẽ, miſie le! *2 Maṅ. 17,18. 20.23.

¹⁶ Nohewo le̱ bo le̱, kākpa fai ohã ne̱ke̱ maṅ ne̱, ni asaṅ kāwó blo̱mo̱ lo so̱lemo̱ no̱ ohãame̱, ni kāhaomi ye̱ ame̱-he, edšake̱ miboṅ bo toi! 11,14; 14,11.

¹⁷ Ani onaa nii ní ame̱feo̱ ye̱ Iuda mãdši le̱ amli ke̱ Ierusalem blohũi le̱ amli le̱?

¹⁸ Bii le̱ le̱o̱ lai, ni tše̱mei le̱ še̱reo̱ la, ni yei le̱ kpo̱to̱ö̱ mã́ ní ame̱ke̱-šĩo̱ tatalei ame̱hāa *ṅwei maṅnye le̱, ni ame̱-yeo̱ ṅkpai ame̱hãa nyoṅmo̱i krokomei, beni afe ni ame̱hã ado̱mi. *44,17.

¹⁹ Ani mi ame̱hãa edo̱ö̱? Iehowa kē̱; ani dšee ame̱dientše̱ ame̱he, beni afe ní ame̱hĩe agboi?

²⁰ Nohewo̱ le̱, bo̱ni Nuṅtšo̱ Iehowa kē̱ ne̱: Na, aafo̱se mimlifũ ke̱ mimlila aſie ne̱ke̱ šihĩle̱he ne̱ no̱, gbomei ke̱ koloi ano̱, ṅãno̱ tšei ke̱ šikpoṅ le̱ no̱ nibānii le̱ ano̱, ni eetšo ní anyẽṅ agbe.

²¹ Bo̱ni Iehowa Zebaot, Israel Nyoṅmo̱ le̱, kē̱ ne̱: Nyeṅõa nyešā̃-afo̱lei le̱ nyefataä nyegbē-afo̱lei le̱ ahe, ni nyeyea lō! Lal. 50,3-15.

²² Edšake̱ mike̱ame̱ ewiee, ni asaṅ miwooame̱ kitã, gbĩ ní midšie nyetše̱mei le̱ ke̱-dše̱ Mizraim šikpoṅ le̱ no̱ le̱, ye̱ šā̃-afo̱le ke̱ gbẽ-afo̱le hewo̱; Mika 6,6-8. 1 Sam. 15,22.

²³ ši moṅ ne̱ke̱ sane ne̱ he kitã miwoame̱ mikē̱: Nyeboa migbē toi, ni matsṍ nye-Nyoṅmo̱, ni nye hũ nyeatšṍ mimaṅ; ni nyenyiea migbè̱i ni miwonye kitã ye̱ he le̱ fẽ no̱, beni afe ni ahĩ ahãnye! 2 Mose 19,5.

²⁴ Ši ame̱boo toi, ni ame̱hãã ame̱toi aba no̱ hũ, ši moṅ ame̱dientše̱ ame̱ṅāwōi ke̱ ame̱tšui fõṅ le̱ wale̱ se̱ amenyie, ni ame̱tšṍ ame̱se̱ ame̱hãmi, ni dšee ame̱hĩe, 11,8. Ies. 65,2.

²⁵ Ke̱-dše̱ gbĩ no̱ ni nyetše̱mei le̱ dše Mizraim āhũ ke̱-baši ṅme̱ne̱ gbĩ ne̱ no̱ le̱, mitšũo̱ mitšũdši ní dši gbalo̱i le̱ fẽ ke̱-baä nyeṅõ, miteo̱ ši le̱bi mā̃ṅkpa mitšũo̱ame̱ dā:

²⁶ ši kẽle̱ ame̱boomi toi, ni asaṅ ame̱hãã ame̱toi aba no̱ hũ, ši moṅ amefe ame̱he kue̱ṅtilo̱i, ni ame̱fe efõṅ fè ame̱tše̱mei le̱. 16,12.

²⁷ Ni ké̱ owie ne̱ke̱ wiemo̱i ne̱ fẽ otšõame̱ le̱, ame̱boṅo toi, ni ké̱ otšé̱ame̱ hũ, ame̱hereṅo no̱.

²⁸ Nohewo̱ le̱ kē̱mo̱ame̱ ake̱: Dšeṅmaṅ ní boo Iehowa, ame̱-Nyoṅmo̱ le̱, gbē toi, ni ame̱kplẽẽ tšo̱semo̱ ne̱; *ano̱kwale elādše ni etã ye̱ ame̱dāṅ! *5,1.

²⁹ Ku oyitšo̱i le̱ oſie, ni owo yăra ye̱ gõdši kpatãi le̱ ano̱; edšako̱ Iehowa ekwa yino̱bii ni emli efũamo̱ le̱, ni ešĩ-ame̱!

³⁰ Edšake̱ Iudabii le̱ efe efõṅ ye̱ mihĩe, Iehowa kē̱. Ame̱ke̱ ame̱nihīnii le̱ eto šĩa ní aṅõ migbei awole̱ le̱, ní ame̱-ke̱-bulele̱; 32,34.

³¹ ni ame̱mãmo̱ *Tofet hei groṅṅi le̱ ní yo̱ Hinom bi le̱ dšō̱ le̱ṅ le̱, koni †ame̱šã ame̱bihĩĩ ke̱ ame̱biyei ye̱ la mli, noni miwoko he kitã, ni esā ebako miyiṅ le̱. *2 Maṅ. 23,10. †3 Mose 18,21.

³² Hewo̱ le̱ na, gbĩĩ mība, Iehowa kē̱, ní atšē̱ṅ dše̱i ake̱ Tofet alo Hinom bi le̱ dšō̱ doṅṅ, ši moṅ aatšē̱le̱ awuyeli dšō̱, ni aafũ mei ye̱ Tofet, edšake̱ gbe̱ be̱ hekoheko doṅṅ; 19,6.

³³ ni ne̱ke̱ maṅ ne̱ gbohĩĩ le̱ aatšṍmo̱ ṅwei lofõdši ke̱ šikpoṅ no̱ koloi aniyenii, ni mokomoko eſieṅame̱. 19,7; 9,21.

³⁴ Ni mahã nyã́mo̱ ke̱ mīše̱ gbē ke̱ ayemforowu ke̱ ayemforo gbē se̱ afo ye̱ Iuda mãdši le̱ ke̱ Ierusalem blohũi le̱ amli; edšake̱ šikpoṅ le̱ batšṍ kpatā. 16,9.