Yeremia 44 - Ṅmãle̱ Kroṅkroṅ Le̱

¹ Wiemo̱ ní ba Ieremia ṅõ ye̱ Iudafoi fẽ ní yo̱ Mizraim šikpoṅ le̱ no̱, mei ni yo̱ Migdol ke̱ *Takpanes ke̱ Nof ke̱ Patros šikpoṅ le̱ no̱ le̱ ahewo̱ no̱: *43,7.

² Bo̱ni Iehowa Zebaot, Israel Nyoṅmo̱ le̱, kē̱ ne̱: Nyedientše̱ nyena efõṅ fẽ ni mike̱-ba Ierusalem ke̱ Iuda mãdši le̱ fẽ ne̱ le̱, ni na, ṅme̱ne̱ ame̱tšṍme̱ amaṅfõ, ni mokomoko ehĩĩ mli!

³ ye̱ ame̱nifõdšianii ní amefe ame̱ke̱-wo mimli la le̱ ahewo̱, ake̱-ni ame̱te ame̱yašā tšofã-ke̱-ṅma, ni ame̱ke̱-súmo̱ nyoṅmo̱i krokomei ní ame̱ ke̱ nye ke̱ nyetše̱mei le̱ lee le̱.

⁴ Ni mitšũo̱ mitšũdši fẽ ní dši gbalo̱i le̱ ke̱-baã nyeṅõ, miteo̱ ši lebi mā̃ṅ-kpa mitšũo̱ame̱ ake̱: Nyekafea nihĩnii ní minye̱o̱ ne̱!

⁵ Ši ame̱boo toi, ni asaṅ ame̱hãã ame̱-toi aba no̱ ní ame̱kpale ke̱-dše̱ amenifõdšianii le̱ ahe, ni ame̱kašã tšofã-ke̱-ṅma ame̱mīhã nyoṅmo̱i krokomei doṅṅ.

⁶ Nohewo̱ le̱ afo̱se mimlila ke̱ mimlifũ le̱ aſie ši ni eyatšo ye̱ Iuda mãdši le̱ amli ke̱ Ierusalem blohũi le̱aṅ, ni ame̱tšṍmo̱ ole̱ṅle̱ ke̱ amaṅfõ, take̱ bo̱ni eyo̱ ṅme̱ne̱ ne̱.

⁷ Nohewo le̱ agbe̱ne̱ bo̱ni Iehowa, Zebaot Nyoṅmo̱ ní dši Israel Nyoṅmo̱ le̱, kē̱ ne̱: Mẽba nyefeo̱ efõṅ kpeteṅkple ne̱ nyešio̱ nyedientše̱ nyesusumai, koni nyeplenē, nū ke̱ yō, gbekẽ ke̱ fufo̱ō fẽ ke̱-dše̱ Iuda teṅ, ní nyekaſe̱ mokomoko nyehã nyehe ne̱,

⁸ ake̱-ní nyeke̱ nyeninenā nitsumo̱i le̱ woo̱ mimli la, ni nyešãa tšofã-ke̱-ṅma nyehãa nyoṅme̱i krokomei ye̱ Mizraim šikpoṅ le̱ ne̱ heni nyete nyeyato gbo̱ ye̱ le̱, beni afe ní nyeplenē, ni nyetšṍ lōmo̱ ke̱ ahorabō̱ ye̱ šikpoṅ le̱ no̱ mãdšimãdši fẽ ateṅ?

⁹ Ani nyehĩe kpa nyetše̱mei le̱ ani-fõdši ke̱ Iuda maṅtše̱mei le̱ anifõdši ke̱ ame̱ṅãmei le̱ anifõdši ke̱ nyedientše̱ nyenifõdši ke̱ nyeṅãmei le̱ anifõdši ní amefe ye̱ Iuda šikpoṅ le̱ no̱ ke̱ Ierusalem blohũi le̱ amli le̱ ano̱?

¹⁰ Ame̱bako ame̱he ši ke̱-baši ṅme̱ne̱, ni asaṅ ame̱šeko gbeyei, ni ame̱nyieko mimla ke̱ mikpoi le̱ ni miṅõ-māmo̱ nye ke̱ nyetše̱mei le̱ ahĩe le̱ amli.

¹¹ Nohewe̱ le̱ bo̱ni Iehowa Zebaot, Israel Nyoṅmo̱ le̱, kē̱ ne̱: Na, mibadšie mihĩe makenye ye̱ efõṅ gbe̱, ni maplenē Iuda mū le̱ fẽ!

¹² Ni maṅõ Iuda mei ní eſe̱, ní dšie ame̱hĩe ame̱ka Mizraim šikpoṅ le̱ ní ame̱-yato gbo̱ ye̱ dše̱i le̱, ni ame̱fe ame̱atã; ame̱anyõnyõi ye̱ Mizraim šikpoṅ le̱ no̱: ame̱atã ye̱ *klante ke̱ hõmo̱ nā, ame̱ agboi ye̱ klante ke̱ hõmo̱ nā ke̱-adše̱ mo bibiō no̱ ke̱-yaši mo wulu no̱, ni ame̱-atšṍ kitãkãmo̱nõ ke̱ nākpe̱nõ ke̱ lōmo̱ ke̱ ahorabō̱. *29,17. 18.

¹³ Ni mawo mei ní yo̱ Mizraim šikpoṅ le̱ no̱ le̱ nyõmo̱, tamo̱ bo̱ni mike̱ klante ke̱ hõmo̱ ke̱ gbĕle-hela wo Ierusalem nyõmo̱ le̱,

¹⁴ ni Iuda mei ní eſe̱ ní ete Mizraim šikpoṅ le̱ no̱ eyato gbo̱ ye̱ dše̱i le̱ ateṅ mokomoko edšeṅ mli lo eſe̱ṅ, ní ame̱akũ ame̱se̱ ke̱-aba Iuda šikpoṅ le̱ ní ame̱ſeo̱ ake̱ ame̱akũ ame̱se̱ ame̱bahĩ dše̱i le̱ no̱; edšake ame̱kũṅ ame̱se̱, ake̱ dša mei ní aadše mli komei ke̱ke̱!

¹⁵ Ke̱ke̱ ni hĩĩ fẽ ní le ake̱ ame̱ṅãmei šãa tšofã-ke̱-ṅma ame̱hãa nyoṅmo̱i krokomei le̱, ke̱ yei fẽ nī damo̱ dše̱i le̱, asafo babaō dientše̱, ke̱ maṅ mū le̱ fẽ ní yo̱ *Patros ye̱ Mizraim šikpoṅ le̱ no̱ lo̱ to he ame̱hã Ieremia ake̱: *Ies. 11,11.

¹⁶ Wiemo̱ ní owie otšõwo̱ ye̱ Iehowa gbe̱i ano̱ ne̱, wo̱boo bo toi;

¹⁷ ši moṅ wiemo̱-fẽ-wiemo̱ ní edše wo̱nā le̱, no noṅṅ no̱ wo̱baye, ní wo̱šã tšofã-ke̱-ṅma wo̱hã *ṅwei maṅnye le̱, ní wo̱ye ṅkpai wo̱hãle̱, take̱ bo̱ni wo̱ ke̱ wo̱tše̱mei ke̱ wo̱maṅtše̱mei ke̱ wo̱lumei le̱ fe ye̱ Iuda mãdši le̱ ke̱ Ierusalem blohũi le̱ amli le̱; edšake̱ †no mli le̱ wo̱tŏ̱ro̱ö̱ ke̱ abolo, ni ehĩ hãwo̱, ni wo̱naa efõṅ ko; *7,17. 18. †Hos. 2,7.

¹⁸ ši ke̱-dše̱ beyino̱ ní wo̱fō tšofã-ke̱-ṅma šã ke̱ ṅkpaiyeli ke̱ ṅwei maṅnye le̱ hãmo̱ ne̱, nofẽno hĩaäwo̱, ni wo̱mītã ye̱ klante ke̱ hõmo̱ nā.

¹⁹ Ni asaṅ ke̱dši wo̱mīšã tšofä-ke̱-ṅma wo̱mīhã ṅwei maṅnye le̱ ni wo̱mīye ṅkpai wo̱mīhãle̱ le̱, ani wo̱wùmei le̱ lee mli ni wo̱kwe̱o̱ esubãṅ no̱ wo̱šĩo̱ tatalei ni wo̱yeo̱ ṅkpai wo̱hāale̱ le̱ lo?

²⁰ Ke̱ke̱ ni Ieremia kē̱ maṅ mū le̱ fẽ, hĩĩ le̱ ke̱ yei le̱ ke̱ maṅ mū le̱ ſẽ ní hãle̱ hetō le̱ ake̱:

²¹ Nto tšofã-ke̱-ṅma ní nye ke̱ nyetše̱mei ke̱ nyemaṅtše̱mei ke̱ nyelumei ke̱ šikpoṅ le̱ no̱ bii le̱ šãšãi ye̱ Iuda mãdši le̱ amli ke̱ Ierusalem blohũi le̱ amli le̱, nomei Iehowa ekai ni eba edſẽṅmo̱ mli ne̱!

²² Iehowa nyẽẽ nyenifemo̱nii fõdši ke̱ nihĩnii ní nyefe le̱ doṅṅ le̱, nohewo̱ nyešikpoṅ le̱ etšṍ amaṅfõ ke̱ nākpe̱nõ ke̱ lōmo̱, ni mokomoko be̱ dše̱i, tamo̱ bo̱ni yo̱ ṅme̱ne̱ ne̱!

²³ Ake̱-ní nyešãšā̃ tšofã-ke̱-ṅma ni nyefe eša nyeši Iehowa, ni nyeboo Iehowa gbē toi, ni nyenyiee emla ke̱ egbe̱nāi ke̱ edasei le̱ amli le̱, nohewo̱ ošrã ne̱ ebašrãnye, tamo̱ bo̱ni yo̱ ṅme̱ne̱ ne̱!

²⁴ Ni Ieremia kē̱ maṅ mū le̱ fẽ ke̱ yei le̱ fẽ ake̱: Nyeboa Iehowa wiemo̱ toi, nye Iuda fẽ ni yo̱ Mizraim šikpoṅ le̱ no̱ le̱!

²⁵ Bo̱ni Iehowa Zebaot, Israel Nyoṅmo̱ le̱, kē̱ ne̱: Nye ke̱ nyeṅãmei le̱ nyeke̱ nyenābu ewie, ni nyeke̱ nyenidši ehã eba mli ake̱: Wo̱ši ní wo̱wowoi ake̱ wo̱o̱šã tšofã-ke̱-ṅma wo̱hã ṅwei maṅnye le̱ ni wo̱o̱ye ṅkpai wo̱hãle̱ le̱, dša wo̱ye no̱! Bĕle̱ nyeyea nyešiwōi le̱ ano̱, ni nyefea bo̱ni nyewo ši le! K. 17.

²⁶ Nohewo̱ le̱ nyeboa Iehowa wiemo̱ toi, nye Iuda fẽ ní yo̱ Mizraim šikpoṅ le̱ no̱ le̱! Na, mikã migbe̱i wulu le̱ kitã, Iehowa kē̱, ake̱ Iudanyo ko Iudanyo ko ke̱ enābu etšĩṅ migbe̱i atã ake̱: “Gbĩĩabo̱ ní Nuṅtšo̱ Iehowa hĩe kã ne̱!” ye̱ Mizraim šikpoṅ mū le̱ fẽ no̱ doṅṅ!

²⁷ Na, mīši ame̱he kpe ye̱ efõṅ gbe̱ ni dšee ekpakpa gbe̱, ni Iudafoi fẽ ni yo̱ Mizraim šikpoṅ le̱ no̱ le̱ aaplenē ye̱ klante ke̱ hõmo̱ nā ke̱-yaši beyino ní ame̱atāãkwrā!

²⁸ Ni mei fiō ke̱ke̱ dši mei ní aadše klante le̱ nā *akū ame̱se̱ ke̱-dše̱ Mizraim šikpoṅ le̱ no̱ ke̱-ba Iuda šikpoṅ le̱ no̱, ni Iuda mei ní eſe̱ le̱ fẽ ni ete Mizraim šikpoṅ le̱ no̱ eyato gbo̱ ye̱ dše̱i le̱ aaná ale mo wiemo̱ ní aamã ši šiṅṅ, minõ dšio, ame̱nõ dšio! *Ies. 11,11.

²⁹ Ni ene̱ aafe okadi ahãnye, Iehowa kē̱, ake mawonye nyõmo̱ ye̱ bie̱ ne̱, beni afe ni nyená nyele ake̱ miwiemo̱i le̱ aaba mli ahãnye ye̱ efõṅ gbe̱:

³⁰ Bo̱ni Iehowa kē̱ ne̱: Na, maṅõ Farao Hofra, Mizraim maṅtše̱ le̱, mawo ehenye̱lo̱i ke̱ mei ní taoo̱ esusuma se̱gbe̱ le̱ adeṅ, take̱ bo̱ni miṅõ Zedekia, Iuda maṅtše̱ le̱, miwo *Nebukadnezar, Babel maṅtše̱ le̱, ni dši ehenye̱lo̱ ke̱ moni taoo̱ esusuma se̱gbe̱ le̱, deṅ le̱! *2 Kron. 36,13. 20.