Yeremia 41 - Ṅmãle̱ Kroṅkroṅ Le̱

¹ Ši eba mli ake̱ nyõṅ ni dši kpawo le̱ no̱ le̱ *Išmael, Elišama bi Netania bi le̱ ní dše̱ maṅtše̱ sešibii le̱ ke̱ maṅtše̱ le̱ he onukpai le̱ ateṅ le̱, ke̱ hĩĩ nyoṅma ní fata ehe le̱ ba Gedalia, Ahikam bi le̱, ṅõ ye̱ Mizpa, ni ame̱fẽ-tſẽm ame̱baye nii ye̱ dšei ye Mizpa. *40,8. 2 Maṅ. 25,25.

² Ke̱ke̱ ni Išmael, Netania bi le̱, ke̱ hĩĩ nyoṅma ní fata ehe le̱ te ši ni ame̱bãmo̱ *Gedalia, Šafan bi Ahikam bi le̱, ní Babel maṅtše̱ le̱ ewole̱ šikpoṅ le̱ no̱ lumo̱ le̱ klante, ni ame̱gbele̱; *40,5.

³ asaṅ Iudafoi fẽ ní ke̱ le̱ Gedalia le̱ yo̱ Mizpa le̱, ke̱ Kaldeabii ni ana ye̱ dše̱i ní dši tabilo̱i le̱ hũ Išmael gbeame̱,

⁴ Ni eba mli ake̱, beni agbe Gedalia le̱ se̱ gbĩĩ enyo̱, ní mokomoko leko le̱,

⁵ hĩĩ komei dše̱ Šekem ke̱ Šilo ke̱ Samaria ba, ame̱yi nyoṅmai-kpānyo̱ so̱ṅṅ, ame̱še̱šē̱ ame̱tšẽṅi, ni ame̱gblagblā ametadei, ni *ame̱bãmo̱bãmō̱ ame̱he hũ, ni ame̱hĩe niyenii-afo̱le ke̱ kro̱bo̱o ye̱ ame̱dẽ ní ame̱ke̱-mība Iehowa we le̱. *3 Mose 19,38.

⁶ Ni Išmael, Netania bi le̱, dše̱ Mizpa teame̱ kpēmo̱, eyaä fẽ le̱ ehĩe yāfó; ni eba mli ake̱, beni eke̱ame̱ kpe le̱, ekē̱ame̱ ake̱: Nyebaä Gedalia, Ahikam bi le̱, ṅõ!

⁷ Ni eba mli ake̱, beni ame̱še̱ maṅ le̱ teṅ pe̱ le̱, Išmael, Netania bi le̱, ke̱ hĩĩ ní fata ehe le̱ gbeame̱ ni ame̱še̱re̱-ame̱ ame̱ſie nubu le̱ mli.

⁸ Ši ana hĩĩ nyoṅma ye̱ ame̱teṅ ní kē̱ Išmael ake̱: Kāgbewo̱; ši wo̱ye̱ nii ni wo̱ke̱-tē ye̱ ṅã le̱ṅ, ṅmā̃ ke̱ akoko ke̱ mũ ke̱ wò! Ke̱ke̱ le̱ efõ, ni egbeeame̱ ye̱ ame̱nyemimei le̱ ateṅ.

⁹ Ši nubu le̱ ni Išmael še̱re̱ hĩĩ ní egbe ke̱-fata Gedalia he le̱ agbobĩĩ le̱ fẽ eſie mli le̱ dši noni *maṅtše̱ Asa dše ye̱ Baeša, Israel maṅtše̱ le̱, hewo̱ le̱: no mli Išmael, Netania bi le̱, ṅõ mei ní enyõnyõi le̱ ewo obõ. *1 Maṅ. 15,16. 22.

¹⁰ Ke̱ke̱ ni Išmael ṅõ maṅbii ní eſe̱ ye̱ Mizpa le̱ fẽ, maṅtše̱ le̱ biyei le̱ ke̱ maṅ mū le̱ fẽ ní eſe̱ ye̱ Mizpa le̱, mei ní Nebuzaradan, oblafoi atše̱ le̱, eṅõ-to Gedalia, Ahikam bi le̱, šiši le̱ ſẽ, ni Išmael, Netania bi le̱, ṅõame̱ nom, ni eyiṅ ní efo mli ke̱-ya Amonbii le̱ aṅõ.

¹¹ Ši beni *Iohanan, Karea bi le̱, ke̱ tai le̱ ano̱ asafoiatše̱mei le̱ fẽ ní fata ehe le̱ nu efõṅ fẽ ní Išmael, Netania bi le̱, efe le̱ he le̱, *40,8. 13-16.

¹² ame̱ṅõ hĩĩ le̱ fẽ ni ame̱yiṅ ke̱-te ni ame̱ke̱ Išmael, Netania bi le̱, ayawu; ni ame̱yaninale̱ ye̱ *nui babaō ní yo̱ Gibeon le̱ he. *2 Sam. 2,13.

¹³ Ši eba mli ake̱, beni maṅ mū le̱ fẽ ní fata Išmael he le̱ na Iohanan, Karea bi le̱, ke̱ tai le̱ ano̱ asafoiatše̱mei le̱ fẽ le̱, ame̱nyã́,

¹⁴ ni maṅ mū le̱ fẽ ni Išmael yaṅõ-ame̱ nom ke̱-dše̱ Mizpa le̱ tšṍ ame̱he, ni ame̱kũ ame̱se̱ ke̱-ba Iohanan, Karea bi le̱, ṅõ.

¹⁵ Ši Išmael, Netania bi le̱, ke̱ hĩĩ kpānyo̱ dše Iohanan deṅ, ni eyiṅ ete Amonbii le̱ aṅõ.

¹⁶ Ke̱ke̱ ni Iohanan, Karea bi le̱, ke̱ tai le̱ ano̱ asafoiatše̱mei le̱ fẽ ní fata ehe le̱, ṅõ maṅbii ní eſe̱ le̱ fẽ ní Išmael, Netania bi le̱, yakpla ke̱-dše̱ Mizpa, beni egbe Gedalia, Ahikam bi le̱, se̱ le̱: tabilo̱i ke̱ yei ke̱ gbekẽbii ke̱ piafoi le̱, mei ní eyakpale ke̱-dše̱ Gibeon le̱,

¹⁷ ni ame̱yiṅ ame̱te ame̱yahĩ *Kimham gbo̱iatōhe ní yo̱ Betlehem mase̱i le̱, koni †ameṅõ-ſie no̱ ke-ya Mizraim, *2 Sam. 19,38. †Ier. 43,7.

¹⁸ ye̱ Kaldeabii le̱ ahewo̱; edšake̱ ame̱mīšeame̱ gbeyei, ake̱-ní Išmael, Netania bi le̱, egbe Gedalia, Ahikam bi le̱, moni Babel maṅtše̱ le̱ wole̱ šikpoṅ le̱ no̱ lumo̱ le̱.