Yeremia 4 - Ṅmãle̱ Kroṅkroṅ Le̱

¹ Israel, ké̱ ookũ ose̱ le̱, Iehowa kē̱, — kũ ose̱ ke̱-ba miṅõ! ni ke̱dši oodšie onihīnii le̱ ke̱-adše̱ mihĩe le̱, no le̱ aſieṅo doṅṅ;

² ni *ookã kitã ye̱ ano̱kwale ke̱ kodšomo̱ ke̱ dšale̱ mli ake̱: Gbĩĩabo̱ ní Iehowa hĩe kã ne̱! ni no le̱ dšeṅmãdši aadšō̱dšō̱ ame̱he ye̱ emli, ni le noṅṅ eno̱ ame̱aſã ame̱fõ. *12,13. Ies. 65,16.

³ Edšake̱ bo̱ni Iehowa kē̱o̱ Iudahĩĩ le̱ ke̱ Ierusalem ne̱: *Nyekũa ṅmõ hē nyehãa nyehe, ni nyekadũa nii ye̱ ṅmeii ateṅ! *Hos. 10,12.

⁴ *Nyeflo̱a nyehe ketia nyehãa Iehowa, ni nyedšiea nyetšui mli fō le̱, nye Iudahĩĩ ke̱ Ierusalembii, ké̱ dšee nakai le̱, mimlila le̱ adše kpo tamo̱ la, ni eešã ní moko nyẽṅ agbe, ye̱ nyenifemo̱nii fõdši le̱ ahewo! *9,25. 5 Mose 10,16.

⁵ Nyegbaä ye̱ Iuda, nyehãa anua ye Ierusalem, nyekē̱a ake̱: Nyekpãa te̱tre̱mantre̱ ye̱ šikpoṅ le̱ no̱! Nyesie̱a ke̱ gbē ní wa nyekē̱a ake: Nyebuaä nyehe nā ke̱-kpea ni nyehãa wo̱yaä mãdši ní atſa gbogboi awo he le̱ amli!

⁶ Nyešia aflaṅā ke̱-yaä Zion gbe̱: nyedšoa foi, nyekawaä nyedamo̱a ši! *Edšake̱ mike̱ eſõṅ ke̱ hĩekpãtãmo̱ kpeteṅkple badše̱ kōyigbe̱ aba. *1,14.

⁷ Dšata ko edše kpo ke̱-dše̱ ekō ku-sū le̱ṅ ke̱-mība, dšeṅmãdši le̱ afitelo̱ le̱ efã ke̱-dše̱ ehĩle̱he le̱ ke̱-mība, ni ebafe ošikpoṅ le̱ amaṅfõ, ni ekpãtã omãdši le̱ ahĩe, ni moko ehĩṅ mli doṅṅ.

⁸ Ene̱ hewo le̱ nyemĩaä kpekpe, nyewoa yāra ni nyeblo̱a lelēle; edšake̱ Iehowa mlifũ ní nā wa le̱ edšeko wo̱no̱!

⁹ Ni aaba mli ake̱ nakai gbĩ le̱ no̱ le̱, Iehowa kē̱, maṅtše̱ le̱ tšui ke̱ lume̱i le̱ atšui aafā, ni oso̱foi le̱ ahe aadšõ ame̱he, ni gbaloi le̱ ahĩe aafeame̱ yā.

¹⁰ Ni mikē̱: Ao, Nuṅtšo̱ Iehowa! Le̱le̱ṅ, lakamo̱ olaka maṅ ne̱ ke̱ Ierusalem ni okē̱ ake̱: Nyebaná *hedšo̱le̱ le̱! no moṅ ni klante še̱o̱ susuma mli tō̃ ne̱! *6,14.

¹¹ Nakai be le̱ mli le̱ aakē̱ ne̱ke̱ maṅ ne̱ ke̱ Ierusalem ake̱: Kō̱yo̱ ní mli edo̱ la dše̱ ṅã le̱ no̱ gõdši kpatāi le̱ ano̱ nyie gbe̱ ke̱-mība mimaṅ le̱ biyō le̱ no̱, dšee mlišā nõ ni, ni dšee hūmo̱ nõ hũ ni!

¹² Kō̱yo̱ ní nā wa tšṍ hã ene̱ aaba ahãmi, no koni mi hũ mawie kodšomo̱ wiemoi mašiame̱!

¹³ Na, efã ke̱-mība tamo̱ atatui, ni eſīlii le̱ tamo̱ lasũogbĕle; ekpo̱ṅo̱i le̱ ahe ye̱ oyá fè okropoṅi: Kpóo hãwo̱! wo̱hĩe ekpãtã!

¹⁴ *Fo̱ otšui he ke̱-dše̱ efõṅ mli, Ierusalem, beni afe ní ahere oyiwala! Mẽ beyino noṅṅ po odſẽṅmo̱i fõdši le̱ aahĩ omli ke̱-yaši! *Ies. 1,15.

¹⁵ Edšake̱ gbē ní wa ko mīgbē̱ ke̱-mīdše̱ Dan, ni sane fõṅ ko mīdše̱ Efraim gõdši le̱ ano̱.

¹⁶ Nyetšĩa tã nyetšõa dšeṅmãdši le̱, nyehãa anua ye̱ Ierusalem he ake̱: Káwolo̱i dše̱ maṅse̱ šoṅṅ mība, ni ame̱ba-wó ame̱gbē no̱ ame̱wo Iuda mãdši le̱.

¹⁷ *Ame̱abo̱lele̱ ke̱-akpe tamo̱ mei ní buo̱ ṅmõdši ahe; edšake̱ etše mihĩe atũa, Iehowa kē̱. *1,15; 6,3.

¹⁸ Ogbe̱ ke̱ onifemo̱nii le̱ feo ene̱ ne̱: onifõdšianii le̱ dši noni hã edšō, ni eše̱ otšui mli tō̃ ne̱.

¹⁹ Mimũsũṅ! ō, mimũsũṅ! mitsui mli dientše̱ miwa mihe! mitšui kãã mimli! minyẽẽ diõ mafe! edšake̱ misusuma enu te̱tre̱mantre̱ gbē̱mo̱ ke̱ ta mli ošebō̱. Ies 16,9.

²⁰ Āblo̱ ake̱: Hĩekpãtãmo̱ nyie hĩekpãtãmo̱ se̱! edšake̱ afite šikpoṅ le̱ fẽ; afite mibūi le̱ trukā, ke̱ mibūi ahe mamai le̱ hũ hĩṅme̱itfā mli.

²¹ Mẽ beyino noṅṅ po mana aflaṅä, ni manu te̱tre̱mantre̱ gbē̱mo̱ ke̱-yaši?

²² Edšake̱ mimaṅ le̱ eye se̱ke̱; ame̱-leemi; bii kwašiai dšiame̱, ni ame̱be̱ dſẽṅ-mo. Nilelo̱i dšiame̱ ye̱ efõṅfemo̱ gbe̱faṅ, ši ekpakpafemo̱ le̱ ame̱lee.

²³ Mikwe̱ šikpoṅ le̱, ni na, eye̱ ole̱ṅle̱ ni efe flóṅṅ! ni mikwe̱ ṅwei hũ, ši la be̱!

²⁴ Mikwe̱ gõdši le̱, ni na, ame̱mīhoso, ni goṅkpo̱i le̱ fiā he mīkpokpo!

²⁵ Mikwe̱, ni na, gbomo komeflo be̱, ni ṅwei lofõdši fẽ efliki ke̱-te.

²⁶ Mikwe̱, ni na, abō̱i le̱ etšṍmo̱ ṅã, ni eno̱ mãdši le̱ fẽ edſăra ye̱ Iehowa ke̱ emlifũ ní nā wa le̱ hĩe!

²⁷ Edšake̱ bo̱ni Iehowa kē̱ ne̱: Ši-kpoṅ le̱ fẽ batšṍ amaṅfõ moṅ, ši *kẽle̱ mifiteṅle̱ ke̱-gbeṅ na. *5,10. 18.

²⁸ Ene̱ hewo̱ le̱ šikpoṅ le̱ aaye ṅko̱mo̱, ni ṅwei aadĩ tū̃ ye̱ yiteṅ; edšake̱ miwie, mito miyiṅ, ni miſaṅ mihe, ni mikpaleṅ ke̱-dšeṅ he.

²⁹ Ni maṅ mū le̱ fẽ mīdšo foi ye̱ okpo̱ṅo̱iatše̱mei ke̱ gãitšẽlo̱i agbe nā; ame̱mībote kōiaṅ, ni ame̱mīkwŏ̱lo̱ te̱sāi: ašĩ maṅ-fẽ-maṅ afo ši, ni moko ehĩĩ mli doṅṅ.

³⁰ Ni bo le̱, ké̱ akpatã ohĩe le̱, té obafe teṅ? Tše̱ obu mama tšuru, tše̱ owula ke̱ šika wulamo̱nii, tše̱ oke adibri ediki ohĩṅme̱ii ase̱, ši yakatſā ofeo̱ ohe fe̱fe̱o: osuolo̱i le̱ aagbe ohe guo̱; ame̱atao bo ame̱gbe.

³¹ Edšake̱ minu gbē ko tamo̱ yō ní kõmoo̱ gbē, kē̃mo̱ ní tamo̱ yō ní bafo̱ ekromo̱bi nõ: Zion biyō ní tšui suo̱ le̱ gbē ni, egbe̱o̱ enidšĩaṅ ake̱: Kpóo hãmi! edšake̱ misusuma eto̱ biti ye̱ awuyelo̱i le̱ adeṅ!