Yeremia 37 - Ṅmãle̱ Kroṅkroṅ Le̱

¹ Ni Zedekia, Iosia bi le̱, baye maṅtše̱ ye̱ Konia, Iehoiakim bi le̱, nãdšiaṅ, edšake̱ Nebukadnezar, Babel maṅtše̱ le̱, ewole̱ maṅtše̱ ye̱ Iuda šikpoṅ le̱ no̱. 2 Maṅ. 24,17.

² Ši le̱ ke̱ etšũdši ke̱ šikpoṅ le̱ no̱ bii lo̱ hũ boo Iehowa wiemo̱i ní etšṍ gbalo̱ Ieremia no̱ ewie le̱ atoi.

³ Ši maṅtše̱ Zedekia tšũ Iebukal, Šelemia bi le̱, ke̱ Zefania, Maaseia bi ní dši oso̱fo le̱, ke̱-ba gbalo̱ Ieremia ṅõ ame̱bakē̱: *Kpa Iehowa, wo̱-Nyoṅmo̱ le̱, fai ohãwo̱! *42,2. Ies. 37,4.

⁴ Agbe̱ne̱ Ieremia yaä baä ye̱ maṅ-bii le̱ ateṅ, edšake̱ awokole̱ tšũṅ.

⁵ Ni Farao ta le̱ fã ke̱-dše̱ Mizraim ke̱-ba; ni beni Kaldeabii ní ebabo̱ nsra ewo Ierusalem he lo̱ nu ame̱he le̱, ame̱dše Ierusalem he ame̱te.

⁶ Ke̱ke̱ ni Iehowa wiemo̱ ba gbalo̱ Ieremia ṅō ake̱:

⁷ Bo̱ni Iehowa, Israel Nyoṅmo̱ le̱, kē̱ ne̱: Nyeyakē̱a Iuda maṅtše̱ le̱ ní tšũnye ke̱-ba miṅõ nyebabimi nii le̱ ake̱: Na, Farao ta ní fã ke̱-ba ni ebaye ebuanye le̱, aakũ ame̱se̱ ke̱-ate ame̱šikpoṅ ní dši Mizraim le̱ no̱ ekoṅ;

⁸ ni Kaldeabii le̱ hũ aakũ ame̱se̱ ke̱-aba ni ame̱ke̱ ne̱ke̱ maṅ ne̱ aabawu ekoṅ, ni ame̱aṅõle̱ ni ame̱ke̱ la aašãle̱.

⁹ Bo̱ni Iehowa kē̱ ne̱: Nyekašišiua nyedientše̱ nyehe nyemīkē̱ ake̱: “Fã Kaldeabii le̱ efã ke̱-dše wo̱he ke̱-te kwrã!” le̱, edšake̱ ame̱náko ame̱ya.

¹⁰ Ši ke̱dši nyeagbe Kaldeabii ní ke̱-nye wuo̱ le̱ ata le̱ fẽ ni aaſe̱ ame̱teṅ pilafoi komei ke̱ke̱ tete le̱, ame̱teṅ mofẽmo aate ši ke̱-adše̱ ebū mli, ni ame̱ke̱ la aašã ne̱ke̱ maṅ ne̱ kẽ.

¹¹ Ni eba mli ake̱, beni Kaldeabii le̱ ata le̱ efã ke̱-dše̱ Ierusalem he ke̱-te ye̱ Farao ta le̱ hewo̱ le̱,

¹² ke̱ke̱ ni Ieremia dše kpo ke̱-dše̱ Ierusalem, ake̱ ēya Benyamin šikpoṅ le̱ ne̱, eyaṅõ egbe̱fãṅnõ ye̱ dše̱i ye̱ ewekumei ateṅ. 22,9.

¹³ Ni beni eše̱ Benyamin agbó le̱ nā le̱, bulo̱i le̱ asafoiatše̱ ko ní atšé̱o̱le̱ Iiria, Hanania bi Šelemia bi le̱, ye̱ dše̱i, ni ebamõ gbalo̱ Ieremia le̱, ekē̱: Kaldeabii le̱ aṅõ otšeo̱ ke̱-ya ne̱!

¹⁴ Ši Ieremia kē̱: Ebe̱ mli! dšee Kaldeabii le̱ aṅõ mitšeo̱ ke̱-ya! Ši eboole̱ toi. Ni Iiria mõ Ieremia ni eke̱le̱ ba lume̱i le̱ aṅõ.

¹⁵ Ni lume̱i le̱ gri wo Ieremia, ni *ame̱yile̱, ni ame̱wole̱ tšũṅ ye̱ Ionatan, woloṅmãle̱ le̱, we le̱, edšake̱ dše̱i ame̱ke̱-fe tšùṅwōhe. *20,2.

¹⁶ Ni Ieremia bote tšũ ke̱ emli bu le̱ mli; ni Ieremia hĩ dše̱i gbĩĩ pī.

¹⁷ Ke̱ke̱ ni maṅtše̱ Zedekia tšũ ayaṅõle̱, ke̱-ba, ni maṅtše̱ le̱ bile̱ ye̱ ewe le̱ ye̱ tēmo̱ mli ake̱: Ani wiemo̱ ní dše̱ Iehowa ṅõ le̱ eko ye̱? Ni Ieremia kē̱: Eko ye̱! ni esā ekē̱: *Aaṅõo awo Babel maṅtše̱ le̱ deṅl *34,21.

¹⁸ Ni Ieremia să kē̱ maṅtše̱ Zedekia ake̱: Mẽ eša mife bo ke̱ otšũdši le̱ ke̱ ne̱ke̱ maṅ ne̱, hewo̱ ni nyewomi tšũṅ ne̱?

¹⁹ Ni nyegbalo̱i le̱ ni gba hãnye ake̱: “Babel maṅtše̱ le̱ baṅ nye ke̱ ne̱ke̱ šikpoṅ ne̱ no̱!” le̱, nẽgbe̱ ame̱yo̱?

²⁰ Ni agbe̱ne̱, bo toi, minuṅtšo̱ maṅtše̱! Hã ní mifaikpamo̱ le̱ asa ohĩe, ni okahã ake̱mi mīkũ se̱ miya Ionatan, woloṅmãlo̱ le̱, we le̱ doṅṅ, koni mikayagbo ye̱ dše̱i!

²¹ Ke̱ke̱ ni maṅtše̱ Zedekia fã́, ni ake̱ *Ieremia yato bulo̱i le̱ akpo le̱ no̱, ni aṅõo̱ abolo subo̱o ke̱-dše̱o̱ abološãlo̱i le̱ ablohũ le̱ṅ abahãale̱ gbĩ-fẽ-gbĩ āhũ ke̱-yaši beyino̱ ní abolo le̱ fẽ tã ye̱ mã le̱ṅ. Bo̱ni fe ní Ieremia hĩ bulo̱i le̱ akpo le̱, no̱ ne̱. *32,2.