Yeremia 13 - Ṅmãle̱ Kroṅkroṅ Le̱

¹ Bo̱ni Iehowa kē̱mi ne̱: Ya ní oyahe klala he̱fĩnõ, ni oṅõ-fĩ ohe̱, ni okaṅõtšo̱ nu mli!

² Ni mite miyahe he̱fĩnõ le̱ ye̱ Iehowa wiemo̱ le̱ nā, ni miṅõ-fĩ mihe.

³ Ke̱ke̱ ni Iehowa wiemo̱ ba miṅõ noni dši šii enyo̱ ake̱:

⁴ Ko̱ he̱fĩnõ ní ohe ní fĩ ohe̱ le̱, ni ote ši oya Eufrate fā le̱ nā, ni oke̱-yatē te̱sā flo̱ ko mli ye̱ dše̱i.

⁵ Ni miyiṅ mite ni mike̱-yatẽ ye̱ Eufrate nā, take̱ bo̱ni Iehowa fã́mi le̱.

⁶ Ni eba mli ake̱ gbĩĩ kplaṅṅ se̱ le̱ Iehowa kē̱mi ake̱: Te ši ní oya Eufrate nā, ni oyako̱ he̱fĩnõ ní mifã́o ake̱ oke̱-yatẽ dše̱i le̱ ke̱-ba.

⁷ Ni miyiṅ mite Eufrate nā, ni mi-yatša ši, ni miko̱ he̱fĩnõ le̱ ke̱-dše̱ heni miṅõ-tē le̱; ni na, he̱fĩnõ le̱ efite, ehĩĩ hãã nokonoko doṅṅ.

⁸ Ke̱ke̱ ni Iehowa wiemo̱ ba miṅõ ake̱:

⁹ Bo̱ni Iehowa kē̱ ne̱: Ne̱ke̱ pe̱ mibafite Iuda hewō ke̱ Ierusalem hewō babaō le̱.

¹⁰ Ne̱ke̱ maṅ fõṅ ne̱ ní ekplẽẽ miwiemo̱i le̱ atoibō, ní ame̱nyieo̱ *ame̱tšui wale̱ se̱, ni ame̱nyieo̱ nyoṅmo̱i krokomei ase̱, ni ame̱súmoo̱ame̱ ni ame̱dšáaame̱ le̱, ame̱atšṍmo̱ tamo̱ ne̱ke̱ he̱fĩnõ ní ehĩĩ hãã nokonoko doṅṅ ne̱ pe̱! *11,8.

¹¹ Edšake̱ bo̱ni he̱fĩnõ kpe̱te̱o̱ mo he̱ le̱, nakai mihã Israel we le̱ fẽ ke̱ Iuda we le̱ fẽ kpe̱te̱ mihe, Iehowa kē̱, koni ame̱tšṍ mimaṅ ke̱ gbe̱i ke̱ yidšiemo̱ ke̱ anumnyam; ši kẽle̱ ame̱boo toi!

¹² Nohewo̱ le̱ kē̱mo̱ame̱ ne̱ke̱ wiemo̱ ne̱: Bo̱ni Iehowa, Israel Nyoṅmo̱ le̱, kē̱ ne̱: To̱-fẽ-to̱ bayi obõ ke̱ wein! Ni ame̱-akē̱o ake̱: Aso wo̱lee ake̱ to̱-fẽ-to̱ bayi obõ ke̱ wein?

¹³ Ke̱ke̱ le̱ okē̱ame̱ ake̱: Bo̱ni Iehowa kē̱ ne̱: Na, mibahã šikpoṅ ne̱ no̱ bii le̱ fẽ ke̱ maṅtše̱mei, ní trá David sẽi le̱ no̱ le̱, ke̱ oso̱foi le̱ ke̱ gbaloi le̱ ke̱ Ierusalembii le̱ fẽ, *tŏ̱ro̱ dā̃ kpotō̱. *25,15-18. Ies. 51,17.

¹⁴ Ni mamõmo̱ame̱ matſiatſia ame̱he, tše̱mei ke̱ bii fẽ, Iehowa kē̱; minaṅ mo̱bo̱, ni mikõṅ mifliṅ, ni mimũsũṅ etšõṅmi ye̱ ame̱fitemo̱ le̱ hewo̱.

¹⁵ Nyeboa toi, ni nyehãa nyetoi abaä no̱! nyekawoa nyehe, edšake̱ Iehowa ewie!

¹⁶ Nyeṅõa anumnyam nyehãa Iehowa, nye-Nyoṅmo̱ le̱, beni enako ehã duṅ awo, ni nyenãdši aatĕ̱re̱ ye̱ gõdši ní no̱ ewo duṅ le̱ ano̱; ni beni nyekwe̱o̱ la gbe̱ le̱, ehã etšṍ gbĕlehō̃ṅ, ni ehã duṅ kpī ewo le̱.

¹⁷ Ši ké̱ nyeboo toi le̱, misusuma aafó ye̱ tēmo̱ mli ye̱ nyehewō le̱ hewo̱, ni *mihĩṅme̱i aafó āhũ, ni emli aaho nu; edšake̱ aṅõ Iehowa tōiku le̱ nom. *9,1.

¹⁸ Kē̱mo̱ maṅtše̱ le̱ ke̱ maṅnye le̱ ake̱: Nyebaä nyehe ši, nyetráa ši; edšake̱ nyenumnyam *akekre le̱ edše nyeyiteṅ egbē ši! *Yāfó 5,16.

¹⁹ Aṅã́mo̱ wuoyigbe̱ mãdši le̱ anā, ni mokomoko be̱ ni aagble; aṅõ Iuda fẽ nom, aṅõ ame̱fẽ nom ke̱-te!

²⁰ Holemo̱ ohĩṅme̱ii ano̱ ni okwe̱ mei ní dše̱ kōyigbe̱ baä ne̱: nẽgbe̱ tōiku ní aṅõ-hão le̱, onumnyam tōiku le̱ yo̱?

²¹ Ké̱ ewo mei, ní bodientše̱ otšo̱se-ame̱ ake̱ onanemei le̱, onukpai ye̱ ono̱ le̱, té obakē̱ tēṅ? Ani kō̃mo̱ etaṅ ohe tamo̱ yō ní bafo?

²² Ni ké̱ okē̱ ye̱ otšui mli ake̱: Mẽhewo̱ ne̱ke̱ nii ne̱ ba mino̱? le̱, — onišaianii babaō le̱ hewo̱ ni awó otade *nāmũi le̱ ano̱, ni ahã onane tšitšii na nõ. *Ies. 47,2. 3. Ezek. 16,37.

²³ Ani modiṅ aanyẽ ehewolo atšake, alo kōtše̱ aanyẽ ehe ṅwãtãṅwãtã le̱ atšake? no le̱ nye hũ *nyeanyẽ ekpakpa nyefe, nye mei ní efõṅfemo̱ eka nyeno̱ le̱! *Lal. 55,20.

²⁴ Nohewo̱ le̱ magbe̱ame̱ maſã tamo̱ tutū ní ṅãno̱ kō̱yo̱ lōo̱ ke̱-yaä!

²⁵ Ene̱ dši ogbe̱nā ní obaná, ogbefãṅnõ ní misusu mihão, Iehowa kē̱; edšake̱ ohĩe ekpa mino̱, ni oṅõ ohĩe ofõ amale no̱!

²⁶ Nohewo̱ le̱ mi hũ mawó otade nāmūi le̱ ano̱ ye̱ ohĩe, koni ana ohĩegbĕle le̱! K. 22.

²⁷ Mina onihĩnii ke̱ ogblãfitemo̱ ke̱ onyenyeṅtſibō̱ ke̱ odſamaṅbō̱ ní yo̱ nyãṅemo̱ le̱, ye̱ ṅãno̱ goṅkpo̱i le̱ ano̱. Kpóo hao, Ierusalem! atšūṅ ohe; mẽ beyino noṅṅ ebakã he ke̱-yaši?