Yeremia 1 - Ṅmãle̱ Kroṅkroṅ Le̱

¹ Ieremia, Hilkia bi, ní dše̱ oso̱foi ní yo̱ Anatot yo̱ Benyamin šikpoṅ le̱ no̱ le̱ ateṅ le̱, wiemo̱i ne̱:

² Iehowa wiemo̱ ba eṅõ ye̱ Iosia, Amon bi le̱, ní dši Iuda maṅtše̱ le̱, yino̱, ye̱ emaṅtše̱yeli afi ní dši nyoṅma ke̱ etẽ le̱ mli; 2 Maṅ. 21,24.

³ asaṅ eba eṅõ ye̱ Iehoiakim, Iosia bi le̱, ní dši Iuda maṅtše̱ le̱, yino̱ ke̱-yaši Zedekia, Iosia bi le̱, ní dši Iuda maṅtše̱ le̱, afi ní dši nyoṅma-ke̱-ekome le̱ nāgbë mli, ke̱-yaši Ierusalem nomṅō̃ le̱ no ye nyõṅ ni dši enumo̱ le̱ no̱. 2 Maṅ. 23,34; 24,17; 25,2. 8.

⁴ Ni Iehowa wiemo̱ ba miṅõ ake:

⁵ Fẽdã ní mišõo ye̱ mũsũ mli le̱, mileo, ni dãni odše kpo ye̱ fo̱mo̱he le̱, mifeo kroṅkroṅ, ni miwoö gbalo̱ mihã dšeṅmãdši le̱! Ies. 59,1. Gal. 1,16.

⁶ Ni mikē̱: Ao, Nuṅtšo̱ Iehowa! na, *milee wiemo̱; edšake̱ gbekẽ dšimi. *2 Mose 3,11. Ies. 6,5-8.

⁷ Ni Iehowa kē̱mi ake̱: Kākē̱ ake̱: Gbekẽ dšimi! ši moṅ mofẽmo ṅõ ní matšũo le̱, ya, ni nofẽno ní mafã́o le̱, wiemo̱!

⁸ Kāšeame̱ gbeyei, edšake̱ mike̱o ye̱, ní madšieo! Iehowa kē̱.

⁹ Ni Iehowa kpã enine mli ni eta minābu he; ni Iehowa kē̱mi ake̱: Na, *miṅõ miwiemo̱i le miwo onā. *5 Mose 18,18.

¹⁰ Kwe̱, ṅme̱ne̱ gbĩ ne̱ mike̱o eto dšeṅmãdši le̱ ke̱ maṅtše̱yeli le̱ ano̱, ní ofāmo̱ ni okũmo̱, ni ofite ni obutu, ni omãmo̱ ni ote̱o! 18,7-10.

¹¹ Ni Iehowa wiemo̱ sā ba miṅõ ake̱: Meni onaä, Ieremia? Ni mikē̱: Ṅme̱tšo ko minaä ne̱.

¹² Ni Iehowa kē̱mi ake̱; Ona dšogbāṅ; edšake̱ *mīši kpe ye̱ miwiemo̱ le̱ he ní mafe! *31,28.

¹³ Ni Iehowa wiemo̱ ba miṅõ noni dši šii enyo̱ ake̱: Meni onaä? Ni mikē̱: Mina kukwe̱i ko ni tſaä, ni ehĩe dše̱ kōyigbe̱.

¹⁴ Ni Iehowa kē̱mi ake̱: Kōyigbe̱ nõfõṅ badše̱ adſa aſie šikpoṅ le̱ no̱ bii fẽkwa no̱.

¹⁵ Edšake̱ na, matšé̱ kōyigbe̱ maṅtše̱yelii le̱ awekui le̱ fẽ, Iehowa kē̱, ni ame̱aba, ni ame̱teṅ mofẽmo ke̱ emaṅtše̱-sẽi aabamã Ierusalem agbói le̱ anā, ke̱ egbogboi le̱ fẽ hewo ke̱-kpe, ke̱ Iuda mãdši le̱ fiã hewo̱!

¹⁶ Ni makodšoame̱ ye̱ ame̱nifõdšianii le̱ fẽ hewo, ake̱-ni ame̱kwami, ni ame̱yašã tšofãi-ke̱-ṅmai ame̱hã nyoṅmo̱i krokomei, ni ame̱dšá ame̱dientše̱ ame̱ninenā nitšumo̱i le̱.

¹⁷ Nohewo̱ le̱ bo le̱, mĩamo̱, ni ote ši ni okē̱ame̱ nofẽno ní mafã́o! Otšui akafã ye̱ ame̱hĩe, ké̱ dšee nakai le̱ mahã otšui afã ye̱ ame̱hĩe!

¹⁸ Edšake̱, na, ṅme̱ne̱ gbĩ ne̱ miṅõo mife maṅ ni atſa gbogbo awo he, ke̱ dade akulašĩṅ, ke̱ akō̱ble gbogboi miši šikpoṅ le̱ fẽ ke̱ Iuda maṅtše̱mei ke̱ elumei ke̱ eso̱foi ke̱ šikpoṅ le̱ no bii le̱; 15.20. Ezek. 3,8. 9.

¹⁹ ni ame̱ke̱o aawu, ši ame̱nyẽṅo; edšake̱ mike̱o ye̱, ní madšieo, Iehowa kē̱.