Yakobo 5 - Ṅmãle̱ Kroṅkroṅ Le̱

¹ Agbe̱ne̱, nye niiatše̱mei hũ, nyefóa ni nyewo̱a lele ye̱ nyew̌ere̱hōianii ni baba nyeno̱ le̱ ahewo̱! Luk. 6,24.

² *Nyenii babao le̱ ešãra, ni nyetadei le̱ hũ, omlegẽi éye. *Mat. 6,19.

³ Nyešika ke̱ nyedſie̱te̱i le̱ edo̱ ṅkanale, ni ame̱he ṅkanale le̱ aaye nyehe odase, ni eeye nyehewodšiaṅ tamo̱ la. Nyebo̱ dſetri ye̱ nãgbẽgbĩĩ le̱ amli.

⁴ Na, nitšulo̱i ni kpa nyeṅmõdšiaṅ nii le̱ anyōmo̱wo ni nyetše ye̱ šišiumo̱ nā le̱ mīblo̱, ni mei ni bua nyenii anā le̱ ablo̱mo̱i le̱ ebabote Zebaot Nuṅtšo̱ le̱ toiiaṅ, 5 Mose 24,14. 15.

⁵ *Nyeye nyenānii ye̱ šikpoṅ le̱ no̱ ni nyebo̱ ahoſi; nyelè̱ nyetšuii āhũ ke̱yaši †gbē gbī le̱ no̱. *Luk. 16,19. 25, †Ier. 12,3.

⁶ Nyebu dšalo̱ le̱ fo̱, ni nyegbele̱, etšĩĩ nyenā.

⁷ Nohewo̱ le̱, *nyeṅmẽa nyetšui ši, anyemimei, ke̱yašia Nuṅtšo̱ le̱ bābe le̱. Na, hũlo̱ le̱ mẽo̱ šikpo̱ṅ no̱ nibãnii ni dšra wa le̱, ni eṅmẽo̱ etšui ši ye̱ he ke̱-yašio̱ beyino̱ ni enáa agbie̱nā ke̱ gbo nune̱mo̱ le̱; *Luk 21,19. Heb 10,36.

⁸ bĕle̱ nye hũ nyeṅmẽa nyetšui ši; nyewoa nyetšuii ekã, edšake̱ Nuṅtšo̱ le̱ bābe le̱ eše̱ etã.

⁹ Nyekadõmo̱a ntšo̱i nyewoa nyehe, anyemimei, koni akakodšonye; na, kodšolo̱ le̱ damo̱ šĩnãi le̱ ase̱.

¹⁰ Minyemimei, nyeṅõa gbalo̱i ni wie ye̱ Nuṅtšo̱ le̱ gbe̱i amli le̱ nyefea amanehũlũ ke̱ tšuišiṅmĕ he okadi. Mat. 5,12.

¹¹ Na, wo̱dšō̱o̱ mei ni ṅmẽo̱ ame̱tšui ši le̱, Nyenu *Hiob tšuišiṅmĕ le̱ he, ni nyena Nuṅtšo̱ le̱ nãgbē le̱; ake̱ Nuṅtšo̱ le̱ mli tšõole̱ babaō, ni amli dšo̱ hũ. *Hiob 1,21. 22.

¹² Ši titri le̱, minyemimei, nyekakãa kitã, ṅwei nõ dšio, šikpoṅ nõ dšio, alo kitã kroko dšio; ši nyehẽ le̱ afe hẽ, ni dabi le̱ afe dabi, koni nyekagbē kodšomo mli. Mat. 5,34-37.

¹³ Ké̱ nyeteṅ moko *mīna amanehũlũ le̱, hā eso̱le; ké̱ moko ená tšuidšũrõ le̱, ela †yidšiemo̱lalai. *Lal. 50,15. †Kol. 3,16.

¹⁴ Ké̱ nyeteṅ moko he waale̱ le̱, étšé̱ asafo le̱ mli onukpai le̱ ke̱-ba eṅõ, ni *amé̱kpale̱ mũ ye̱ Nuṅtšo̱ le̱ gbe̱i amli ni ame̱so̱le ame̱hãle̱, *Mar. 6,13.

¹⁵ ni *hemo̱-ke̱-yeli so̱lemo̱ le̱ aahere belatše̱ le̱ yiwala, ni Nuṅtšo̱ le̱ aatēle̱ ši, ni ke̱dši efe ešai le̱, aaṅõ-fale̱, *Mar. 16,18

¹⁶ Nyedšadšea nyeno̱tõmo̱i nyetšõa nyehe, ni nyeso̱lea nyehãa nyehe, ni nyehe atã, Dšalo̱ so̱lemo̱ ni mli wa le̱ nyẽo̱ nii babaō etšuo̱.

¹⁷ Elia dši gbomo ádesã tamo̱wo̱ noṅṅ, ni eso̱le so̱lemo̱ ko̱ koni nyoṅmo̱ akane̱, ni *ene̱e̱ ye̱ šikpoṅ le̱ no̱ afii etẽ ke̱ nyõdši ekpa so̱ṅṅ. *1 Maṅ. 17,1. Luk. 4,25.

¹⁸ Ni esā eso̱le, ni Nyoṅmo̱ hã nu ne̱, ni šikpoṅ le̱ ba enii. 1 Maṅ. 18,42.

¹⁹ Anyemimei, ke̱dši nyeteṅ moko dũ gbe̱ ke̱-dše̱ ano̱kwale le̱ mli ni *moko mĩkpalele̱ ekoṅ le̱, *Gal 6,1.

²⁰ hã ní ele ake̱, moni kpaleo̱ *ešafelo̱ ke̱-dše̱o̱ egbe̱dũ mli le̱, ẽhere susuma yiwala ke-dše gbĕle mli, ni †eeha ešai pī ano̱ *Lal 51,15 †Abei 10,12. 1 Pet. 4,8.