Yakobo 1 - Ṅmãle̱ Kroṅkroṅ Le̱

¹ Iakobo, ni dši Nyoṅmo̱ ke̱ Nuṅtšo̱ Iesu Kristo tšulo̱ le̱, ṅmã yahã akutšei nyoṅma ke̱ enyo̱ ni *egbe̱ eſã le̱: Mīše̱ ahãnye! *1 Pet, 1,11.

² Minyemimei, ke̱dši nyegbē kāi sro̱toi pī amli le̱, *nyebuale̱ mĩše̱ so̱ṅṅ; *Rom. 5,3-5.

³ edšake̱ nyele ake̱ nyehemo̱-ke̱-yeli kā le̱ tšé̱o̱ tšuišiṅmẽ ke̱-baä.

⁴ Ni nyehãa tšuišiṅmē le̱ agbea enitšumo̱ nā ke̱-wulaä ši, koni nyehī ke̱ wula ši, ni nyeye emū, ni nokonoko akafe̱nye

⁵ Ši ké̱ nilē eſe̱ nyeteṅ moko le̱, *ékpa Nyoṅmo̱ ni hãa mei fẽ fā ni ewiee moko hĩe le̱ fai, ni aaṅõ-hãle̱. *Abe̱i 2,3-6.

⁶ Ši hã ni *ekpa fai ye̱ hemo̱-ke̱-yeli mli, ni ekadše nokonoko he ṅwane; edšake̱ ṅwanedšelo̱ le̱ etamo̱ ṅšo̱ke ni kō̱yo̱ tſaä ke̱-yaä ke̱-baä. *Mar, 11.24.

⁷ Edšake̱ nakai gbomo ko akasusu ake̱ eená noko ye̱ Nuṅtšo̱ le̱ deṅ;

⁸ dſẽṅmo̱i enyo̱nyo̱-tše̱ ko fīī ši ye̱ egbe̱i fẽ mli.

⁹ Ši nyemi ni dši hũmi le̱ áſã ye̱ ewō le̱ mli, 2,5.

¹⁰ ši niiatše̱ le̱ eſã ye̱ ehũmifemo̱ le̱ mli; edšake̱ ebaṅãlã *tamo̱ dſe̱iaṅ fo̱fo̱i. *1 Pet, 1,24.

¹¹ Edšake̱ hũlũ teo̱ ši ke̱ latšã ni egbĩo̱ dſe̱i le̱, ni *efo̱fo̱i le̱ kpãlaä ſieo̱ ši ni efe̱o le̱ fiteo̱: nakai noṅṅ niiatše̱ le hũ hĩe bakpãtã ye̱ egbe̱i le̱ ano̱. *Ies, 40,6. 7.

¹² Adšō̱ nū ni ṅmẽo̱ etšui ši ye̱ kã mli le̱, edšake̱, ké̱ akale̱ ni esa le̱, *eená wala akekre, ci Nuṅtšo̱ le̱ ewo ši ehã mei ni sumoo̱le̱ le̱. *2 Tim. 4,8.

¹³ Ke̱dši āka moko le̱, ekakē̱ ake̱: Nyoṅmo̱ ṅõ adše̱ akami. Edšake̱ Nyoṅmo̱ le̱ akaale̱ ye̱ nifõdši agbe̱fãṅ, ni le̱dientše̱ hũ ekaa moko.

¹⁴ Ši mofẽmo le̱, le̱dientše̱ eko̱no̱ ni gblaäle̱ ni lakaäle̱ le̱ kaäle̱, Rom. 7,7. 8.

¹⁵ No se̱ le̱ ako̱no̱ le̱, kē̱ éṅõ ho̱ le̱, efo̱ō̱ eša, ni eša le̱ hũ, ké̱ afe agbe nā le̱ efo̱ō̱ *gbēle. *Rom. 7,10.

¹⁶ Nyekadũa gbe̱, minyemimei ni misumoo̱.

¹⁷ Dromo̱nii kpakpai fẽ ke̱ nikēnii ni hĩ ke̱-wula ši fẽ le̱, ṅwei edše̱o̱ ekplekeo̱ ši, ke̱-dše̱o̱ lai atše̱ le̱ ṅõ, *mo mli ni su tšakemo̱ ke̱ tšõmo̱ susuma ko be̱ le̱. *1 Ioh 1,5.

¹⁸ Le̱dientše̱ esuomo̱ nā eke̱ ano̱kwale wieme̱ le̱ fo̱wo̱, koni wo̱fe enibó̱nii le̱ amli kleṅkleṅ yibii, Ioh 1,13 1 Pet 1,23.

¹⁹ Nohewo̱ le̱, minyemimei ni misumoo, mofẽmo he afe oyá ke̱ ninumo̱, ehũmi ši ke̱ wiemo̱, *ehũmi ši ke̱ mlifũ. *Dsads. 7,9.

²⁰ Edšake̱ nū mlifũ tšuu Nyoṅmo̱ dšale̱nii. Ef 4,26.

²¹ Nohewo̱ le̱ *nyeše̱re̱a nyãṅemo̱-nitšumo̱ ke̱ efõṅ ne̱tekemo̱ fẽ nyeſiea, ni nyeke̱ mlidšo̱le̱ aherea wiemo̱ le̱ ni ate̱o ye̱ nyemli ni yo̱ hewale̱ ni eke̱-ahere nyesusumai ayiwala le̱, *Kol. 3,8. 1 Pet. 2,1.

²² Ši nyetšōmo̱a wiemo̱ le̱ no̱yelo̱i, ni dšee wiemo̱ le̱ nulo̱i ke̱ke̱, ni nyeke̱mīšišiu nyedientše̱ nyehe. Mat. 7,26. Rom 2,13.

²³ Edšake̱, ké̱ moko dši wiemo̱ le̱ nulo̱ ke̱ke̱ ši edšee eno̱yelo̱ hũ le̱, ne̱ke̱ gbomo ne̱ tamo̱ nū ko ni kwe̱o̱ ehĩe su le̱ ye̱ aſiſe̱ mli;

²⁴ edšake̱ ekwe̱o̱ ehe, ni eyaā, ni amrõ-mrõ noṅṅ le̱ ehīe kpaä bo̱ ni eyo̱ le̱ no̱.

²⁵ Ši moni mãa eyi ši ekwe̱o̱ *heyeli mla ni hĩ ke̱-wula ši le̱ mli, ni ekãa he, ni edšee moni nuo̱ ni ehĩe kpaā no̱, ši moṅ edši no̱yelo̱ ni tšuo̱ he nii le̱, nakai mo le̱ †aadšō̱le̱ ye̱ eno̱yeli le̱ mli, *2.12. Rom. 8,2. †Ioh. 13,17.

²⁶ Ši ké̱ efeo̱ nyeteṅ moko ake̱ Nyoṅmo̱-dšálo̱ dšile̱ ni *ewoo elile̱i manyofle̱ ši moṅ ešišiuo̱ etšui le̱, ne̱ke̱ gbomo ne̱ dšámo̱ le̱ yaka ni. *Lal. 34,14.

²⁷ Nyoṅmo̱ dšãmo̱ ni he tše ni ehe be̱ mũdši ko ye̱ Nyoṅmo̱ ke̱ tše̱ le hīe dši ene̱, ake̱ mo asra awusãi ke̱ okũlafoi ye̱ ame̱manehũlũ le mli, ni eto ehe ke̱-dše̱ dše ne̱ṅ koni ekawo ehe mũdši.