Yāfó 5 - Ṅmãle̱ Kroṅkroṅ Le̱

¹ Iehowa, kaimo̱ noni eba wo̱no̱ le̱; kwe̱mo̱ ní ona wo̱hora ní abo̱ö̱wo̱ le̱!

² Wo̱gbošinii le̱ etšṍ gbo̱i anõ; wo̱-šĩai le̱ hũ etšṍmo̱ meikpõdši anii.

³ Wo̱tšṍmo̱ awusăi, wo̱be̱ tše̱mei; wo̱nyemei tamo̱ yei okũlafoi.

⁴ Wo̱nu le̱ wo̱nuo̱ ye̱ šika nā; wo̱lai le̱, hō̃mo̱ ahõo̱ ahãawo̱.

⁵ Wo̱tiulo̱i le̱ trá wo̱kue̱ no̱, eto̱wo̱, wo̱náá hedšō̱mo̱.

⁶ Wo̱ke̱ wo̱he hã Mizraim ke̱ Ašur, koni wo̱ná nii wo̱ye ni wo̱tŏ̱ro̱.

⁷ Wo̱tše̱mei le̱ efe eša, ni ame̱be̱, ni wo̱ moṅ wo̱tĕre amenišaianii le̱. 2 Mose 20,5. Ier. 31,29. Ezek. 18,2.

⁸ Tšũdši yeo̱ wo̱no̱; moko be̱ ní aadšiewo̱ ye̱ ame̱deṅ.

⁹ Ṅãno̱ klante le̱ hewo̱ le̱ wo̱ke̱ wo̱wala tšĕrẽo̱ tšei anā dãni wo̱náa niyenii.

¹⁰ Hõmo̱ ní mli edo̱ la le̱ hewo̱ le̱ wo̱hewolo ešã tū̃ tamo̱ flõnõ.

¹¹ Ame̱to yei le̱ kabonā ye̱ Zion, ke̱ oblayei le̱ hũ ye̱ Iuda mãdši ke̱ amli.

¹² Ame̱ke̱ ame̱nidši se̱ṅo̱ lume̱i, ame̱hĩe eſiee onukpai le̱ ahĩeiṅ.

¹³ Obiahĩĩ le̱ tĕreo̱ w̌ie̱, ni gbekẽbii le̱ gbēgbēo ši ye̱ laii ašiši.

¹⁴ Onukpai le̱ efõ koi le̱ ši yā, oblahĩĩ le̱ hũ efõ ame̱saṅkũtſā le̱.

¹⁵ Wo̱tsuiṅ mīše̱ le̱ se̱ efo; wo̱dšò le̱ etšṍ ṅko̱mo̱yeli.

¹⁶ Wo̱yiteṅ *akekre le̱ edše egbē ši. Kpóo hawo̱, ake̱ wo̱fe eša! *Ier. 18,13.

¹⁷ Ene̱ hewo̱ ke̱ wo̱tšui egbo̱dšo̱, ene̱mei ahewo̱ le̱ wo̱hĩṅme̱ii ano̱ efe tūtū,

¹⁸ ye̱ Zion goṅ ní efe amaṅfõ, ní oso̱i po nyieo̱ no̱ le̱ hewo̱!

¹⁹ Bo Iehowa ohĩo̱ ši ke̱-yaã nāno̱, osẽi ke̱ ye̱ ke̱-dše̱o̱ yino̱ ke̱-yaä yino̱.

²⁰ Mẽba *ohĩe aakpa wo̱no̱ ke̱-ya nāno̱, ni ookwawo̱ wo̱wala gbĩĩ abo̱ fẽ? *Lal. 13,2.

²¹ Kpalemo̱wo̱ ke̱-ba oṅõ, Iehowa, ni wo̱o̱kpale; femo̱ wo̱gbĩĩ le̱ ehē tamo̱ blema le̱!

²² Kākā efe ake̱ okwawo̱ kwrakwra ni omli efũwo̱ tūtu!