Yāfó 1 - Ṅmãle̱ Kroṅkroṅ Le̱

¹ Kwe̱ boni maṅ ni emli bii fá le̱, ekometō etá ši! Le̱ ni edši agbo ye̱ dšeṅmãdši le̱ ateṅ le̱, etšṍ tamo̱ *okũlafo! Lumoyelihei le̱ ateṅ maṅnye le̱, etšṍ moni atšũo̱le̱ onĩa! *Ier. 51,5.

² Fó so̱ṅṅ efóo̱ nyōṅ, yāfónui dſere ehĩe; *mokomoko be̱ esuolo̱i le̱ fẽ ateṅ ni še̱dšeo emĩ, enanemei fiā eyele̱ kũtũmpo̱o, ame̱tšṍmo̱ ehenye̱lo̱i. *Lal. 69,21.

³ Amanehũlũ ke̱ nyṍṅyeli tūtu hewo̱ le̱ Iuda efã ke̱-te; eyahĩ dšeṅmãdši le̱ ateṅ, enáá hedšo̱le̱; mei ní nyie ese̱ ke̱ yiwale̱ le̱ fẽ eninale̱ ye̱ nifĩfīaṅ.

⁴ Zion gbè̱i le̱ mīye ṅko̱mo̱, edšake̱ moko baa gbedšũrõ le̱; e̱gbói le̱ fẽ efe emaṅfõ; eso̱foi le̱ mīdõmo̱ ntšo̱i, eblayei le̱ efe mo̱bo̱mo̱bo̱, ni le̱dientše̱ le̱, ew̌ere̱ eho ehe.

⁵ Ehaolo̱i le̱ ebaye yitšo, ehenye̱lo̱i le̱ edšake̱ Iehowa ehã enii efe mo̱bo̱ ye̱ eno̱tõmo̱i babaō le̱ hewo̱. Ebii abifabii le̱ enyie haolo̱ le̱ hĩe ke̱-te nomṅō̃ mli.

⁶ Zion biyō le̱ hefe̱o le̱ fẽ edše ehe ete. Elumei le̱ tamo̱ ofrotei ní náá lẽ̱̀he ko, ame̱nyie tiulo̱i le̱ ahĩe ni ame̱be̱ hewale̱.

⁷ Ierusalem amanehũlũ ke̱ haomo̱ gbĩĩ le̱ amli le̱ ekaio̱ enu fe̱fe̱dši ní eyo̱ ke̱-dše̱ blema bēbe le̱; beni emaṅ le̱ gbē haolo̱ le̱ deṅ, ní ebe̱ bualo̱ ko le̱ ehaolo̱i le̱ nale̱, ni ame̱ṅmõ ehĩekpãtãmo̱ le̱.

⁸ Ierusalem efe eša kple hewo̱ le̱ etšṍ *tamo̱ nyãṅemo̱ noko. Mei ni buo̱le̱ fẽ mīgbe ehe guo̱, edšake̱ †ame̱na eyayaiaṅ; le̱ hũ ēdōmo̱ ntšo̱i ni etšṍ ese̱. *K. 17. †Ier 13,22.

⁹ Ehe mũdši le̱ eka etade nāmũi le̱ amli; edſẽṅṅ enāgbē, nohewo̱ le̱ eba ši ni ye̱ nākpe̱; ebe̱ mīše̱dšelo̱ ko. Iehowa, kwe̱mo̱ mimanehũlũ le̱; edšake̱ henye̱lo̱ le̱ ete ehe agbo!

¹⁰ Henye̱lo̱ le̱ ekpã enine mli ye̱ enii fe̱fe̱dši le̱ fẽ no̱; ena ake̱ dšeṅmãdši le̱ ebote ehekroṅkroṅ le̱, *mei ní owo ame̱he kitã ake̱ ame̱kabote osafo le̱ mli le̱. *5 Mose 23,5,

¹¹ Emaṅbii le̱ fẽ mīdōmo̱ ntšo̱i, ame̱mītao niyenii; ame̱ṅõ ame̱nibii fe̱fe̱dši le̱ ame̱he ṅmā̃ ní ame̱ke̱-hã ame̱susumai ahĩe tšere̱ame̱. Iehowa, kwe̱mo̱ ní ona ake̱ mitu guo̱ egbo!

¹² Nye mei fẽ ni nyetšṍo̱ gbe̱ le̱ no̱ ke̱-hoo le̱! Ani dšee nyehe sane ko lo? Nyekwe̱a ní nyena ake̱ aw̌ere̱hō ko ye̱ ní tamo̱ miw̌ere̱hō ní ekãmi, ni Iehowa ke̱-hã mina nõ ye̱ emlifũ ní nā wa gbĩ le̱ no̱ ne̱ lo! K. 5.

¹³ Etšu la ke̱-dše̱ ṅwei ke̱-ba miwui amli, ni eye ame̱no̱; etšṍ minãdši tšõne, ehã mikpale; ehã mife pasā, ehãa mifeo̱ vī dā dšenamo̱.

¹⁴ Eke̱ enine efĩ mino̱tõmo̱i apã le̱; atſẽtſẽame̱ afõ mikue̱, ehã mihewale̱ etä. Nuṅtšo̱ le̱ etumi ewo mei ní minyẽẽ ame̱hĩe madamo̱ le̱ adeṅ.

¹⁵ Nuṅtšo̱ le̱ ese̱re̱ mihĩĩ kãkãlo̱i ní yo̱ mimli le̱ fẽ eſie; etšé̱ kpē ewo mihe, ní ame̱kpãtã miblahĩĩ le̱ ahĩe. Nuṅtšo̱ le̱ enānā Iuda biyō oblayō le̱ *weinṅãtšõne le̱ no̱. *Ies. 63,3.

¹⁶ Ene̱mei ahewo̱ mífó̱o̱ le̱; mihĩṅme̱ii, mihĩṅme̱ii amli tšereo̱ nu ſieo̱ ši; edšake̱ mimīše̱dšelo̱ ní aatšé̱ mitšui aṅmẽ mimli le̱ ke̱mi teṅ dšeke̱. Mibihĩĩ le̱ efe pasā; edšake̱ henye̱lo̱ le̱ eye no̱. Ier. 9,1.

¹⁷ Zion egbe̱ enidšiaṅ, bi mīše̱dšelo̱ ko be̱ hãle̱. Iehowa efã́ Iakob henye̱lo̱i le̱ ní ame̱bo̱lele̱ ke̱-kpe; Ierusalem etšṍ tamo̱ *nyãṅemo̱ noko ye̱ ame̱teṅ. *K. 8.

¹⁸ Dšalo̱ dši Iehowa; edšake̱ *mitše ekitā le̱ hĩe atũa. Nye mãdšimãdši fẽ, nyeboa toi ni nyekwe̱a miw̌ere̱hō le̱! Miblayei le̱ ke̱ miblahĩĩ le̱ ete nomṅō̃ mli. *3,42; 5,16.

¹⁹ Mitšé̱ misuolo̱i le̱, ši ame̱šišiumi. Miso̱foi ke̱ minukpai le̱ eto̱ biti ye̱ mã le̱ṅ, beni *ame̱taoo̱ niyenii ame̱hã amehe ní ame̱ke̱-hã ame̱susumai ahĩe atšere̱-ame̱ le̱. *K. 11.

²⁰ Iehowa, kwe̱ boni efĩmi! mimlinii mītšômo̱, mitšui etšṍ ye̱ mimli, edšake̱ mitše atŭa. Klante mīšò mibii ye̱ agbó nā, šĩa hũ gbēle ye̱.

²¹ Ame̱nu ake̱ mīdõmo̱ ntšo̱i: mokomoko be̱ ní še̱dšeo̱ mimī; mihenye̱lo̱i le̱ fẽ enu mimanehũlũ le̱ he, ame̱mĩnyã́ ake̱ bo ofe. Oohã gbĩ ní ošie̱ le̱ aba, ní *ame̱atšṍmo̱ tamo̱mi. *4,21.

²² Hā amenifõdšianii le̱ fẽ aba ohĩe, ni ofeame̱ tamo̱ bo̱ni ofemi ye̱ mino̱tõmo̱i le̱ fẽ hewo̱ le̱! edšake̱ mitšo̱idõmo̱ le̱ fá tšṍ, ni mitšui efe vī.