Tito 2 - Ṅmãle̱ Kroṅkroṅ Le̱

¹ Ši bo le, wiemo̱ wiemo̱i ni sa tšámo̱-tšōmo̱ le. 1 Tim. 6,3. 2 Tim. 1,13.

² Hīīmedši le, ake̱ ame̱hìe ákã ši, ame̱fe mei ni hīe tšĩ, ame̱dſẽṅmo̱ akã ši, ame̱he awa ye̱ hemo̱-ke̱-yeli ke̱ suomo ke̱ tšuišiṅmẽ gbe̱fãṅ. 1 Tim. 5,1.

³ Yeimedši hũ nakai noṅṅ, ake̱ ame̱ba ame̱dšeṅ bo̱ni sa meikroṅkroṅi le; ame̱ka-wiewie mei ahe, ame̱katšōmo̱ dā̃to̱lo̱i, ame̱fe mei ni tšõo̱ nii kpakpai, 1 Tim, 3,11.

⁴ koni ame̱tšõ oblayei le ni ame̱sumo̱ ame̱wùmei, ame̱sumo̱ ame̱bii,

⁵ ame̱hĩe akã ši, ame̱he atše, ame̱bā ame̱we yi dšogbãṅ, ame̱mli ahī, *ame̱ba ame̱he ši ame̱hã ame̱wùmei, koni akawie Nyoṅmo̱ wiemo̱ le̱ he musubō̱-wiemo̱. *Ef. 5,22.

⁶ Oblahīī hũ nakai noṅṅ, wiemo̱ otšõame̱ koni ame̱dſẽṅmo̱ akã ši;

⁷ ni nii fẽ gbe̱fãṅ le, ṅõ bodientše̱ ohe otoame̱ nitšumo̱i kpakpai ahe okadi; nitšõmo̱ mli le̱ otšõ tšõmo̱ kro̱ṅṅ, nii ni hãa mo hīe tšīo̱, 1 Tim. 4,12. 1 Pet. 5,3.

⁸ wiemo̱ kpakpa ni anáṅ he sane ko atã, beni afe ni moni ke̱wo̱ yee le hīe agbo, edšake̱ ebe̱ wo̱he nõša ko kē̱mo̱. 1 Pet. 2,15.

⁹ Tšũdši le̱, ake̱ ame̱ba ame̱he ši ame̱hã ame̱nuṅtšo̱mei le̱, ame̱sa ame̱hīe ye̱ nibii fẽ mli, ame̱kadšie sane nā, Ef. 6,5. 1 Tim. 6,1. 1 Pet 2,18.

¹⁰ ame̱kašra nii, ši moṅ ame̱ke̱ ano̱kwayeli kpakpa fē atšõame̱, koni ame̱ke̱wula Nyoṅmo̱ ni dši *wo̱yiwalaherelo̱ le̱ tšõmo̱ le̱ ye̱ nibii fẽ mli. *1,3.

¹¹ Edšake̱ Nyoṅmo̱ dromo̱ ni ake̱hereo̱ gbomei fẽ yiwala le̱ epue,

¹² ni etše̱seo̱we̱ koni wo̱kwa nōšafemo̱ ke̱ dše ne̱ṅ ako̱no̱i le̱, ni wo̱ke̱ *dſẽṅmo̱ kpakpa ke̱ dšale̱ ke̱ Nyoṅmo̱ gbeyeišemo̱ ahī ši ye̱ dše ne̱ṅ, *Ef. 1,4.

¹³ ni *we̱kwe̱ Nyoṅme̱ kpeteṅkple le̱ ke̱ wo̱yiwalaherelo̱ Iesu Kristo dšō̱mo̱-no̱hĩekāmo̱ le̱ ke̱ enumnyam le puemo̱ le̱ gbe̱; *1 Kor. 1,7. Fil. 3,20.

¹⁴ moni ṅō *le̱dientše̱ ehe ehã ye̱ wo̱nãdšiaṅ, koni ekpõwo̱ ke̱dše̱ no̱tōmo̱ fẽ mli, ni etšū wo̱he efe le̱dientše̱ emaṅ kro̱ṅṅ ni hīe do̱ö̱ ye †nitšumo̱i kpakpai ahe le̱. *Gal. 1,4. 1 Tim. 2,6. †Ef. 2,10.

¹⁵ Nii ne̱ owie, ni owoame̱ ṅā ye̱ he, ni okã ame̱hīe ye̱ he ke̱ hewale̱ fẽ. *Kāhã moko mīgbe ohe guo̱. *1 Tim. 4,12.