Rut Wolo Lɛ 4 - Ṅmãle̱ Kroṅkroṅ Le̱

¹ Ni Boaz te maṅ le̱ koi le̱ ši, ni eyatá ši ye̱ dše̱i. Ke̱ke̱ le̱ na, niyelo̱ le̱ ni Boaz tšĩ etã le̱ hoo̱ ne̱, ni ekē̱: Kwe̱, ašimaši ba ni obatá bie̱! Ni eba ni ebatá ši.

² Ni etšé̱ maṅ onukpai le̱ ateṅ mei nyoṅma ke̱-ba, ni ekē̱: Nyebatráa bie̱! Ni ame̱batrá ši.

³ Ni ekē̱ niyelo̱ le̱ ake̱: Šikpoṅ kuku ni dši wo̱nyemi Elimelek šikpoṅ kuku le̱, Naomi ni dše̱ Moab šikpoṅ le̱ no̱ ba le̱ mīhō.

⁴ Hewo̱ le̱ midſēṅ ake̱: Mawó otoi no̱, ni ohe ye̱ mei ni trá bie̱ ne̱ ke̱ mi-maṅ onukpai le̱ ahĩe. Ke̱dši ookpõ le̱, kpõ; ši ke̱dši okpõõ le̱, kē̱mo̱mi, ni male; edšake̱ moko be̱ ní aakpõ ake̱ dša bo, ni ose̱ le̱ mi. Ni ekē: Makpõ. 3 Mose 25,25.

⁵ Ke̱ke̱ ni Boaz kē̱: Gbĩ ni oohe šikpoṅ le̱ ye̱ Naomi deṅ le̱, dša oṅõ Rut, Moabyō le̱, ni dši moni egbo le̱ ṅã le̱ nakai gbĩ le̱ noṅṅ, koni *atē moni egbo le̱ gbe̱i ši ye̱ egboši šikpoṅ le̱ no̱. *5 Mose 25,5. 6.

⁶ Ke̱ke̱ ni niyelo̱ le̱ kē̱: Minyẽṅ makpõ, koni mikafite midientše̱ migboši šikpoṅ le̱; yakpõ migbe̱nānii le̱ ohã ohe, edšake̱ minyẽṅ makpõ!

⁷ Ši *blema le̱, ké̱ ākpõ noko lo atša ke noko ye̱ Israel le̱, noni ake̱-mãa sane-fẽ-sane he tšo ne̱: Mokome dšieo̱ etokota ehãa enanyo, ni ene̱ ake̱-yeo̱ odase ye̱ Israel. *5 Mose 26,7-10.

⁸ Nohewo̱ le̱ niyelo̱ le̱ kē̱ Boaz ake̱: Hemo̱ ohã ohe! ni edšie etokota le̱.

⁹ Ni Boaz kē̱ onukpai le̱ ke̱ maṅ le̱ fẽ ake̱: Nyedši odasefoi ṅme̱ne̱, ake̱ mihe nofēno ní dši Elimelek nõ ke̱ nofẽno ni dši Kilion ke̱ Malon nõ le̱ ye̱ Naomi deṅ;

¹⁰ asaṅ Rut, Moabyō, ni dši Malon ṅã le̱ hũ mihe le̱, ni etšṍ miṅã, koni matē moni egbo le̱ gbe̱i ši ye̱ egboši šikpoṅ le̱ no̱, beni afe ni moni egbo le̱ gbe̱i akalādše ye̱ enyemimei ateṅ ke̱ emaṅ le̱ mli; nyedši odasefoi ṅme̱ne̱.

¹¹ Ni maṅbii le̱ fẽ ni yo̱ maṅ le̱ koi le̱ ši le̱ ke̱ onukpai le̱ kē̱: Wo̱dši odasefoi! Iehowa ahã yō le̱ ni baä owe le̱ atamo̱ Rahel ke̱ Lea ni ame̱yi enyo̱ le̱ pe̱ ame̱mã Israel we le̱, ni otšṍ gbomo agbo ye̱ Efrata, ni ogbe̱i ahehe ye̱ Betlehem!

¹² Ni ſĩei ni Iehowa aatšṍ oblayō ne̱ no̱ ahão le̱, ahã owe le̱ atšṍ tamo̱ *Perez ni Tamar ke̱ Iuda fo̱ le̱ we le̱. *1 Mose 38,29.

¹³ Ni Boaz ṅõ Rut ni etšṍ eṅã, ni eba eṅõ, *ni Iehowa hã ená mũsũ ni efo̱ binū. *Lal. 127,5.

¹⁴ Ni yei le̱ kē̱ Naomi ake̱: Yidšiemo̱ ahã Iehowa, moni hãã gbošiniyelo̱ abo̱o ṅme̱ne̱ le̱, ni ehí egbe̱i ahehe ye̱ Israel.

¹⁵ Ni le̱ eetše̱ owala yi se̱ ni eekwe̱o ye̱ ogbo̱ le̱ mli; edšake̱ ošāyō ni sumoo̱o ni ehĩ hío fè bihĩĩ kpawo tete le̱ fo̱le̱!

¹⁶ Ni Naomi he gbekẽ le̱, ni eṅõle̱ ewo emliši, ni etšṍekwe̱lo̱.

¹⁷ Ni ekūṅyei le̱ wole̱ gbe̱i ame̱kē̱: Afo̱ binū ahã Naomi; ni ame̱tšē̱ egbe̱i ake̱ Obed; le̱ dši David tše̱ Išai le̱ tše̱. Mat. 1,5. 6. Luk. 5,32.

¹⁸ Agbe̱ne̱ Perez sešibii ne̱: Perez fo̱ Hezron, 1 Mose 46,12. 1 Kron. 2,5.

¹⁹ ni Hezron fo̱ Ram, ni Ram fo̱ Aminadab, 1 Kron. 2,9-15.

²⁰ ni Aminadab fo̱ *Nahăšon, ni Nahăšon fo̱ Salmon, *4 Mose 1,7.

²¹ ni Salmon fo̱ Boaz, ni Boaz fo̱ Obed,

²² ni Obed fo̱ Išai, ni Išai fo̱ David. 1 Sam. 16,1. 11-18.